သံပယိုပင်ရဲ့အရွက်က ပုံထဲကလို အမဲစက်တွေဖြစ်နေလို့ပါ။ အဲ့ဒါက ပိုးကျတာလားရှင့်။ အသီ...

လွန်ခဲ့သော ၁ နာရီ က · မှော်ဘီ

သံပယိုပင်ရဲ့အရွက်က ပုံထဲကလို အမဲစက်တွေဖြစ်နေလို့ပါ။ အဲ့ဒါက ပိုးကျတာလားရှင့်။ အသီးက အခွံထူပြီး အရည်မရွှမ်းလို့ပါ။ အိမ်မှာ တနိုင်တပိုင်စိုက်တာမို့ ပညာရှင်ကြီးများ လွတ်လပ်စွာ အကြံပြုပေးပါဦးရှင့်။ တစ်ဦးတစ်ယောက်ချင်းစီတိုင်း ကျေးဇူးတင်လျက်ပါရှင့်။

ပိုးမွှားရောဂါ သံပုယို

318,735 လွန်ခဲ့သော ၄၄ မိနစ် က

သူက သံပုရာယင်မဲ (Citrus blackfly) ရဲ့ ပိုးတုံးလုံးအဆင့်ကောင်လေးတွေပါ။ သံပုရာယင်မဲက စုပ်စားပိုးအမျိုးအစားဖြစ်ပြီး သံပုရာအရွက်ထဲက သစ်ရည်ကို စုပ်ယူစားသောက်ပါတယ်။ ရေထဲမှာ ဆပ်ပြာဆီထည့်ဖျော်ပြီး ဖျန်းပက်ပေးနိုင်ပါတယ်။ ရေရှည်အတွက်ဆိုရင်တော့ တမာပိုးသတ်ဆေးကို ဆောင်ထားပြီး ၂ ပတ်တစ်ကြိမ် တစ်လတစ်ကြိမ်လောက် ပုံမှန်လေး ဖျန်းပေးပါ။ သူ့ရဲ့ သဘာဝရန်သူတွေကတော့ နကျယ်ကောင်တို့ လိပ်ခုံးကျိုင်းတို့ ဖြစ်ပါတယ်။ ကိုယ်အပင်ဘေးမှာ အဲဒီလိုအကျိုးပြုပိုးတွေတွေ့ရင် အသိမှတ်ပြုပေးပါ။

လွန်ခဲ့သော ၁ နာရီ က · မုံရွာ

ငရုပ်ပင်အရွက်တွေကုပ်ပြီးအသီးနဲလို့ဘာလုပ်ရမယ်သိချင်လို့ပါ

ပိုးမွှားရောဂါ ငရုတ်ပွ

318,735 လွန်ခဲ့သော ၃၈ မိနစ် က

ပုံလေးနဲ့မေးရင်ပိုကောင်းမယ်ဗျ။ အရွက်ကုတ်ရတဲ့ အကြောင်းအရင်းတွေ ရှိပါတယ်။ ပထမက စုပ်စားပိုးကျရင် ဖြစ်ပါတယ်။ အရွက်ထဲက သစ်ရည်တွေ စုပ်ယူစားသောက်တဲ့အတွက် အရွက်တွေ ကုတ်လာပါတယ်။ နောက်တစ်ခုက ကယ်ဆီယမ်ချို့တဲ့ရင်လည်း အရွက်ကုတ်ပါတယ်။ ထို့အတူပဲ ဘိုရွင်ဓာတ်ချို့တဲ့ရင်လည်း အရွက်ကုတ်ပါတယ်။ ပိုးကြောင့်ဟုတ်မဟုတ်ကို အရွက်အောက်ခြေတွေကို စစ်ပေးပါ။ ပျတို့ လှေးတို့ ရှိမရှိစစ်ပါတယ်။ အဟာရကြောင့်ဆိုရင်တော့ ရွက်ဖျန်းဆေး သို့မဟုတ် မြေသြဇာထည့်ပေးပါ။

2,932

လွန်ခဲ့သော ၁ နာရီ က · အုတ်ဖို

အသစ်ထွက်လာတဲ့ ချဉ်ပေါင်ရွက်တွေက အစိမ်းရောင်မဟုတ်ဘူးဖြစ်နေတာ။ ဘာဖြစ်တာလဲ?

