ဖျက်ပိုး​လျော့ပါးစေရန် တွဲဖက်စိုက်ပျိုးသင့်သည့် ထောင်ချောက်သီးနှံပင်

အပင်ဖျက်ပိုးမွှားများကို ကာကွယ်နှိမ်နင်းရန် တောင်သူများသည် ပိုးသတ်ဆေးများသုံးခြင်းသာမက စိုက်နည်းပျိုးနည်းများကို ပြောင်းလဲခြင်း၊ ဇီဝနည်းဖြင့်နှိမ်နင်းခြင်း စသောနည်းလမ်းမျိုးစုံကို အသုံးပြုကြပါသည်။ ထိုနည်းစနစ်များထဲတွင် ထောင်ချောက်သီးနှံစိုက်ပျိုးခြင်းသည်လည်း တစ်ခုအပါအဝင်ဖြစ်ပါသည်။

ထောင်ချောက်သီးနှံဆိုသည်မှာ မိမိတို့ အဓိကစိုက်ပျိုးလိုသောသီးနှံတွင် ကျရောက်ဖျက်ဆီးသော ပိုးမွှားကျရောက်မှုမှသက်သာစေရန် ရည်ရွယ်၍စိုက်ပျိုးသော အပင်များဖြစ်ပါသည်။

သီးနှံတစ်ခုတွင် ထောက်ချောက်သီးနှံကို ထည့်သွင်းစိုက်ပျိုးပေးခြင်းသည် ပိုးကျရောက်မှုသက်သာစေရုံသာမက ဓာတုဆေးသုံးစွဲမှုကိုပါ လျော့နည်းစေပါသည်။ ဆိုးရွားစွာ ဖျက်ပိုးကျရောက်သောဒေသများတွင် ထောင်ချောက်သီးနှံစိုက်ပျိုးခြင်းဖြင့် သီးနှံများ၏ပျက်စီးမှုကို သက်သာစေနိုင်ပါသည်။

သို့သော် ထောင်ချောက်သီးနှံစိုက်မည့် တောင်သူတစ်ဦးသည် ဖျက်ပိုး၏အလေ့အထ၊ ဘဝစက်ဝန်း၊ ပြောင်းရွေ့ပုံနှင့် ဖျက်ဆီးမှုလက္ခဏာများကိုပါ သိရန်လိုအပ်ပါသည်။ ဖျက်ပိုးသည် မည်သည့်အပင်အမျိုးအစားကိုနှစ်သက်သည် မနှစ်သက်သက်သည်ကိုလည်း သိရန်လိုပါသည်။

မိမိ အဓိကစိုက်ပျိုးမည့်သီးနှံ၏ သက်တမ်းကို သိရန်လည်းလိုပြီး အဓိကသီးနှံနှင့်ယှဥ်ကာ ထောင်ချောက်သီးနှံကို မည်သည့်အချိန်တွင်စိုက်ရမည်ကို သိရပါမည်။ ထောင်ချောက်သီးနှံ၏ သဘာဝနှင့် သက်တမ်းကိုပါ သိရမည့်အပြင် မိမိရွေးချယ်သော ထောင်ချောက်သီးနှံသည် ဖျက်ပိုးများကိုဆွဲဆောင်နိုင်မည့် သီးနှံပင်မျိုးဖြစ်ရန် လိုပါသည်။ ထို့ပြင် မိမိအဓိကစိုက်ပျိုးမည့်သီးနှံထက် ကြီးထွားမှုမြန်သောသီးနှံ ဖြစ်ရပါမည်။ ထောင်ချောက်သီးနှံကို မည်သည့်ပုံစံနှင့်စိုက်ရမည်ကို သိရပါမည်။

ကြက်သွန်နီ၊ ကြက်သွန်ဖြူများအတွက် ရွှေဒင်္ဂါးပန်းကို ထောင်ချောက်သီးနှံအဖြစ် ဘေးပတ်လည်တွင် စိုက်နိုင်ပါသည်။

ရွှေဒင်္ဂါးစိုက်ခြင်းသည် ဖျက်ပိုးကျရောက်မှုသက်သာစေရုံသာမက ရွှေဒင်္ဂါး၏အမြစ်များသည် နီမတုတ်များကိုပါ သေစေနိုင်သောကြောင့် စိုက်ခင်းများစွာတွင်ရွှေဒင်္ဂါးကိုစိုက်ကြပါသည်။

မုန်လာဥနီအတွက် ကြက်သွန်ဖြူ ကြက်သွန်နီကို ထောင်ချောက်သီးနှံအဖြစ် စိုက်ခင်းပတ်လည်တွင် စိုက်နိုင်ပါသည်။

