အိမ်မှာ မီးဖိုချောင် စွန့်ပစ်ပစ္စည်းနဲ့မြေဆွေးလုပ်ချင်လို့ ဘယ်လိုလုပ်ရတယ်ဆိုတာ အကြံဉာဏ်ပေးပါအုံးခင်ဗျား

အလျား.အနံ.အနက်.၃ပေပတ်လည်ကျင်းတူးပါ။ထိုကျင်းထဲကို ဟင်းသီးဟင်းရွက်စွန့်ပစ်ပစ္စည်းများကိုနေ့စဥ်ထည့်ပေးပါ (ပလတ်စတစ်များမပါစေရ)ပြီးရင် ဆန်ဆေးရည်လောင်းချပေးပါ။အိမ်ခြံဝင်းအတွင်းကြွေကျနေသောသစ်ရွက်များလည်းထည့်နိုင်ပါတယ်။သစ်သီးပုပ်,အိုးခွက်ပုဂံဆေးရည်များလည်း​ထည့်နိုင်ပါတယ်။ကောင်းမွန်သောမြေဆွေးများရလာပါလိမ့်မယ်။မီးဖိုချောင်စွန့်ပစ်ပစ္စည်းဖြစ်တဲ့ သား/ငါး..အရိုး/အမြီး/ကလီစာများကိုတော့ ဓားနဲ့နုတ်နုတ်စင်းပြီးဆီပုံးအဝါ(အခွံ)ထဲထည့်ပါ။ အဲဒီအထဲကိုထန်းလျက်၁ပိဿာခန့်ထည့်ထားပါ။အဖုံးကိုလုံအောင်ပိတ်ခါအေး၍မှောင်ပြီးခြောက်သောနေရာတွင်ထားပါ။သားငါးစွန့်ပစ်ပစ္စည်းတွေကိုရရှိတဲ့အခါတိုင်းထည့်ပေးပါ။အဖုံးကိုလုံအောင်ပြန်ပိတ်ထားပါ။၂လ..၃လ​ ကြာတဲ့အခါစစ်ရည်ကိုစစ်ယူပြီး ဗူး/ပုလင်းထဲထည့်ထားပါ။​ရေတစ်ဂါလံကို စစ်ရည်၃ဇွန်းရောပြီး အပင်ကြီးထွားစဥ်ကာလတလျောက်ပက်ဖျန်းနိုင်ပါတယ်။စစ်ဖတ်များကိုအပင်ခြေတွင်ပုံပေးခြင်း သို့မဟုတ် မြေဆွေးကျင်းထဲထည့်ပေးနိုင်ပါတယ်။