မြေဩဇာမြင်းပျံ 2ကြိမ်ကျွေးထားပါတယ် ပိုးသတ်ဆေး 1ကြိမ်ဖြန်းထားပါတယ်ဗျာ စပါးပင်အသက်က ပျိုးရက်မပါပဲ 60ရှိပါပီ ဘာ...

မြင်းပျံ (Urea 46%) ကို ၂ ကြိမ်ကျွေးပြီးပြီဆိုတော့ နိုက်ထရိုဂျင် လုံလောက်နေပါပြီ။ အခုအချိန်မှာ အပင်သန်ဖို့ထက် "အနှံကြီးဖို့နဲ့ အောင်ဖို့"ကို ဦးစားပေးရပါမယ်။အနှံထွက်ကောင်းပြီး အစေ့အဆန် အောင်မြင်ဖို့အတွက် ပိုတက်ရှ်ကို မဖြစ်မနေ ထည့်သင့်ပါတယ်။ တစ်ဧကကို အိတ်ဝက်နီးပါး ကျွေးပေးသင့်ပါတယ်။အပင်အရောင်က သိပ်မစိမ်းဘူးဆိုမှ ပုလဲကို ပိုတက်ရှ်နဲ့ ရောပြီး အနည်းငယ် ထပ်ကျွေးနိုင်ပါတယ်။ ဒါပေမယ့် အပင်က အရမ်းစိမ်းနေရင်တော့ ပုလဲကို လျှော့ကျွေးပါ (အပင်လဲတတ်လို့ပါ)။ ပိုးသတ်ဆေးကဆိုင်ကလုံး ဖြန်းထားတယ်လို့ ပြောထားတာသိရပါတယ်။ ဒါက ကိုက်စားပိုး လောက်ကောင်တွေအတွက် ကောင်းပေမယ့် စပါးသက်တမ်း ၆၀ ကျော်မှာ သတိထားရမယ့် ဖြုတ်ပိုး ဖြုတ်ညိုအန္တရာယ် ရှိလာနိုင်ပါတယ်။ စပါးပင်ခြေကို ဖြဲကြည့်ပြီး ဖြုတ်ပိုးရှိမရှိ အမြဲစစ်ဆေးခိုင်းပါ။ အနှံထွက်ခါနီးမှာ ဂုတ်ကျိုးရောဂါ တွေကနေ ကာကွယ်ဖို့ မှိုသတ်ဆေး (ဥပမာ- Tricyclazole သို့မဟုတ် Azoxystrobin + Difenoconazole) တစ်ကြိမ် ကြိုတင်ဖြန်းထားရင် ပိုစိတ်ချရမယ်လို့ထင်ပါတယ်(ရောဂါကျဖူးခြင်းမရှိပါက အသုံးမပြုလည်းရပါတယ်)။ စပါးမျိုးအမည်နှင့် စပါးမျိုး၏သက်တမ်းကိုသိရရင်ဒီထက်တိကျစွာအကြံပြုပေးနိုင်ပါမယ်ခင်ဗျာ။