ပေါင်းသတ်ဆေးပက်ထားတဲ့မြက်ကိုနွားကစားမိပြီးပိန်လှီနေပါတယ်ပြန်ဝလာအောင်ဘယ်လိုကုသရမလဲ

ဒီထဲက တစ်နည်းနည်းကို အသုံးပြုကြည့်ပါရှင့် ၁။ နွယ်ချို(၂၀၀)ဂရမ် (၁၅ ကျပ်သားခန့်)ကို ထောင်းပြီး ဆန်ဆေးရည်(၁.၅)လီတာတွင် ဖျော်ပါ။ မိနစ်(၃၀) စီခြားပြီး အဆိပ်ပြေသည်အထိ ကျွဲ၊ နွားကို တိုက်ပါ။ ၂။ ပဲဆီ၊ နှမ်းဆီကဲ့သို့သော စားဆီတစ်မျိုးမျိုးကို ၁ ရက်လျှင် ၁ လီတာနှုန်းဖြင့် ကျွဲ၊ နွားကိုတိုက်ပါ။ ၃။ ကျွဲငယ်၊ နွားငယ်များကို မဂ္ဂနီစီယမ်ဆာလ်ဖိတ်ဟုခေါ်သော ဆားခါး(၆)ကျပ်သားကို ရေ(၅၀၀)စီစီတွင် ဖျော်ပြီး ၁ ကြိမ် တိုက်ပါ။ ကျွဲ၊ နွား အကြီးများကိုတော့ ဆားခါး(၃၀)ကျပ်သား (၅၀၀)ဂရမ်ကို ရေ(၅၀၀)စီစီတွင် ဖျော်ပြီး ၁ ကြိမ်တိုက်ပါ။ ၄။ မီးသွေးမှုန့်(၂၀၀)ဂရမ်ကို ရေ(၈၀၀)စီစီရောပြီး ဖျော်တိုက်ပါ။ ၅။ အုန်းစိမ်းရေ ၁ လီတာကို ကျွဲ၊ နွားအား တိုက်ပေးပါ။ ၆။ နို့ ၁ လီတာကို ကျွဲ၊ နွားအား တိုက်ပေးပါ။