စပါးပင် 1လသားအရွယ်မှာ စပါးခွံဖွဲးပြာပက်ပေးလိုအဆင်ပြေလားသိချင်ပါတယ်

စပါးပင်သက်တမ်း ၁ လသား (ရက် ၃၀ ခန့်) ပင်ပွားထွက်ချိန်တွင် စပါးခွံဖွဲပြာကို ကျဲပက်ပေးခြင်းသည် အပင်ကြီးထွားမှုကို များစွာအထောက်အကူပြုပါတယ်။ စပါးဖွဲပြာတွင် ပါဝင်သော စီလီကာ (Silica) ဓာတ်က စပါးပင်စည်နှင့် အရွက်များကို မာကြောစေပြီး အပင်ယိုင်လဲခြင်းမှ ကာကွယ်ပေးသလို ပိုတက်စီယမ်ဓာတ်က အမြစ်ဖြစ်ထွန်းမှုကို အားကောင်းစေပါသည်။ ထို့ပြင် အရွက်မျက်နှာပြင် တောင့်တင်းလာသဖြင့် ဖျက်ပိုးနှင့် မှိုရောဂါဒဏ်များကို ခံနိုင်ရည်ရှိလာစေပါသည်။ သို့သော် ဖွဲပြာကျဲရာတွင် အပူရှိန်လုံးဝငြိမ်းပြီးသား ဖြစ်ရမည့်အပြင် ကာဗွန်လွန်ကဲမှုမရှိစေရန် စက်ဖွဲပြာအခြောက်ကို ရေအစိုဓာတ်ပေး၍ တစ်ဧကလျှင် ပိသာ ၁၅၀-၂၀၀ ဝန်းကျင် ညီညာစွာ ကျဲပက်ပေးရပါမည်။ ဖွဲပြာပုံပေါ်သို့ ရေကို ရွှဲရွှဲစိုအောင် မဟုတ်ဘဲ ရေကရား (သို့မဟုတ်) အမွှားဖျန်းခေါင်းဖြင့် အပေါ်ယံ စိုစွတ်ရုံမျှ ဖျန်းပေးပြီး လက်ဖြင့် သမအောင် မွှေပေးရမည်။ ထိုသို့လုပ်ဆောင်ခြင်းဖြင့် ဖွဲပြာသည် ပွပွလေးနှင့် အစိုဓာတ်ခပ်ပါးပါး ရရှိသွားပြီး ကျဲပက်ရလွယ်ကူကာ အရွက်ပေါ်တင်ကျန်လျှင်လည်း အပင်လောင်ခြင်းမှ ကာကွယ်ပေးနိုင်ပါသည်။မြေခံမှာထည့်ခဲ့မယ်ဆိုရင် ပိုကောင်းပါတယ်၊ အပင်ရှိမှထည့်တော့ အခန့်မသင့်ရင် အရွက်ပေါ်တင်ကျန်ပါက အရွက်လောင်နိုင်ပါတယ်။