ယခုနှစ်မှဘဲပဲတီစစိုက်ဖူးတာပါ၊ပဲတီမှာဘယ်လိုဖျက်ပိုးနှင့်ရောဂါများကျရောက်တတ်ပါသလဲ၊ဘယ်ဆေးAI တွေကိုအဓိကထားပီးသုံး...

မိမိစိုက်ခင်းမှာ ကျရောက်နေတဲ့ အခြေအနေပေါ်မူတည်ပြီး လိုအပ်သလို အသုံးပြုနိုင်ပါတယ်ခင်ဗျာ။ ၁။ ဖျက်ပိုးများ စုပ်စားပိုး (ယင်ဖြူ၊ လှေးပိုး၊ ပျပိုး):အရွက်တွေတွန့်တာ၊ မိုစေ့ ‌ဗိုင်းရပ်စ်ရောဂါဖြစ်တာကို ကာကွယ်ဖို့ Imidaclopridသို့မဟုတ် Thiamethoxamကို အသုံးပြုနိုင်ပါတယ်။ ပင်စည်ထိုးယင်: အပင်ငယ်စဉ်မှာ အပင်နာပြီး သေတတ်လို့ Dimethoateကို သုံးစွဲနိုင်ပါတယ်။ သီးလုံးဖောက်ပိုး:အသီးတောင့်ထဲ ဖောက်စားတာကို ကာကွယ်ဖို့ Emamectin benzoate သို့မဟုတ် Chlorantraniliprole တို့ကို အသုံးပြုနိုင်ပါတယ်။ ၂။ ရောဂါများ အရွက်ပြောက်ရောဂါနှင့် သံချေးတက်ရောဂါ: အရွက်တွေပေါ်မှာ အကွက်တွေဖြစ်လာရင် Mancozeb (သို့) Hexaconazoleဖျန်းပေးခြင်းဖြင့် ထိန်းချုပ်နိုင်ပါတယ်။ ဒေါင်းနီးမှို (Downy Mildew): Metalaxyl ပါဝင်တဲ့ ဆေးမျိုးက ပိုထိရောက်ပါတယ်။ မို စေ့ဗိုင်းရပ်စ်: ဒီရောဂါက ကုလို့မရတဲ့အတွက် ရောဂါသယ်ဆောင်တဲ့ ယင်ဖြူ ကို ဦးစားပေးနှိမ်နင်းရပါမယ်။ ဆေးနှုန်းထား: ဆေးဘူးပါ အညွှန်းအတိုင်း တိကျစွာ သုံးစွဲပေးပါ။ ဆေးလဲသုံးခြင်း: ပိုး/မှိုတွေ ဆေးယဉ်ပါးမှု မဖြစ်စေဖို့အတွက် ဆေးအုပ်စု (Active Ingredient) မတူတာတွေကို အလှည့်ကျ သုံးပေးသင့်ပါတယ်။ ကာကွယ်မှု:ဆေးဖျန်းတဲ့အခါမှာလည်း အကာအကွယ်ပစ္စည်းတွေကို စနစ်တကျ ဝတ်ဆင်ဖို့ မမေ့ကြပါနဲ့ဦး။