စပ်မျိုးပြောင်းစီးစိုက်တောင်သူများ တန်ဖိုးမြှင့်ထုတ်ကုန်အဖြစ် ပြောင်းလဲထုတ်လုပ်ရောင်းချရာတွင် တွက်ချေကိုက်နေ
စပ်မျိုးပြောင်းစီးစိုက်တောင်သူများ ပြောင်းဖူးအစိုရောင်းချခြင်းထက် ပြောင်းဖူးစေ့ကြော်၍ တန်ဖိုးမြှင့်ထုတ်ကုန်အဖြစ် ပြောင်းလဲရောင်းချရာတွင် အကျိုးအမြတ်ပိုရ၍ တွက်ချေကိုက်နေသည်။
သိပ္ပံပြောင်း (စပ်မျိုးပြောင်းစီး) ကို တစ်ဧက ၅ ထုတ်စိုက်ပြီး တစ်သီးပြီးတာနဲ့ နောက်တစ်သီး ထပ်စိုက်ဖို့အဆင်သင့်လုပ်ထားတာ။ သက်တမ်းကလည်း အဖူးခူးချိန်အပြီးအစီးမှ ၃ လလောက်ပဲဆိုတော့ တစ်နှစ်လုံးကို ၄ သီးလောက် စိုက်လို့ရတယ်။ အရင်က ပြောင်းဖူးချိုးချိန်ဆို မျိုး၂ ထုတ်စာလောက်ပဲ ချိုးရောင်းလို့ကုန်တာ။ ကျန်တာတွေက အဲ့ချိန်ကျတော့ ရင့်ပြီး ခြောက်ကုန်ကြတာ။ အဲ့တော့ အစေ့ခြောက်ဈေးနဲ့ဆို တစ်တင်း ၂၀၀၀၀ လောက်နဲ့ရောင်းရတယ်။ ဒါပေမယ့် အစေ့ခြောက်တွေက ဈေးအတော်ကျသွားတာတွေရှိသလို တချို့နှစ်တွေဆို အဝယ်မရှိလို့ တပို့ပို့နဲ့ ရောင်းမထွက်ဘူး။ ဒီနှစ်တော့ ပြောင်းဖူးစေ့ကြော်ပြီးမှရောင်းတော့ အရောင်းလည်းသွက်သလို ဈေးလည်းရတော့ အတော်တွက်ချေကိုက်သွားတယ်။
ဟု ဆွာမြို့နယ်တွင်း ဆွာတောင်ကန်းကျေးရွာမှ တောင်သူဦးခင်မောင်ဆန်းက ပြောသည်။
စပ်မျိုးပြောင်းဖူးစေ့အခြောက်ကို ကြော်ပြီးရောင်းချရာမှာ ဈေးကွက်ကောင်း၍ အဝယ်လည်းနယ်စုံရှိသည်။ ပြောင်းဖူးစေ့ကြော်၏အရသာကို ကြိုက်နှစ်သက်မှုကြောင့် ရန်ကုန်၊ မန္တလေးဘက်တွေကပါ ဆက်သွယ်ဝယ်ယူလာကြောင်း သိရသည်။
ပြောင်းဖူးစေ့အခြောက်ကိုရောင်းရင် တစ်တင်းမှ ၂၀၀၀၀ ပဲရတာလေ။ အဲ့တစ်တင်းကို ကြော်လိုက်ရင် ပြောင်းဖူးကြော် ၅၂ ပြည်တောင်ထွက်တယ်။ တစ်ပြည်ကို အိမ်ထိ လာဝယ်တဲ့ဈေးက ၁၀၀၀ ရတယ်။ အဲ့မှာပဲ ဆီးဖိုးဘာညာထုတ်လိုက်ရင်တောင် အခြောက်ဈေးထက် ပိုရတာကို။ ဒါမဲ့ အန်တီတို့ကိုယ်တိုင် သွားရောင်းရင် တစ်ပြည်ကို ၂၀၀၀ ရတယ်။အစေ့ခြောက်တစ်တင်းရောင်းရင် ၂၀၀၀၀ ပဲရမယ်လေ။ ခုလိုကြော်ပြိီးမှရောင်းတော့အခြောက်တစ်တင်းက တစ်သိန်းနှုန်းလောက်ရတာ။ အဲ့တည်းက တစ်ရွာလုံး ကြော်ပြီးမှ ရောင်းကြတော့တာပဲ။ အဝယ်ကလည်းရှိတယ် ရွာထိလည်းလာဝယ်ကြသလို တချို့ဆို ရန်ကုန်ဘက်ကမှာလို့ စုပြီးကားတင်းပို့ပြီးတောင် ရောင်းကြတယ်။ တချို့က ရွာထဲမှာစုကောက်လိုက်ပြီး ပျဉ်းမနား အာဟာရသုခဈေးမှာသွားရောင်းတာ....ရောင်းရတယ်။