အပင်အာဟာရ ချဉ်ပေါင်ဖာလာ

1,104,764 လွန်ခဲ့သော ၁ နာရီ က

အိုင်းရွန်းဓာတ်fe ချို့တဲ့လို့ဖြစ်ပါတယ်။မိုးများပြီး အမြစ်တွေက အာဟာရဓာတ် မစုပ်ယူနိုင်ရင် ဖြစ်တတ်ပါတယ်။တောဓလေ့ ဆိာရင်တော့ အပင်ခြေကို ပြာဖြူးကြပါတယ်။

လွန်ခဲ့သော ၃ နာရီ က · မလှိုင်

ချည်မျှင်ရှည်ဝါ စိုက်ပျိုးပြီး အချိန်ဘယ်လောက်ကြာမှဆေးဖြန်းရမလူဲသိချင်လို့ပါရှင့်

စိုက်ပျိုးနည်း ဝါ

273,381 လွန်ခဲ့သော ၃ နာရီ က

ချည်မျှင်ရှည်ဝါ စိုက်ပျိုးရာတွင် ပိုးသတ်ဆေး စတင်ဖျန်းရမည့်အချိန်မှာ အပင်ပေါက်ပြီး သက်တမ်း (၁၅) ရက်မှ (၂၅) ရက်သားအတွင်း ဖြစ်ပါတယ်။ ဝါသီးနှံသည် ပိုးမွှားဒဏ် အလွန်ခံရလွယ်သဖြင့် ပျိုးပင်ငယ်စဉ်တွင် ကျရောက်တတ်သော ဖြုတ်ပိုးနှင့် သရစ်ပိုးများကို ကာကွယ်ရန် ပထမအကြိမ် စတင်ဖျန်းရခြင်းဖြစ်ပြီး၊ အပင်သက်တမ်းအလိုက် (၁၅) ရက် သို့မဟုတ် နှစ်ပတ်တစ်ကြိမ်နှုန်းဖြင့် ပိုးမွှားကျရောက်မှုအပေါ် မူတည်၍ စနစ်တကျ အလှည့်ကျ ဆေးဖျန်းပေးရပါမယ်။

1,877

လွန်ခဲ့သော ၄ နာရီ က · မြိုင်

ဆရာ ဒို့ဦးလေး ခင်ဗျ ရေ ။ EM ။ FAA စသည် အရည်တို့မှာ ဘယ်ဂဏန်း နံပါတ်တွေဆို စိုက်ပျိုးရေး သစ်ပင်းတိုင်းမှာ သုံးလို့ ဆင်ပြေပါသလဲ ခင်ဗျ ကျေးဇူးပါ

