ရွက်ဖျားတွေခြောက်နေလို့ပါ။ဘာဆေးသုံးပေးရမလည်း

ပုံပါစပါးခင်းတွင် ဖြစ်ပွားနေသော အရွက်ခြောက်သည့် လက္ခဏာသည် "စပါးရွက်ဖုံးခြောက်ရောဂါ (Sheath Blight)" ကျနေတာပါ။ မျိုးစေ့နှုန်းထား ပိုသုံးခြင်း၊ အပင်များ စိပ်စိပ်စိုက်ခြင်းကြောင့် အလင်းရောင်နှင့် လေဝင်လေထွက် မကောင်းခြင်း၊နိုက်ထရိုဂျင် (ပုလဲ) မြေဩဇာ အလွန်အကျွံ သုံးစွဲခြင်း။မိုးရွာပြီးနောက် စိုထိုင်းဆ မြင့်မားပြီး ပူအိုက်စိုစွတ်သော ရာသီဥတု ဖြစ်ခြင်းတို့ကြောင့်ရောဂါဖြစ်ရတာပါ။- စိုက်ခင်းအတွင်း ရေဝပ်ခြင်းကို လျှော့ချရန် လယ်ရေကို ကုန်အောင်ထုတ်၍ (၂-၃) ရက်ခန့် မြေကြီး ပတ်ကြားအက်သည်အထိ အခြောက်ခံပေးပါ။ ၎င်းနောက်မှ ရေပြန်သွင်းပါ။ အခုကဖုံးလုံးချိန်ဖြစ်နေပြီမို့ ရေမထုတ်‌ပါတော့နဲ့။ပုလဲ (နိုက်ထရိုဂျင်) မြေဩဇာ ကျွေးခြင်းကို ချက်ချင်းရပ်ဆိုင်းပါ။နောင်တွင် ပိုတက်ရှ် မြေဩဇာကိုမူ အပင်ခံနိုင်ရည်ရှိစေရန် မျှတစွာ ထည့်ပေးနိုင်ပါတယ်။ ရွက်ဖုံးခြောက်ရောဂါနှင့် မှိုကြောင့်ဖြစ်သော ရောဂါများအတွက် အောက်ပါ ထိရောက်မှုရှိသော မှိုသတ်ဆေးကို ပက်ဖျန်းပေးပါ- Azoxystrobin + Difenoconazole (အဇိုဆီစထရိုဘင် + ဒိုင်ဖီနိုကိုနာဇိုး) ဆေးဖျန်းပြီး၇ရက်အကြာမှာ ရောဂါကျအရွက်များက အရွက်သစ်များအားဆက်လက်ပျံ့ပွားခြင်းရှိမရှိအမြဲစစ်ဆေးပါ၊