အခြောက့်ကျဲးစပါးခင်မှာ ဆိုပင်ပွါးချိန်လောက်ပဲပုလဲးကြွေးလို့ရတယ်ဆနှံထွက်ချိန်မှာရေမလုံလောက့်ဘူးမိုးရေပဲးရတယ်ဖြန်းဆေးဘာဆေးတွေပက်ရမလဲးမျှဝေပေပါ

အခြောက်ကြဲစပါးခင်းတွင် ပင်ပွားချိန်၌ ပုလဲ မြေသြဇာကို မြေကြီးအစိုဓာတ်ရှိချိန်တွင်သာ စနစ်တကျ ကျွေးတာမှန်ပါတယ်။ အစိုဓာတ်မရှိဘဲ ခြောက်သွေ့နေစဉ်ကျွေးပါက လေထဲအငွေ့ပျံခြင်းနှင့် အမြစ်လောင်ခြင်းများ ဖြစ်နိုင်ပါတယ်။ စပါးအနှံထွက်ချိန်တွင် မိုးရေကိုသာ အားကိုးရပြီး ရေမလုံလောက်ပါက အပင်မညှိုးနွမ်းစေရန်နှင့် အစေ့အောင်စေရန်အတွက် အပင်ရေငတ်ဒဏ်ခံနိုင်ရည်တိုးစေသော ပိုတက်စီယမ်မြင့်မားသည့် ရွက်ဖြန်းမြေသြဇာ (ဥပမာ - NPK 0-0-50 သို့မဟုတ် 13-0-46) ကို အမိုင်နိုအက်ဆစ် (အပင်အားဆေး) နှင့် ဝတ်မှုန်ကူးအားကောင်းစေမည့် ဘိုရွန် (Boron) ဓာတ် တို့နှင့် တွဲဖက်၍ မနက်စောစော သို့မဟုတ် ညနေစောင်းအချိန်များတွင် ပက်ဖျန်းပေးရပါမယ်။ ရေ မလုံလောက်သည့်အချိန်တွင် အရွက်ဝေဆာပြီး ရေငွေ့ပြန်နှုန်း ပိုများစေမည့် ပုလဲ (သို့မဟုတ်) နိုက်ထရိုဂျင်ဓာတ် အလွန်အကျွံကျွေးခြင်းကို လုံးဝရှောင်ကြဉ်ရပါမယ်ခင်ဗျာ။ နေုက်ထပ်အကြံပြုချင်တာက ပင်ပွားချိန်မှာ ရေလုံလောက်စွာရခဲ့ပါက ပုလဲနှင့် ကွန်ပေါင်းမြေဩဇာရောကျွေးပေးနိုင်ရင်ပိုကောင်းပါမယ်ခင်ဗျာ၊ မြေဩဇာအလုံး အရည်ပျော်ဖို့ရေရှိဖို့တော့လိုတာပေါ့