လယ်ယာသုံးစက်ပစ္စည်း နေကြာ

1,877 လွန်ခဲ့သော ၂ နာရီ က

ကျေးဇူးပါ ဆရာခင်ဗျ

273,381 လွန်ခဲ့သော ၂ နာရီ က

TDS & EC Meter သည် ရေနှင့် မြေသြဇာရည်များတွင် ပျော်ဝင်နေသော အာဟာရဓါတ်ပမာဏကို တိုင်းတာသည့် ကိရိယာဖြစ်ပါတယ်။ စိုက်ပျိုးရေးတွင် အသုံးမပြုမီ သာမန်စိုက်ပျိုးရေ၏ TDS ကို ၁၀၀–၃၀၀ ppm (EC: 0.2–0.5 mS/cm) အတွင်း ရှိမရှိ အရင်စစ်ဆေးရပါမယ်။ ထို့နောက် EM သို့မဟုတ် FAA (ငါးအမိုင်နို) ကို ရေနှင့်ရောစပ်ရာတွင် ပျိုးပင်ငယ်များအတွက် ၄၀၀–၆၀၀ ppm၊ ဟင်းသီးဟင်းရွက်ပင်များအတွက် ၈၀၀–၁,၂၀၀ ppm နှင့် အသီးစားအပင်ကြီးများအတွက် ၁,၂၀၀–၁,၆၀၀ ppm အထိ ရှိစေရန် မီတာဖြင့် တိုင်းတာညှိနှိုင်းရပါမယ်။ မည်သည့်အပင်မဆို TDS ၁,၈၀၀ ppm ထက်ကျော်လွန်ပါက အပင်လောင်ပြီး ပျက်စီးနိုင်သဖြင့် ဆေးရည်ကို ရေထဲသို့ နည်းနည်းချင်းထည့်ကာ မီတာဖြင့် သေချာတိုင်းတာပြီးမှ အသုံးပြုရပါမယ်ခင်ဗျာ။

လွန်ခဲ့သော ၄ နာရီ က · လပွတ္တာ

ရွှံ့ဂဏန်းဘယ်လိုမွေးလည်း။အကြယ်အဝန်းဘယ်လောက်ဆိုရလည်း။

မွေးမြူနည်း ကဏန်း

318,735 လွန်ခဲ့သော ၁၆ မိနစ် က

ရွှံ့ကဏန်း(Mud Crab)များအား စီးပွားဖြစ်မွေးမြူနည်း (အပိုင်း-၁)

442

လွန်ခဲ့သော ၆ နာရီ က · စဉ့်ကူး

စပါးအရွက်တွေဝါနေတာ ဒီဆေးတွေဖျနိးရင်အဆင်ပြေလားရှင့် အဖြုရွက်တေဠရောကျနေတာ

အပင်အာဟာရ စပါး

1,104,764 လွန်ခဲ့သော ၁ နာရီ က

စပါးပင် ဖြစ်နေတဲ့ ပြဿနာကို၊ဒ္ဆေးတွေဖျန်းလို့ အဆင်မပြေနိုင်ဘယးနော်။ဝယ်ပြီးသားဆိုရင်လဲ၊ အပင်အားဆေးနဲ့ လဲရင်ရပါတယ်။အမိုင်နိုအက်ဆစ်၊ဟူးမစ်အက်ဆစ်တို့ ဖျန်းလို့ရပါတယ်။စပါးဝါတာက အမြစ်မကောင်းလို့ ဝါတာပါ။ဂျစ်ဆန်+ပိုတက် ကျွေးပေးပါ။

273,381 လွန်ခဲ့သော ၆ နာရီ က

ပုံပါဆေးများက ဘက်တီးရီးယားသတ်ဆေးများဖြစ်ပါတယ်၊လိုနေတာက အဟာရပါ ရွက်ဖျန်းမြေဩဇာဖျန်းခြင်းသို့မဟုတ် ရေသွင်းဓာတ်မြေဩဇာကျွေးခြင်းက အထိရောက်ဆုံးဖြစ်ပါလိမ့်မယ်

လွန်ခဲ့သော ၇ နာရီ က · ပြည်

ကျွန်တော်က ပဲခူးတိုင်းက ဇော်လုံးစိုက်ပျိုးသူပါ။ ကျနော့်စိုက်ခင်းမှာအဓိကပြဿနာက မိုးတွင်းမှာ ရေနစ်မြုပ်တာပါ။ စိုက်ပျိုးပြီးမှ အခြေအနေကိုသိရတဲ့အတွက် ဘောင်မြှင့်တာမျိုးလဲမလုပ်ခဲ့ရပါဘူး။ ရေစီးအတွက် ခြံမှာ ပတ်မြောင်း‌‌ဖော်လိုက်ရင်‌အဆင်‌ ပြေနိုင်မလားခင်ဗျာ။ အဲ့ဒီပြဿနာကို ဘယ်လိုဖြေရှင်းရမလဲနဲ့ အတွေ့အကြုံရှိခဲ့ဖူးရင် မျှဝေပေးစေလိုပါတယ်ခင်ဗျာ။ ကျေးဇူးတင်ပါတယ်။

