လာမည့် ၃ ရက်အတွင်း မိုးသက်လေပြင်းကျပြီး လှိုင်းကြီးနိုင်သောဒေသများနှင့် မိုးများ၊ မိုးနည်းနိုင်မည့်ဒေသများ

ယနေ့ (၁၈.၉.၂၀၂၃) နေ့လယ် ၁ နာရီ၊ ထိုင်းမိုးလေဝသဌာနမှ weather chart တွင် လေဖိအားနည်းချိုင့်ဝှမ်း(TROUGH)သည် ဘင်္ဂလားပင်လယ်အော်မြောက်ပိုင်း၊ ရခိုင်ပြည်နယ်၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ ကရင်ပြည်နယ်တို့မှ ထိုင်းနိုင်ငံမြောက်ပိုင်း၊ လာအိုနိုင်ငံနှင့် ဗီယက်နမ်နိုင်ငံတို့အပေါ်အထိ ကျရောက်နေပါတယ်။

ဘင်္ဂလားပင်လယ်အော်အနောက်မြောက်ပိုင်းမှာလဲ စက်တင်ဘာလ ၁၉ ရက်-၂၀ ရက်အထိ လေထုအထက်အလွှာအတွင်းလေဖိအားနည်းဆဲလ်(Low pressure Cell)ဆက်လက်တည်ရှိနေပြီး အနောက်တောင်မုတ်သုံလေအားကောင်းလျက်ရှိကြောင်း တွေ့ရပါတယ်။

ဤအခြေအနေတွေကြောင့် - 

ကမ်းရိုးတန်းဒေသများနဲ့ ကမ်းရိုးတန်းတလျှောက်မှ ပင်လယ်ပြင်ရေလုပ်ငန်းလုပ်ကွက်များမှာ စက်တင်ဘာလ ၁၉-၂၀ ရက်အထိ မိုးသက်လေပြင်းကျပြီးလှိုင်းကြီးနေနိုင်ပါမယ်။ လေတိုက်နှုန်း တစ်နာရီ မိုင် ၃၀ မှ ၃၅ မိုင်ခန့်နဲ့ လှိုင်းအမြင့် ၇ ပေမှ ၉ ပေ အထိရှိနေပါမယ်။ 

*ရခိုင်ကမ်းရိုးတန်းဒေသတွေမှာ မိုး/လေ/လှိုင်းအခြေအနေပိုများနိုင်ပြီး ဧရာဝတီနဲ့ တနင်္သာရီကမ်းရိုးတန်းဒေသတွေမှာတော့ အနည်းငယ်လျော့နိုင်ပါတယ်။

နောက်လာမည့် ၃ ရက်အတွင်း မိုးများနိုင်မည့်ဒေသများ (၆၀ မီလီမီတာမှ မီလီမီတာ ၁၀၀ ကျော်အထိ)

ရခိုင်ပြည်နယ်၊ ချင်းပြည်နယ်၊ မွန်ပြည်နယ်၊ ကရင်ပြည်နယ်၊ မကွေးတိုင်း၊ မန္တလေးတိုင်း၊ စစ်ကိုင်းတိုင်း၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း။

နောက်လာမည့် ၃ ရက်အတွင်း မိုးအသင်အတင့်ရွာနိုင်မည့်ဒေသများ (၂၀ မီလီမီတာမှ ၅၀ မီလီမီတာအထိ)

ကချင်ပြည်နယ်၊ ရှမ်းပြည်နယ်၊ ကယားပြည်နယ်၊ တနင်္သာရီတိုင်း။

မိုးနည်းနိုင်မည့်ဒေသ(၂၀ မီလီမီတာအောက်) မရှိပါ။

မိုးရေချိန်လက်မဖြင့်သိလိုလျှင် - မီလီမီတာ ÷ ၂၅.၄ = လက်မ

စက်တင်ဘာ ၁၇ ရက်နေ့ကရိုက်သော ဂြိုလ်တု-ရေလွှမ်းဓာတ်ပုံ(Flood Sat Image) မှာတော့ ပဲခူး၊ မွန်နဲ့ ကရင်ပြည်နယ်တွေမှာ ရေကြီးတဲ့ အခြေအနေတွေ တွေ့ရပါတယ်။

Photo - ဦးဝင်းနိုင်

မိုးလေဝသနှင့် ဇလဗေဒညွှန်ကြားမှုဦးစီးဌာန

(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်