ညောင်ဦး၊ ရေနံချောင်း၊ ချောက်ဒေသများတွင် မိုးခေါင် သတိပေးချက် အမြင့်ဆုံးပွိုင့်များတွင် ရှိနေ

22/06/2022 16:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

ညောင်ဦး၊ ရေနံချောင်း၊ ချောက်စတဲ့ ဒေသတွေမှာ အခုလကုန်ထိ မိုးခေါင်ခြင်းသတိပေးချက်အဆင့် အမြင့်ဆုံးအမှတ်တွေဖြစ်တဲ့ D4 to D5 အထိ ရှိနေကြောင်း Windy ရဲ့ Drought Intensity Forecast မှာ တွေ့ရတယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင်က ပြောပါတယ်။

ကမ္ဘာ့မိုးလေဝသခန့်မှန်းဝက်ဘ်ဆိုဒ်တစ်ခုဖြစ်တဲ့ Windy မှာ နေ့ရက် တစ်ရက်ချင်းစီရဲ့ Drought Intensity data ကို ၂၄ နာရီ တစ်ကြိမ် ၁၀ ရက်အတွက် update ပြပေးထားတဲ့အခြေအနေအရ ဦးဝင်းနိုင်က အခုလို ပြောတာပါ။

“ မိုးခေါင်တဲ့အနေအထားအတွက် အဆင့် ၅ ဆင့်နဲ့ပြတယ်။  D 1 ကနေ D 5 အထိ ဆိုပြီးတော့ ပြတာ။ Drought ဆိုတဲ့ မိုးခေါင်တဲ့အခြေအနေပေါ့။ ညောင်ဦးမှာဆို D5 အဆင့်ထိတောင် ပြထားတယ်။ မိုးတော်တော်နည်းမယ့်အခြေအနေပေါ့။ အခုလကုန် ၃၀ အထိပေါ့နော်” 

ဒီကြားထဲ အဲ့ဒီဒေသတွေမှာ မိုးရနိုင်ခြေကတော့ “ မုန်တိုင်းဖြစ်မှပဲ မျှော်လင့်လို့ရမယ်” လို့ ဦးဝင်းနိုင်က ဆိုပါတယ်။

မိုးလေဝသဝက်ဘ်ဆိုဒ်တွေရဲ့ ခန့်မှန်းဖော်ပြချက်တွေအရ ‘ အထက်ပိုင်း ကချင်ပြည်နယ်မှာ ၇၂ နာရီအတွင်း မိုးရေချိန်စုစုပေါင်း ၆ လက်မလောက်ရွာပြီး မြစ်ရေတွေကြီး၊ လူတွေရေ‌ဘေးအတွက် စိုးရိမ်နေကြရတဲ့ အခြေအနေမှာ - အလယ်ပိုင်း မိုးနည်း/ရေရှားဒေသနဲ့ တောင်ကြီး၊ ရပ်စောက်၊ ဟဲဟိုးနဲ့ အောင်ပန်းအပါအဝင် ရှမ်းပြည်တောင်ပိုင်းဒေသတချို့၊ ကယား ပြည်နယ် ဖယ်ခုံနဲ့ ဒီးမော့ဆို ဒေသတွေမှာတော့ မိုးနည်းတဲ့ အခြေအနေနဲ့ ကြုံရပြီး စိုက်ပျိုးပင်များစိုက်ဖို့ အခက်အခဲဖြစ်လောက်တဲ့ မိုးနည်းနေခြင်းအခြေအနေနဲ့ ကြုံတွေ့နေရဆဲဖြစ်ပါတယ်' လို့လည်း ဦးဝင်းနိုင်က သုံးသပ်ဖော်ပြထားပါတယ်။

မြန်မာပြည်အထက်ပိုင်းဒေသတွေမှာတော့ မြစ်ရေမြင့်တက်မှုတွေကြောင့် ရွှေကူ၊ ကသာ၊ ဗန်းမော်မြို့တွေဘက်မှာ ရေဘေးရှောင်ရမှုများရှိလာနေပြီး အခုလကုန်ပိုင်းကျရင်တော့ မြစ်ကြီးနားနဲ့ မန္တလေးကြားမှာလည်း ရေကြီးနိုင်တဲ့အခြေအနေတွေဖြစ်လာနိုင်လို့ သတိထားကြ သင့်တယ်လို့ ဦးဝင်းနိုင်က သတိပေးထားပါတယ်။

Photo Crd_Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။  


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်