စိုက်ပျိုး ဗဟုသုတ ဂန္ဓမာ

273,381 လွန်ခဲ့သော ၆ နာရီ က

ဂန္ဓမာစိုက်ခင်း မိုးတွင်း ရေဝပ်သည့် ပြဿနာအတွက် စိုက်ဘောင်များအကြားနှင့် စိုက်ခင်းပတ်ပတ်လည်တွင် ပတ်မြောင်း (ရေနုတ်မြောင်း) တူးပေးခြင်းသည် အလွန်ကောင်းမွန်ပြီး ထိရောက်သော အဖြေတစ်ခု ဖြစ်ပါတယ်။ ဂန္ဓမာပန်းသည် မြေဆီလွှာ စိုထိုင်းဆကို ကြိုက်သော်လည်း အမြစ်တွင် ရေဝပ်ခြင်းကို လုံးဝမခံနိုင်သောကြောင့် ရေရှည်ရေဝပ်ပါက အမြစ်ပုပ်ပြီး အပင်သေဆုံးနိုင်ပါတယ်။ ဤပြဿနာကို ဖြေရှင်းရန် ရေကို စိုက်ခင်းပြင်ပသို့ အမြန်ဆုံး စီးထွက်နိုင်မည့် ရေထွက်ပေါက် လမ်းကြောင်းဖော်ပေးရပါမယ်။ ထို့ပြင် နောက်တစ်ကြိမ်တွင် စိုက်ဘောင်အမြင့်ကို ၈ လက်မမှ ၁ ပေအထိ မြှင့်တင်ခြင်း၊ မြေဆီလွှာတွင် သဲနှင့် ဖွဲပြာရောစပ်ခြင်းတို့ဖြင့် ရေစီးရေလာ ကောင်းမွန်အောင် ပြုလုပ်နိုင်ပါတယ်။ ရေကျသွားပြီးနောက် ဖြစ်ပွားတတ်သော အမြစ်ပုပ်မှိုရောဂါများအတွက် မက်တယ်လက်ဆီး (Metalaxyl) ကဲ့သို့သော မှိုသတ်ဆေး ပက်ဖျန်းပေးခြင်းနှင့် အပင်ပြန်လည် လန်းဆန်းစေရန် ရွက်ဖျန်းမြေဩဇာ ကျွေးခြင်းတို့ကို ဆောင်ရွက်ရပါမယ်။

1,140

လွန်ခဲ့သော ၇ နာရီ က · ချောက်

အင်ဇိုင်းအားဆေးရည်လုပ်ဖို့.သဘော်သိးကမရလို့....ငှက်ပြောသိး..ပန်းသစ်သော်သိး.ဖရဲသိးနဲ့လုပ်လို့ရလားဗျ...အခွံတွေကောထည့်ရတာလား

အပင်အာဟာရ ပဲစင်းငုံ

273,381 လွန်ခဲ့သော ၅ နာရီ က

ရပါတယ်ခင်ဗျာ။ အချဉ်ဓာတ်လွန်ကဲသော အသီးများမှလွဲ၍ ကျန်မှည့်ဝင်းသောအသီးများကို အစားထိုး သုံးစွဲနိုင်ပါတယ်။ အသီးခွံများပေါ်တွင် သဘာဝအချဉ်ဖောက်ခြင်းကို အားပေးသည့် အကျိုးပြုအဏုဇီဝပိုးမွှားများ ပါရှိသောကြောင့် အခွံ လုံးဝမခွာဘဲ၊ ရေလည်းမဆေးဘဲ ၂ လက်မပတ်လည် အတုံးငယ်များ တုံးထည့်ရပါမယ်။

