ဘာဆေးဖျန်းသင့်ပါသလဲ။အပင်တေလဲညိုးသေနေပါတယ်။

ဓာတ်ပုံပါ ကွမ်းရွက်တွင် အရွက်အနားသတ်များ ညိုမဲခြောက်သွေ့ပြီး ရေစိုနာကဲ့သို့ ဖြစ်နေသည့် လက္ခဏာမှာ ကွမ်းတွင် အဖြစ်များသော ဘက်တီးရီးယားရွက်ပြောက် (ခေါ်) ဆီစွန်းရောဂါ ကျနေတာပါ။ ၎င်းကို ကုသရန်အတွက် ကော့ပါးအခြေခံမှိုသတ်ဆေး(Copper hydroxide, Copper oxychloride) သို့မဟုတ် Kasugamycin သို့မဟုတ် Bismerthiazole သို့မဟုတ်Oxolinic acid ကဲ့သို့သော ရောဂါကာကွယ်သတ်ဆေးများကို အညွှန်းစာပါအတိုင်း ပက်ဖျန်းပေးရပါမယ်။ တစ်ပြိုင်နက်တည်းမှာပင် ရောဂါရနေသော အရွက်များကို ဆွတ်ခူးမီးရှို့ဖျက်ဆီးပစ်ရန်၊ ယူရီးယားမြေသြဇာ အလွန်အကျွံကျွေးခြင်းကို ရှောင်ကြဉ်ရန်နှင့် ကွမ်းခြံအတွင်း လေဝင်လေထွက်ကောင်းအောင် အရွက်ဟောင်းများ ရှင်းလင်းပေးရန် လိုအပ်ပါတယ်။ရောဂါဖြစ်ပွားနေစဉ်အတွင်း အရွက်များပေါ်သို့ ရေတိုက်ရိုက်ကျရောက်အောင် ပက်ဖျန်းရေလောင်းခြင်းကို ရှောင်ကြဉ်ပြီး အပင်ခြေကိုသာ အစိုဓာတ်ရရုံ လောင်းပေးပါ။