စပါးမှိုကက်ချိန်မှာပုလဲကျွေးသင့်မကျွေးသင့် ပုလဲကျွေးရင်ဘာဖြစ်တယ်ပုလဲမကျွေးရင်ဘာဖြစ်တယ်ဆိုတာ ရှင်းပြပေးပါဦးဗျာ

ူစပါးတစ်ဧက ကို ပုလဲမြေသြဇာ တစ်အိတ် (၅၀ကီလို) သုံးရပါမယ်။(စပါးပင် သက်တန်းအလိုက် ၃ ကြိမ် ခွဲကျွေးပါ) ပ-ကြိမ် အပင်ပွားလှိုင်လှိုင်ပွားချိန် ( ကြဲခင်းဆို စပါး အရွက် ၅ ရွက်ထွက်ချိန်၊ စိုက်ခင်းဆို ကောက်ပင်လှန်ချိန်) ဒု-ကြိမ် အလံရွက် စတင်ထွက်ချိန် (သက်တန်း ၁၁၀-၁၁၅ ရက်စပါးမျိုးဆို မျိုးချအပြီး ၆၂ ရက်၊ သက်တန်း ၁၃၀-၁၃၅ ရက်မျိုး မှာ ၈၂ ရက်နဲ့ သက်တန်း ၁၄၀-၁၄၅ ရက်မျိုးမှာ ၉၇ ရက်ဝန်းကျင်ခန့် ဖြစ်ပါတယ်) တ-ကြိမ် အနှံမထွက်ခင် ၅ ရက်အလို (သက်တန်း ၁၁၀-၁၁၅ ရက်စပါးမျိုးမှာ ၈၀ ရက်၊ သက်တန်း ၁၃၀-၁၃၅ ရက် စပါးမျိုးမှာ ၁၀၀ ရက်နဲ့ သက်တန်း ၁၄၀-၁၄၅ ရက်မျိုးမှာ ၁၁၅ ရက်ခန့် ဝန်းကျင်ဖြစ်ပါတယ်။ ကိုးကား-ဦးဘဟိန်း (စပါး အထွက်နှုန်း တိုးတက်မြင့်မားရေးအတွက် အထွက်နှုန်း မိတ်ဖက်များ၏ တန်ဖိုးကို မြှင့်တင်ပေးသော နည်းပညာ)