တစ်ခုလောက်မေးခွင့်ပြုပါဆရာရေမြုပ်တဲ့စပါး‌တွေရေပြန်ကျပေမဲ့စပါးခင်းထဲမှာရေညိတွေအများကြီးရှိနေပါတယ်စပါးပင်ရှင်သန်...

သက်တမ်း ၅၀ ရက် ရှိပြီဖြစ်သော စပါးခင်းတွင် နေသာသောရာသီဥတုကြောင့် ရေညှိများ အလွန်အမင်း ပွားများလာပါက စပါးပင်ငယ်များ၏ အလင်းနှင့် အာဟာရစုပ်ယူမှုကို ပိတ်ဆို့စေပါတယ်။ ဖြေရှင်းရန် အထိရောက်ဆုံးနည်းလမ်းမှာ စပါးခင်းအတွင်းရှိ ရေကို ကုန်စင်အောင် ထုတ်ပစ်ပြီး မြေမျက်နှာပြင် အနည်းငယ် ပတ်ကြားအက်သည်အထိ (၃ ရက်မှ ၅ ရက်ခန့်) နေလှန်းပေးခြင်း ဖြစ်ပါတယ်။ ရေညှိများ ထူထပ်လွန်းပါက (Copper Sulfate) ကို တစ်ဧကလျှင် ၁-၂ ကီလိုဂရမ်နှုန်း သဲနှင့်ရော၍ ပက်ကြဲနှိမ်နင်းနိုင်ပြီး၊ ရေညှိများ သေဆုံးသွားပြီးမှသာ ရေအနက်နည်းနည်းချင်း ပြန်သွင်း၍ စပါးပင်အားဆေးနှင့် မြေသြဇာများကို ပြန်လည်ကျွေးမွေး ပြုစုရပါမယ်ခင်ဗျာ။(Copper Sulfate)ကိုဝယ်ယူ၍မရပါက ရေညှိများကို နှိမ်နင်းရာတွင် Copper hydroxide သို့မဟုတ် Copper oxychloride အစားထိုးအသုံးပြုရပါမယ်။ သို့သော် သုံးစွဲရာတွင် စပါးပင်များ ဆေးလောင်မှုမရှိစေရန်အတွက် ဆေးဘူးပါ အညွှန်းအတိုင်း နှုန်းထားကို တိကျစွာဖျန်းရပါမယ်။ ဆေးမဖျန်းမီ စပါးခင်းထဲမှ ရေကို အတတ်နိုင်ဆုံး ထုတ်ပစ်ပြီး ရေညှိများ ပေါ်နေချိန်တွင် ရေညှိများပေါ် တိုက်ရိုက်ထိမှန်အောင် ပက်ဖျန်းပေးခြင်းဖြင့် အကောင်းဆုံးအာနိသင်ကို ရရှိစေနိုင်ပါလိမ့်မယ်ခင်ဗျာ။

ပုံရိုက်ပြပါ။ရေညှိလား?ပကန်လား? ကွဲပြားအောင်လေ။