ပဲဆီဈေးအနည်းငယ် ပြန်ကျ၊ ကြက်သွန်နီဈေး ဆက်တက်

တောက်လျှောက်အတက်ဈေးမှာ ငြိမ်နေခဲ့တဲ့ ပြည်တွင်းမြေပဲဆီဈေးကတော့ ဒီနေ့ အနည်းငယ်ပြန်ကျသွားတာ ဖြစ်ပါတယ်။

မန္တလေးဈေးကွက်မှာ တစ်ပိဿာ ၁၃၀၀၀ ကနေ ၁၅၀၀၀ ကြား ပေါက်ဈေးရှိနေတာကနေ ဒီနေ့မှာတော့ ၁၂၅၀၀ ကနေ ၁၃၅၀၀ ကြား ဈေးပြန်ဖြစ်သွားတာပါ။

ပြည်ဈေးကွက်မှာလည်း တစ်ပိဿာ ၁၃၀၀၀ နဲ့ ဈေးတောက်လျှောက်ဖြစ်နေရာကနေ ဒီနေ့မှာတော့ ၁၂၀၀၀ ဖြစ်သွားတယ်လို့ သိရပါတယ်။

မြေပဲအသစ်တွေ ဈေးကွက်ထဲဝင်နေပြီး ဈေးတွေ ပြန်ကျဆင်းသွားတာကြောင့် ပဲဆီဈေးတွေလည်း ပြန်ကျသွားတာဖြစ်တယ်လို့ AMIA ရဲ့ သတင်းဖော်ပြချက်အရ သိရပါတယ်။

ရန်ကုန်၊ ဘုရင့်နောင်ဈေးကွက်မှာ ပြီးခဲ့တဲ့အပတ်က တစ်ပိဿာ ၂၅၀၀ ဈေးအမြင့်ဆုံးသာရှိနေခဲ့ပေမယ့် မနေ့ကတော့ ၂၈၀၀ ထိ ဈေးဖြစ်သွားတဲ့ ကြက်သွန်နီဈေးကတော့ ဒီနေ့မှာ ထပ်တက်လာပြီး ၂၉၀၀ ကျပ် ဖြစ်သွားပါပြီ။ အနိမ့်ဆုံးအမျိုးအစားကတော့ တစ်ပိဿာ ၂၃၀၀ ကျပ်ပါ။

*ယနေ့ မြေပဲဆီဈေးနှုန်းများ 

• တစ်ပိဿာ - ၁၂၅၀၀ - ၁၃၅၀၀ ကျပ် (မန္တလေးဈေးကွက်)
• တစ်ပိဿာ - ၁၂၀၀၀ ကျပ် (ပြည်ဈေးကွက်)

*ယနေ့ ကြက်သွန်နီဈေးနှုန်းများ (၁ ပိဿာ) (ဘုရင့်နောင်ဈေးကွက်)

• ကြက်သွန်နီ (ဆိပ်ဖြူရှယ် - သစ်) - ၂၉၀၀ ကျပ်
• ကြက်သွန်နီ (ဆိပ်ဖြူလတ်ကြီး)   - ၂၈၅၀ ကျပ်
• ကြက်သွန်နီ (ဆိပ်ဖြူလတ်သန့်)   - ၂၇၅၀ ကျပ်
• ကြက်သွန်နီ (ဆိပ်ဖြူလတ်ချော)  - ၂၃၀၀ ကျပ်

 (စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

 (အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

 ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။