လွန်ခဲ့သော ၇ နာရီ က · အင်းတော်

ဥစားကြက်စမွေးမယ်ဆိုဘာတေလိုအပ်လဲ

မွေးမြူနည်း ကြက်

273,381 လွန်ခဲ့သော ၆ နာရီ က

ဥစားကြက်မွေးမြူရေးခြံများအတွက် ကောင်းမွန်သော မွေးမြူရေးကျင့်စဉ်

လွန်ခဲ့သော ၈ နာရီ က · ငပုတော

ကြက်မွေးမြူရေး အကြောင်း သိချင်ပါတယ် ခုမှ စမွေး မှာ မလို့ပါ

မွေးမြူနည်း ကြက်

273,381 လွန်ခဲ့သော ၆ နာရီ က

ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

273,381 လွန်ခဲ့သော ၆ နာရီ က

ကြက် မွေးမယ်ဆိုလျှင်....

လွန်ခဲ့သော ၈ နာရီ က · ငပုတော

ကြက်နာ ရင် ဘယ်လို ကုသပေးရပါသလဲ

မွေးမြူနည်း ကြက်

318,735 လွန်ခဲ့သော ၈ နာရီ က

ကြက်နာတွေကို ဆေးကုပေးမယ်ဆိုရင် (၂)

318,735 လွန်ခဲ့သော ၈ နာရီ က

ကြက်တွေသေနေတယ်... ဘာလုပ်ရမလဲ? အပိုင်း (၁)

ဖြေလည်သော အဖြေရရှိပြီး

548

လွန်ခဲ့သော ၁၁ နာရီ က · မကွေး

မြေပဲရက်၄၀သါးမှာ ဂျစ်ပဆန် မြေသြဇာမှုန့်ပက်ချင်လို့ ပက်တဲ့အခါရွက်ပေါ်တင်ရင် လောင်နိုင်လားခင်ဗျ တဧက ဘယ်နှစ်kgသုံးပေးရမလဲ။

အပင်အာဟာရ မြေပဲ

273,381 လွန်ခဲ့သော ၁၀ နာရီ က

ဤအဖြေဖြင့် ပြေလည်

မြေပဲသက်တမ်း ၄၅ ရက်သား (စွယ်ချချိန်) တွင် ဂျစ်ပဆန်ကျောက်မှုန့် (Gypsum) ကို ပက်ကျွေးခြင်းသည် အပင်လောင်နိုင်ခြေမရှိဘဲ လွန်စွာအဆင်ပြေသော နည်းစနစ်မှန်ဖြစ်ပါတယ်။ မြေပဲစွယ်များ မြေထဲဝင်ပြီး ဥအောင်စေရန် ကယ်လ်စီယမ်ဓာတ် လိုအပ်ချိန်ဖြစ်၍ တစ်ဧကလျှင် ၅၀ ကီလိုဂရမ်ဝင် အိတ် (၂) အိတ်မှ (၃) အိတ်နှုန်း အပင်ခြေတစ်ဝိုက် ညီညာစွာ ဖြူးပေးနိုင်ပါက ပိုကောင်းမွန်ပါတယ်။ ဖြူးပြီးပါက ဓာတ်မြေသြဇာ ထိရောက်မှုရှိစေရန် ကြားပေါင်းလိုက်ရင်း မြေဖုံးပေးခြင်းကို ချက်ချင်းလုပ်ဆောင်ပေးသင့်ပါတယ်။ ဤသို့ကျွေးခြင်းဖြင့် မြေပဲဥဖျင်းခြင်းနှင့် ဥပုပ်ခြင်းကို ကာကွယ်ပေးပြီး အဆံပြည့်ကာ ဆီထွက်နှုန်းကို သိသိသာသာ တိုးတက်စေပါတယ်။စိုက်ခင်းအစိုဓာတ်ရှိရန်တော့လိုအပ်ပါတယ်ခင်ဗျာ။

