ဖုံးအုပ်စိုက်ပေမဲ့ ရေမပေးတတ်ဘူး..ငနီ

ငနီရ ...

ဘောင်တွေဖော် ဘောင်တွေကို ဖုံးပြီးတော့ စိုက်တယ်။ ကောက်ရိုးဖုံးတာက ရေလောင်းတတ်သေးတယ်။

ပလပ်စတစ်နဲ့ ဆိုတော့ ဘယ်လို ရေ ထည့်ရမလဲ မစဉ်းစားတတ်လို့ ...

အပြည့်ပိတ်တာမှ မဟုတ်တာ လေးကျော်ရယ်

အပင်စိုက်ဖို့အတွက် ဖောက်ကတည်း က ရေလောင်းဖို့ရယ် နဲ့ အပင်အမြစ်နား အရမ်းပူတာမျိုး မဖြစ်အောင်လို့ ကျယ်ကျယ် ဖောက်ထားတာကိုးဗျ။

သုံးချင်ရင် အစက်ချတာနဲ့ ရေပေးလို့ရတယ်။

အဲ့ဒါကတော့ ဘောင်ပြင်ပြီးကတည်းက ဘောင်မအုပ်ခင်မှာ တန်းကြားနေရာ တည့်တည့်မှာ ပိုက်ချပြီးမှ ပလပ်စတစ်ဘောင်အုပ်တာပဲဖြစ်ဖြစ်၊ ဘောင်အုပ်ပြီးမှ ပိုက်တန်းကို ဘောင်ပေါ်ကနေ ဆွဲတာဖြစ်ဖြစ် လုပ်လို့ရတယ်။ 

နောက်တစ်ခုက ပုံမှန် ရေလောင်းသလိုလည်း လောင်းလို့ရတယ်။ အပေါက်ကနေ ရေဖျန်းပုံးနဲ့ လောင်းတာပဲဖြစ်ဖြစ်၊ ရေပိုက်နဲ့ပဲ လောင်းလောင်း ရပါသေးတယ်။

ပြီးတော့ ရေများ ပေါရင် ဘောင်ဖော်ထားတာမို့လား မြောင်းတိုက် သွင်းချလိုက်လည်း ရသေးတယ်။ 

ဒီမယ် လေးကျော်ရီးရဲ့ 

ဘောင်အုပ်စိုက်တယ်ဆိုတာ အစိုဓာတ်ကို ထိန်းနိုင်အောင်လို့ဗျ၊ ဆိုတော့ ရေကလည်း အများကြီး လောင်းစရာမလိုတာ သူ့အားသာချက်ပဲ။၊

မင့်ဟာက မောင်ဝင်းဦးစတိုင်ဖြစ်နေပြီ နည်းနည်းလျော့ဦးဟ ..

ပြောရင်း အားပါသွားလို့ပါ လေးကျော်ကလည်း

ဖုံးတာက ပလပ်စတစ်ဆိုရင် ပလပ်စတစ်ကလည်း တာရှည်ခံပေမဲ့ ဖောက်ရပြုရလွယ်။ 

လက်နဲ့ ထိုးဖောက်လို့တောင် ရတယ်။ ကြာရင်တော့ အဲ့ဒါကြီးက အမှိုက်ပုံကြီးဖြစ်လာတာတော့ရှိတာပေါ့။ အဲ့ဒါကြောင့်မို့ ကျုပ်က မဝယ်ခိုင်းတာလေ 

အလွယ်ရတာဆိုပိုက်ဆံမကုန်ဘူးလေ၊ ချောင်းထဲ ဗေဒါတွေ ဆယ်ပြီး နေပူထဲသာ ပစ်ထားလိုက်စမ်းပါ၊ ကောက်ရိုးတွေ သွားကောက်ပြီး ဖုံးစမ်းပါ့လိမ့်။ 

ဖိတ်ချင်းဖိတ် ကိုယ့်အိတ်ထဲဖိတ်ပေါ့၊ ပြီးကျ ဒီကောင်တွေက ဆွေးပြီး အခင်းထဲ ပြန်ရောက်သွားမှာဆိုတော့ မြေဆီလည်းတက် အပင်လည်း ထွက်ပေါ့။

အေး ဟိုတစ်ခါလိုတော့ ကောက်ရိုး လိုက်သယ်ပေးဦး ငနီ

ဟာ….လေးကျော်ကလည်းဗျာ…..

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်