ဘူးပင်မှာ ပင်စည်အရင်းကနေပြီး အစေးတွေထွက်တယ် ပြီးတော့ အပင်တွေညိုးပြီး​​သေသွားတယ် ဘာကြောင့်ဖြစ်ရတာလဲခင်ဗျာ? ဘယ်လိုပြန်လည်ကုသရမလဲဆိုတာသိချင်ပါတယ် ခင်ဗျ

@ဇေယျာစိုး ဘူးပင် ပင်စည်ရိုးကွဲအစေးထွက်ရောဂါ(Gummy Stem Blight )ရောဂါကျတာပါ၊ဒီ ရောဂါသည် Stagonosporopsis မှိုပိုးကြောင့် ဖြစ်ပွားပြီး အစိုဓာတ်များခြင်း၊ ရေဝပ်ခြင်းနှင့် လေဝင်လေထွက် မကောင်းခြင်းတို့ကြောင့် ပိုမိုဆိုးရွားတတ်ပါတယ်။ ရောဂါသက်သာစေရန် တစ်ပင်လုံးနှင့်ပင်စည်အရင်း ရောဂါရနေသော မြေဆီလွှာထဲသို့ Difenoconazole + Cyprodinilသိူ့မဟုတ် Azoxystrobin+Difenoconazole သို့မဟုတ်ကာဗင်ဒါဇင် (Carbendazim)၊ သိုင်အိုဖနိတ် မီသိုင်း (Thiophanate-methyl) မှိုသတ်ဆေးတစ်မျိုးမျိုးကို စနစ်တကျ ဖျန်းပေးရပါမယ်။ တစ်ပြိုင်နက်တည်းမှာပင် ရောဂါပြင်းထန်သည့်အပင်များကို နှုတ်ယူမီးရှို့ခြင်း၊ ရေနုတ်မြောင်းကောင်းမွန်အောင် ပြုပြင်ခြင်းနှင့် နောက်ရာသီတွင် အနွယ်ဝင်သီးနှံမဟုတ်သော အပင်များနှင့် သီးလှည့်စိုက်ပျိုးခြင်းတို့ကို လုပ်ဆောင်ရပါမယ်။မဆွေးမြည့်သေးသော နွားချေးစိမ်းများကို သုံးပါက မှိုပိုး ပိုမိုပွားများတတ်သဖြင့် လုံးဝ (လုံးဝ) မသုံးရပါ။ နောက်နှစ်မှာထရိုင်ကိုဒါးမား (Trichoderma) ကဲ့သို့သော အကျိုးပြုမှိုများကို မြေဆွေးနှင့် ရောစပ်ပြီး မြေခံတွင် ထည့်သွင်းပေးပါ။