ဆရာတို့ မင်္ဂလာပါ။ ကျွန်တော့်ပြောင်းခင်းရဲ့ အခြေအနေအတွက် အကြံဉာဏ်များ တောင်းခံ အပ်ပါတယ်။ စိုက်ထားတဲ့ ပြောင်း...

ဆရာတို့ မင်္ဂလာပါ။ ကျွန်တော့်ပြောင်းခင်းရဲ့ အခြေအနေအတွက် အကြံဉာဏ်များ တောင်းခံ အပ်ပါတယ်။ စိုက်ထားတဲ့ ပြောင်းမျိုးက ပြောင်းချို 702မျိုးပါ ပြင်ဦးလွင် အရှေ့ဖက်နယ်မှာ တခြားတောင်သူများနည်းတူ ရေ၊မြေ၊မျိုး၊ပြုစုပုံများနှင့်အညီ စိုက်ထားတာပါ။ မြေကြီးအနေနဲ့ လမ်းခင်းဗြုံး(ကျောက်စရစ်) အနည်းငယ်ခင်းထားတဲ့ အပိုင်းတချို့ပါဝင်နေပါတယ်။ ဒေသအခေါ် ထွန်စက် ဂေါ်နဲ့ မြေလှန်ထားတဲ့မြေလို့လဲ သိရပါတယ်။ စစိုက်တဲ့ 11/8‌ ရက်မှာ ကြက်ချေးထည့်ပြီးစိုက်ပါတယ် အပင်သက် တစ်လ နေတော့ အာမို15ပတ်လည်+ကြက်ချေး ကြဲပြီး ပေါင်းလှည့် ပင်ခြေမြေပြုပြင်ထားပါတယ်။ အခုဆို ရက်ပေါင်းငါးဆယ်ရှိသွားချိန်မှာ ပုံထဲကလို အပင်တက် မညီတာ ကြီးတဲ့အပင်တွေမှာလဲ အောက်ရွက်ဝါတာတွေတွေ့နေရလို့ပါ။ ပိုးဖောက်သလိုအပေါက်‌တွေတွေ့တာ စသည်ဖြင့် အားရဖွယ် မရှိလို့ပါ။ ဘယ်လိုကုစားလို့ရနိုင်ပါမလဲ ခင်ဗျ။ ကျေးဇူးပါခင်ဗျ။