ကြက်‌ဟင်းခါးသီးပင်ကပိုးဘယ်လိုလုပ်ရမလဲ

@Htet Myat Oo John ပုံပါ ကြက်ဟင်းခါးရွက်နောက်ကျောတွင် အဝါဖျော့နှင့် အဖြူရောင် အပင်ဖျက် ပျပိုး (Aphids) များ အစုလိုက်အပြုံလိုက် ကျရောက်၍ သစ်ရည်စုပ်စားနေပါတယ်။ ၎င်းတို့ကို နှိမ်နင်းရန်အတွက် စိုက်ပျိုးရေးလမ်းညွှန်ချက်များနှင့် တောင်သူအများစုကတော့အိမ်တွင်းသုံးနည်းလမ်းအဖြစ် တမာဆီ စားပွဲတင်ဇွန်း ၂ ဇွန်း သို့မဟုတ် ပန်းကန်ဆေးဆပ်ပြာရည် အပျော့စားကို ရေ ၁ ဂါလံနှင့်ရောစပ်ကာ အရွက်အောက်မျက်နှာပြင်များ မိအောင် ပက်ဖျန်း သုံးစွဲလေ့ရှိတယ်။ ပိုးကျရောက်မှု ပြင်းထန်ပါက အီမီဒါကလိုပရစ် (Imidacloprid) သို့မဟုတ် အဆီတာမီပရစ် (Acetamiprid) ကဲ့သို့သော ပင်လုံးပျံ့ဓာတုပိုးသတ်ဆေးများကို ဆေးဗူးပါညွှန်ကြားချက်အတိုင်း သုံးစွဲလေ့ရှိတယ်။ရေရှည်အတွက် ပိုးကျနေသောအရွက်များကို ဆွတ်ခူးမီးရှို့ခြင်း၊ ပျပိုးများကို သယ်ဆောင်ပျံ့နှံ့စေသော ပုရွက်ဆိတ်များကို နှိမ်နင်းခြင်းနှင့် ရေပြင်းပြင်းဖြင့် ထိုးဆေးခြင်းတို့ကို ပူးတွဲလုပ်ဆောလေ့ရှိတယ်။