လွန်ခဲ့သော ၁၁ နာရီ က · ပုသိမ်ကြီး

မြစ်သားမျိုးစိုက်ရလားဗျ ဆရာတို့ပြောပြပါအူံး

စိုက်ပျိုးနည်း ကြက်သွန်နီ

273,381 လွန်ခဲ့သော ၁၁ နာရီ က

မြစ်သားမျိုးစိုက်ပျိုးလို့ရပါတယ်။ မြစ်သားစစ်စစ် (ရွှေဖလားမျိုး)မျိုးသန့်သည် အထားအခံဆုံးနှင့် ပို့ကုန်အတွက် အကောင်းဆုံးဖြစ်ပြီး၊ စိုက်ပျိုးရာတွင် အောင်မြင်မှုရရှိရန် ပျိုးသက် ၄၅ ရက်မှ ၅၅ ရက်သားအတွင်းကိုသာ ရွေးချယ်စိုက်ပျိုးရပါမယ်။ တစ်ပင်နှင့်တစ်ပင် ၃ လက်မခန့် ခွာစိုက်ရမည်ဖြစ်ပြီး၊ ရေဝပ်ခြင်းကို လုံးဝမကြိုက်သဖြင့် ဘောင်စနစ်ဖြင့် စနစ်တကျ ရေနုတ်မြောင်းပြုလုပ်၍ စိုက်ပျိုးရန် လိုအပ်ပါတယ်။ စိုက်ခင်းသက်တမ်းတစ်လျှောက်တွင် လှေးပိုးနှင့် ရွက်ခြောက်မှိုရောဂါများ ကျရောက်တတ်သဖြင့် ကြိုတင်ကာကွယ်ဆေးများ သုံးစွဲရန် လိုပါတယ်။

ဖြေလည်သော အဖြေရရှိပြီး

လွန်ခဲ့သော ၁၂ နာရီ က · မော်လမြိုင်

ကျနော်မြေဩဇာပစ္စည်း အပင်စိုက်ပျိုးရေးအတွက်လိုအပ်တဲ့ပစ္စည်းတေရောင်ူပါတယ်။ နွားချေးမြေဩဇာကို ပုံမှန် အခြောက် ရောင်းပါတယ်။ အသုံးပြုသူ customers တွေ ပိုပြိးထိထိရောက်ရောက်တစ်ခါတည်းအသုံးပြုလို့ရအောင်နွားချေးမြေဩဇာကို အဆွေးခံပြီး စီးပွားရေးဖြစ်ရောင်းလိုသောကြောင့် ဘယ်လိုပုံစံမျိုး အဆွေးခံပြီး ရောင်းချပါက အသုံးပြုသူတွေအတွက်အဆင်ပြေမည်းနည်း။ ‌နွားချေးဆွေးကိုဘယ်လို ကြာရှည်ခံအောင်ပြုလုပ်ရမည်နည်း။ကျေးဇူးပြု၍အသေးစိတ်လေးဖြေကြားပေးပါဗျ။ ကျေးဇူးတသ်ပါတယ် ခဗျ။

