ကြက်သားဈေးတွေ ဘာကြောင့်ကျ...

ပြီးခဲ့သည့် နိုဝင်ဘာလဆန်းပိုင်းတုန်းက ရန်ကုန်မြို့ဝန်းကျင်တွင်ပင် ခြံဖမ်းဈေး တစ်ပိဿာ ကျပ် ၇၅၀၀ ခန့်ထိ ရောက်သွားခဲ့သည့် အသားတိုးကြက်ဈေးမှာ လက်ရှိတွင်တော့ ကျပ် ၄၀၀၀ ကျော်ခန့်သာရှိတော့သည်အထိ ကျ ဆင်းသွားသည်။

ရန်ကုန်မြို့ရှိဈေးများတွင်လည်း ကြက်သားခုတ်သားဈေးများ ကျပ် ၃၀၀၀ ကျော်လောက် ပြန်ကျသွားသည်ဟု သင်္ဃန်းကျွန်းဈေးတွင် ကြက်သားရောင်းချနေသူတစ်ဦးထံမှ သိရသည်။ ဈေးတက်ချိန်တုန်းက တစ်ပိဿာ ကျပ် ၁၂၀၀၀ ခန့်ထိ ဖြစ်သွားခဲ့ရာမှ လက်ရှိတွင်တော့ ကျပ် ၉၀၀၀ ဝန်းကျင်သာ ရှိတော့ခြင်းဖြစ်သည်။

ဆိုတော့ ကြက်သားဈေးတွေ ဘာကြောင့်ကျသွားတာလဲ? လက်ရှိကြက်သားဈေးနှင့် ကြက်မွေးမြူရေးသမား တွေ အခြေအနေ ဘယ်လိုရှိနေသလဲ?

မှော်ဘီမြို့နယ်တွင် ကိုယ်တိုင်ကြက်မွေးမြူသူလည်းဖြစ်၊ တိရစ္ဆာန်ဆေးကုဆရာဝန်တစ်ဦးလည်းဖြစ်သည့် ဒေါက်တာညွန့်ရွှေကို မေးကြည့်ရာတွင်တော့ လက်ရှိအချိန်ထိ ဈေးနှုန်းများအရ ထုတ်လုပ်မှုကုန်ကျစရိတ်မှာ တစ်ပိဿာ ကျပ် ၅၀၀၀ ကျော် ရှိနေချိန်မျိုးတွင် ခြံဖမ်းဈေးမှာ တစ်ပိဿာ ၄၀၀၀ ကျော်သာ ရှိနေသည့်အတွက် အသားတိုးကြက်မွေးမြူရေးခြံပိုင်ရှင်များ အရှုံး အတော်များနေသည်ဟု ပြောသည်။

“ကျိန်းသေပေါက်ရှုံးတယ်။ ဟိုတစ်နေ့က ကျွန်တော်ကြည့်ခဲ့တဲ့ခြံဆိုရင် ကြက်တွေတအားကောင်းတာတောင် သိန်း ၃၀၀ လောက်ရှုံးသွားတယ်ပြောတယ်။ သေနှုန်းတွေပါထည့်ရင် ထုတ်လုပ်ကုန်ကျစရိတ်ကတင် တစ်ပိဿာ ၅၅၀၀၊ ၅၆၀၀ လောက်ရှိတယ်”

ကြက်သားဈေးကျသွားရခြင်းအကြောင်းများတွင် ခရစ္စမတ်၊ နှစ်သစ်ကူး (New Year) များတွင် ထွက်နိုင် ချိန်နှင့်ကိုက်ပြီး မွေးမြူကြသူများ အကြံတူပြီး ထုတ်လုပ်မှုများသွားခြင်းကြောင့်လည်း ပါသည်ဟု ဒေါက်တာ ညွန့်ရွှေက သုံးသပ်သည်။

ယင်းကဲ့သို့ စုပြုံထွက်သည့် အခြေအနေမျိုးကို ရှောင်ရှားနိုင်ရန်ဆိုပါက ကြက်ပေါက် ဘယ်လောက်ရောင်းအား ရှိနေသလဲဆိုသည့် အခြေအနေမျိုးကို သိရှိနိုင်မည့် Data base မျိုး လိုအပ်သည်ဟု ဒေါက်တာညွန့်ရွှေက အကြံပြုသည်။ ထို့ပြင် ကြက်သားဈေးနှုန်းနှင့် ဝယ်လိုအားမှာ စားသုံးသူ၏ စားသုံးနိုင်မှု စီးပွားရေး အခြေအနေ ပေါ်တွင် မူတည်နေသည်ဟုလည်း ၎င်းက ဆိုသည်။