ဂေါ်ဖီထုပ်အတွက်မူ မုန်ညှင်းစိမ်းနှင့် ကိုက်လန်ကို တန်းကြားညှပ်၍ စိုက်ရပါမည်။

ခရမ်းချဥ်တွင်မူ တရုတ်နံနံ၊ ပင်စိမ်းကဲ့သို့သောအပင်မျိုးကို တန်းကြားညှပ်စိုက်သင့်ပါသည်။

ဝါပင်များတွင်မူ ရုံးပတီပင်များကို စိုက်ခင်းဘေးပတ်လည်တွင် စိုက်နိုင်ပါသည်။

စိုက်ပျိုးရာတွင် ဘောင်ပတ်လည်တွင်သာမက တန်းညှပ်စိုက်ပျိုးခြင်း၊ ရောစိုက်ခြင်းများကိုပြုလုပ်မှသာ ပိုးကျရောက်မှု လျော့နည်းနိုင်မည်ဖြစ်ပါသည်။

ထောင်ချောက်သီးနှံစိုက်ပျိုးခြင်းသည် ဖျက်ပိုးကျရောက်မှုကို လျော့ပါးစေနိုင်သော်လည်း လုံးဝ ဖျက်ပိုးမရှိအောင် ကာကွယ်နိုင်မည်တော့မဟုတ်ပါ။ သို့သော် ဓာတုဆေးသုံးစွဲမှုလျော့နည်းစေခြင်း၊ အကျိုးပြုမိတ်ဆွေပိုးများကို ဆွဲဆောင်နိုင်ခြင်းနှင့် မိတ်ဆွေပိုးများအတွက် နေထိုင်စရာလက်ခံပင်ကို ဖန်တီးဖြစ်ပေါ်စေခြင်း၊ တစ်ခါတရံ ထောင်ချောက်သီးနှံများမှ အပိုဝင်ငွေရခြင်း စသောအကျိုးများရစေပါသည်။ သို့ရာတွင် ထောင်ချောက်သီးနှံသည် မိမိ အဓိကစိုက်ပျိုးသောသီးနှံနှင့်ယှဥ်ကာ အစာအာဟာရလုခြင်း၊ အပင်ရုံသည် လိုအပ်သည်ထက် ပိုမိုသိပ်သည်းခြင်းများဖြစ်လာပါက အပင်ကို လိုအပ်သလို မှုန်းပစ်ရပါမည်။ ထောင်ချောက်သီးနှံပင်တွင် ဖျက်ပိုးများ ကာလကြာရှည်စွာ ခိုအောင်းမနေရန် စစ်ဆေးပြီး ချေမှုန်းရပါမည်။ ထိုသို့ သတိမပြုမိပါက ထောင်ချောက်ပင်သည် ဖျက်ပိုးများ၏ လက်ခံပင်ဖြစ်သွားတတ်ပြီး နောက်ထပ်သီးနှံအဆက်ဆက်ထိပါ ဖျက်ပိုးပါသွားနိုင်ပါသည်။

ထောင်ချောက်သီးနှံစိုက်ခြင်းသည် သမားရိုးကျစိုက်ပျိုးခြင်းထက် အနည်းငယ်အလုပ်ရှုပ်သော်လည်း ဖျက်ပိုးကျရောက်မှုကို လျော့နည်းစေခြင်း၊ ပိုးသတ်ဆေး အလွန်အကျွံသုံးစွဲရခြင်းမှ ကာကွယ်ပေးခြင်း၊ ထောင်ချောက်သီးနှံများသည် တစ်ခါတရံ မိသားစုစားရန် ဖူလုံသည့်အပြင် အပိုဝင်ငွေရစေခြင်းတို့ကြောင့် ဖျက်ပိုးကျရောက်မှုများသော ဒေသများတွင်မိမိတို့နှင့်ကိုက်ညီသော ထောင်ချောက်သီးနှံကို ရွေးချယ်စိုက်ပျိုးရန် အကြံပေးမိပါတော့သည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ဖျက်ပိုးလျော့ပါးစေရန် တွဲဖက်စိုက်ပျိုးသင့်သည့် ထောင်ချောက်သီးနှံပင်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဖျက်ပိုး​လျော့ပါးစေရန် တွဲဖက်စိုက်ပျိုးသင့်သည့် ထောင်ချောက်သီးနှံပင်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}

ဖျက်ပိုးလျော့ပါးစေရန် တွဲဖက်စိုက်ပျိုးသင့်သည့် ထောင်ချောက်သီးနှံပင်