သံပုရာ အပင် ၅နှစ်သား​လောက်​တော့ရှိပါပြီ အခုနှစ်ပိုင်းမှ ​ရေ​သေချာ​လောင်းဖြစ်တယ် အပင်​တော့ကြီးပြီး အသီး အပွင့် မရှိဘူးဖြစ်​​နေတယ် ဘာ​ဆေး ဘာ​မြေသြဇာသုံးရမလဲ ခင်ဗျ

​​ရေ​တော့ မအိုင်ဘူး ထင်ဗျ ကိုင်း​တော့​နည်းနည်းရှုပ်ပါတယ် ​အခုလို ​ဖြေကြား​ပေးတာ​​ကျေးဇူးတင်ပါတယ် ခင်ဗျ

အပင်ပုံလေးပါပြရင်တော့ ပိုကောင်းပါတယ်။ ဖြစ်နိုင်ခြေတွေက အများကြီးရှိပါတယ်။​ ပထမက အဟာရဓာတ်ပါ။ သံပုရာက ဖောစဖောရပ်လိုအပ်ပါတယ်။ တီစူပါ မြေသြဇာလိုမျိုး ကျွေးပေးနိုင်ပါတယ်။ နောက် အပင်ကို ကိုင်းတွေ ရှင်းပေးဖို့ လိုပါလိမ့်မယ်။ ကိုင်းတွေအရမ်းရှုပ်နေရင်လည်း အသီးတင်တာ နည်းတာ၊ မတင်တာတွေ ဖြစ်ပါတယ်။ ကိုင်းသိမ်ကိုင်းညှပ်တွေ၊ ရောဂါဖြစ်နေတဲ့ကိုင်းတွေ၊ သေနေတဲ့ ကိုင်းတွေကို ဖြတ်ပစ်ပါ။ နောက်တစ်ခုက ရေအမြဲအိုင်နေလား စစ်ပေးပါ။ အစိုဓာတ်လိုအပ်တာထက် အများကြီးပိုသွားရင်၊ အမြဲတမ်း ရေအိုင်နေတာမျိုးဖြစ်ရင်လည်း အပွင့်တွေ ကြွေကျတာမျိုးဖြစ်တတ်ပါတယ်။​သံပုရာက ရေကြိုက်ပါတယ်။​ အမြဲအိုင်နေတာတော့ မကြိုက်ပါဘူး။ ဒီအချက်လက်တွေကို တစ်ချက်လောက် ပြန်စစ်ပေးပါဗျ။​