အပင်အာဟာရ ခရမ်းသီး

273,381 လွန်ခဲ့သော ၁၁ နာရီ က

ဤအဖြေဖြင့် ပြေလည်

နွားချေးကို သုံးစွဲသူများ အဆင်ပြေစေရန် အမှုန့်ကြိတ်ထားသောပုံစံ၊ အခဲ/အတောင့်ပြုလုပ်ထားသောပုံစံနှင့် မြေဆီလွှာအသင့်သုံး မြေဆွေးအချို့ဖြင့် ရောစပ်ပုံစံဟူ၍ အမျိုးမျိုးပြောင်းလဲရောင်းချနိုင်ပြီး မြို့ပြပန်းစိုက်ပျိုးသူများအတွက် အသင့်သုံးပုံစံသည် အကောင်းဆုံးဖြစ်ပါတယ်။ နွားချေးဆွေးကို အာဟာရမပျက်ဘဲ ကြာရှည်ခံစေရန်အတွက် အပူချိန် (၅၅ - ၆၅ ဒီဂရီစင်တီဂရိတ်) ဖြင့် နှပ်ထားခြင်းဖြင့် ရောဂါပိုးနှင့် ပေါင်းစေ့များကို သေစေရမည်ဖြစ်ပြီး၊ မထုပ်ပိုးမီ အစိုဓာတ်ကို ၁၅% အောက်ရောက်အောင် လုံးဝခြောက်သွေ့အောင် ပြုလုပ်ရန် အရေးကြီးဆုံးဖြစ်ပါတယ်။ ထို့ပြင် ဆွေးမြည့်စဉ် EM ပိုး သုံးစွဲခြင်းက အနံ့ပျောက်စေပြီး၊ သိုလှောင်ရာတွင်လည်း လေဝင်လေထွက်ရှိသော ပလတ်စတစ်အိတ်များဖြင့် အမိုးအကာအောက်တွင် သစ်သားများခံ၍ သိမ်းဆည်းရပါမယ်။

273,381 လွန်ခဲ့သော ၁၁ နာရီ က

အသက် (၆) လသား နွားငယ်လေးတွင် ဖြစ်ပွားနေသော နားတွင်းပြည်တည်ခြင်း၊ နားရွက်လှုပ်ရှားရခက်ခဲခြင်း၊ နှာခေါင်းမှ အဖြူရောင်အနှစ်များကျခြင်းနှင့် အသက်ရှူစဉ် လည်ပင်းမှ အသံမြည်ခြင်းတို့သည် နားအလယ်ပိုင်းရောင်ရမ်းခြင်း (Otitis Media) နှင့်အတူ ပြင်းထန်သောအဆုတ်ရောင်ရောဂါ (Pneumonia) တွဲဖက်ဖြစ်ပွားနေခြင်း ဖြစ်နိုင်ပါတယ်။ ဤလက္ခဏာများသည် Mycoplasma bovis ဘက်တီးရီးယားပိုးကြောင့် ဖြစ်ပွားလေ့ရှိပြီး ပိုင်ရှင်သုံးစွဲထားသော Penicillin အုပ်စုဝင်ဆေးများနှင့် မတည့်ဘဲ ဆေးယဉ်ပါးမှုဖြစ်နေနိုင်သဖြင့် ရောဂါအခြေအနေ ပိုမိုဆိုးရွားလာခြင်းဖြစ်နိုင်တယ်။ ကုသရန်အတွက် ပိုးသတ်ဆေးကို Marbofloxacin သို့မဟုတ် Florfenicol ကဲ့သို့ ခေတ်မီဆေးမျိုး ပြောင်းလဲရမည်ဖြစ်ပြီး၊ အရောင်ကျဆေး (NSAID) အသုံးပြုခြင်း၊ နား/နှာခေါင်း သန့်ရှင်းရေးလုပ်ခြင်းနှင့် အာဟာရဖြည့်စွက်ပေးခြင်းတို့ကို တိရစ္ဆာန်ဆေးကုဆရာဝန်နှင့် ချက်ချင်းတိုင်ပင်၍ အရေးပေါ် ဆောင်ရွက်ရပါမယ်။အနီးဆုံးတိရစ္ဆာန်ဆေးကုဆရာဝန်ထံအမြန်ဆုံးဆက်သွယ်ပါခင်ဗျာ။

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

ရေပန်းစားသော အကြောင်းအရာများ