ကုလားအော်ပင်နဲ့ခရမ်းချဥ်ပင်တေရွက်စိပ်ထိုးပြီးနူနေပါတယ်ဘယ်လိုကာကွယ်ရမလဲဆရာ

တောင်သူ‌၏မေးခွန်းအရခရမ်းချဥ်နဲ့ ငရုတ်မှာစုပ်စားပိုးမနိုင်လို့ဖြစ်တာပါ။ ခရမ်းချဥ်နဲ့ ငရုတ်မှာ စုပ်စားပိုးတွေ ဆေးယဉ်ပါးမှု မဖြစ်အောင် အခုလို ဆေးအုပ်စု ပြောင်းဖျန်းပေးပါဗျာ။ ယင်ဖြူနဲ့ လှေးအတွက် - အဆီတာမီပရစ် (Acetamiprid) သို့မဟုတ် အီမီဒါကလိုပရစ် (Imidacloprid) ပင်လုံးပြန့်ဆေး ဖျန်းပါ။ မွှားပိုးအတွက် - အာဗာမက်တင် (Abamectin) သို့မဟုတ် စပိုင်ရိုမီဆီဖင် (Spiromesifen) မွှားဆေးသီးသန့် ပြောင်းဖျန်းပေးပါ။ စုပ်စားပိုးတွေက အရွက်အောက်မှာ ခိုအောင်းတာမို့ အရွက်အောက်မျက်နှာပြင် မိအောင် ဖျန်းပေးပါ။ ဆေးစွဲကပ်ပျံ့နှံ့ ဆေးရည် မဖြစ်မနေ ထည့်ပါ။ စိုက်ခင်းထဲမှာ အဝါရောင်ကတ်ပြား ကော်သုတ်ထောင်ထားရင် ယင်ဖြူနဲ့ လှေးတွေ အမြောက်အမြား သေစေနိုင်ပါတယ်။ပိုးအလွန်ကျနေတဲ့ ရွက်လိပ်တွေကို ဆွတ်ခူးပြီး စိုက်ခင်းပြင်ပ အဝေးမှာ မီးရှို့ဖျက်ဆီးပေးပါဦးဗျ။