ဆရာ သ​င်္ဘောပင်တွေကဘာဖြစ်တာလည်း သည်အရွယ်က မြေဆီစကျွေးလိူ့ရပြီလား အပင်ချေ ကပ်ကျွေးရတာလား ဘ​ာမြေဆီကျွေးရတာလည်း တ...

သင်္ဘောပင်လေးရဲ့ အရွက်ပေါ်က အဖြူကွက်လေးတွေက ပိုများလာတယ်ဆိုရင် ဒါဟာ ဖားဥမှို (Powdery Mildew) ရောဂါ ဖြစ်နိုင်ပါတယ်။ မှိုဆေးအနေနဲ့ Azoxystrobin, Difenoconazole, Sulphur ဆေးတစ်မျိုးမျိုးဖျန်းပါ။ဒါကြောင့် ဆာလ်ဖာ (Sulphur) ပါတဲ့မှိုသတ် ဆေးကို သုံးမယ်ဆိုရင်တော့ အပူရှိန်ပြင်းချိန်မှာ မဖျန်းဖို့၊နေအေးချိန်မှာဖျန်းပက်ကာကွယ်နိုင်ပါတယ်။ ပုံထဲက သင်္ဘောပင်လေးဟာ အပင်ပေါက်အဆင့် ကျော်လွန်သွားပြီဖြစ်လို့ မြေဩဇာ ကျွေးလို့ရပါပြီ။ ဒါပေမဲ့ အပင်ခြေနဲ့ ကပ်မကျွေးဖို့ အထူးသတိပြုရပါမယ်။ ကျွေးနည်းလမ်းညွှန် - အပင်ခြေကနေ (၄) လက်မ ကနေ (၆) လက်မခန့် ခွာပြီး အပင်ပတ်ပတ်လည်ကို စက်ဝိုင်းပုံ တူးကျွေးပါ။ (အပင်ခြေနဲ့ ကပ်ကျွေးရင် ပင်စည်ပုပ်တတ်ပါတယ်)။လောလောဆယ် အပင်ကြီးထွားဖို့အတွက် ယူရီးယားနဲ့ တီစူပါ (သို့မဟုတ်) ၁၅-ပတ်လည် မြေဩဇာကို တစ်ပင်လျှင် လက်ဖက်ရည်ဇွန်း (၁) ဇွန်းခန့်နှုန်းနဲ့ စတင်ကျွေးနိုင်ပါတယ်ဗျ။