ကြက်မွေးမြူရေး လုပ်ငန်းရှင်တစ်ဦးလည်းဖြစ်၊ လှည်းကူးမြို့နယ်မွေးမြူရေးလုပ်ငန်းအဖွဲ့ချုပ်ဥက္ကဌလည်း ဖြစ်သည့် ဦးမြင့်အောင်ကတော့ ကြက်သားဈေးများကျခြင်းမှာ ထုတ်လုပ်မှုတွင် သိသိသာသာ တက်ခြင်းကြောင့် မဟုတ်ဘဲ ဝယ်လိုအား နည်းသွားခြင်းကြောင့်ဖြစ်သည်ဟု သုံးသပ်သည်။

“ဈေးကွက်ထဲမှာ ရောင်းအားကျသွားတာ။ ဆိုတော့ ရောင်းမရတဲ့အကြောင်းဆိုတော့ ဘာကြောင့်လဲဆိုတာ ပြောရခက်တယ်။ စားသုံးမှုက နည်းသွားတာ။ ဥပမာ ပုံမှန်ဆိုင်တစ်ဆိုင်က တစ်ရက်ကို ကုန်ချိန် ၁၀၀၀ လောက်ရောင်းနေရတာကနေ ကုန်ချိန် ၅၀၀ လောက်ပဲ ရောင်းရတော့တယ်ဆိုတော့ နောက်ရက်ကျ လျှော့ဖမ်းတယ်လေ။ ဆိုတော့ ဈေးကိုလည်း လျှော့ဖမ်းတော့တာပေါ့။ ဆိုတော့ ဝယ်လိုအားနည်းသွား တာကြောင့် ဒီလိုဖြစ်တာပေါ့။ အဓိကက ရောင်းအားကျသွားတာ”

ထုတ်လုပ်မှုကုန်ကျစရိတ်နှင့်တွက်ပါက တစ်ပိဿာ ကျပ် ၁၅၀၀ ခန့် အရှုံးပေါ်နေ၍ ကြက်ခြံလုပ်ငန်းရှင်အငယ် များ ပြုတ်သည်အထိ ဖြစ်ကုန်ပြီး လုပ်ငန်းရှင်အကြီးသမားများကတော့ အကြွေးပိုတင်ကုန်ပြီဟု ဦးမြင့်အောင် က ဆိုသည်။

“အရှုံးက မတရားပေါ်တာ။ နည်းနည်းပေါ်တာမဟုတ်ဘူး။ တချို့ဆို ပြုတ်တောင်ပြုတ်ကုန်ပြီ။ ဘယ်လို အကူအညီမျိုးမှလည်း မရဘူး”

ကြက်ပေါက်ဈေးနှုန်းများကတော့ အမြင့်ဆုံး ကျပ် ၂၂၀၀ ခန့်အထိ တက်သွားရာကနေ လက်ရှိတွင် ကျပ် ၁၄၀၀ ခန့်လောက်ထိ ကျလာသည်ဟု သိရသည်။ အစာဈေးကလည်း အနည်းငယ်ကျရိပ်ပြလာသည်ဟု သိရသည်။ သို့သော် အဆိုပါကျနှုန်းများမှာ ကြက်သားဈေးကျသွားသည့်နှုန်းနှင့် နှိုင်းယှဉ်လျှင်တော့ မွေးမြူသူများအတွက် မကိုက်နိုင်ဟု ဆိုသည်။

“ အစာဈေးကျရင်တော့ ထုတ်လုပ်မှုစရိတ်တော့ နည်းနည်းလျော့သွားမှာပေါ့။ ဒါပေမဲ့ ခြံဖမ်းဈေးနှုန်းက တအားကျရင်တော့ မကိုက်နိုင်ဘူး” ဟု မြန်မာနိုင်ငံမွေးမြူရေးလုပ်ငန်းအဖွဲ့ချုပ်တွင် ပြန်ကြားရေးတာဝန် ယူထားသူ ဒေါက်တာသက်ခိုင်က သုံးသပ်သည်။

ဈေးကွက်ကောင်းတဲ့အချိန်တုန်းက ဈေးကိုက်သည်ဟုယူဆကာ အပြိုင်တိုးပြီးမွေးမြူကြခြင်းကြောင့် ထွက်ရှိချိန်တွင် ဝယ်လိုအားထက် ရောင်းလိုအားများသွားသည့်အချိန်မျိုး၊ ထိုင်းဘက်တွင် မျိုးခြံများဖြုတ်သည့် ကာလမျိုးတွင် မှောင်ခိုလမ်းကြောင်းမှ ဥတုံးကြက်သားများဝင်လာခြင်းကြောင့် ဈေးကွက်ထဲတွင် လျှံသွား ချိန်မျိုး၊ ဈေးကွက်ထဲတွင် ငါး၊ ပုစွန် ပေါသည့် အချိန်မျိုး စသည့်အချိန်မျိုးများတွင် ကြက်သားဈေး ကျလေ့ရှိသည်ဟု သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...