ဟု တောင်သူဦးခင်မောင်ဆန်း၏ဇနီး ဒေါ်နွဲ့ရည်ဝင်းက ဆက်ပြောသည်။
ပြောင်းဖူးစေ့ကြော်၏ ဈေးကွက်မှာ ဧလာ၊ ပျဉ်းမနားတို့၌ တစ်ပြည်ကို ၂၀၀၀ ကျပ်မှ ၂၈၀၀ ကျပ်အထိပေါက်ဈေးရကြောင်း သိရသည်။ ထို့ပြင် ရန်ကုန်၊ မန္တလေးဘက်မှလည်း အဝယ်များဆက်လက်ရှိနေသည်။
သိင်္ဂီလှိုင် (B.Agr.Sc)
(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)
LinLin
လွန်ခဲ့သော ၂ နှစ် ကကျနော်စိုက်ချင်လို့
ဆက်စပ်မေးခွန်းများ
ဂန္ဓပန်းအခုမှစမ်းစိုက်ကြည့်မလို့ပါစိုက်ပျိုးနည်းစနစ်လေးသိချင်လို့ပါခင်ဗျာ
ကိုချမ်း • ဖြေကြားချက် 1 ခု
ကျွန်တော့် ညီ/အကို/မောင်နှမများ ဆရာများ ခင်ဗျ ပဲကြီးစိုက်ပျိုးနည်းလေးရှိရင် မျှဝေ ပေးကြပါအုံးနော်🥰 စိုက်ပျိုးရမည့်အချိန် စိုက်ပျိုးသင့်သော မြေ (ဒေသ) စိုက် ၁ ဧက ဘယ်လောက် နှုန်း စိုက်သင့်လည်း စိုက်ပျိုးပြီး ဘယ်အချိန်တွေမှာ ပေါင်းနုတ်မျက်သင်လုပ်ရလည်း? အားဆေး ကာကွယ်ဆေး ဘယ်အချိန် ဖြန်းသင့်လည်း? စိုက်ပျိုးပြီး ဘယ်နှစ်လအကြာ ရိတ်သိမ်းရမလည်း? ၁ ဧက အထွက်နှုန်းထား ဘယ်လောက်ထွက်လည်း? ဒါတွေတကယ်မသိလို့ မျှဝေပေးပါအုံး🥰😍😍
ကိုအောင်မင်းထွန်း • ဖြေကြားချက် 1 ခု
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 1 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
နောက်ဆုံး ဆောင်းပါးများ
More from သိင်္ဂီလှိုင်
အားလုံး
သာတူညီမျှဖြစ်မှုကို ဆုံးရှုံးနေရသောတောင်သူများ
29/10/2021
လယ်ယာမြေ စတော့ရှယ်ယာဈေးကွက်ဆိုတာဘာလဲ? ဘာလို့ သိထားသင့်တာလဲ?
20/10/2021
အိမ်တွင်းစိုက်အပင်လေးတွေရဲ့ စိတ်ဝင်စားစရာသမိုင်းကြောင်း
29/09/2021
သက်ရှည်ကျန်းမာစေလိုသောအားဖြင့် ပြင်းထန်စွာသတိပေးပါရစေ
03/12/2020
ငါးနုတ်ငါးဖွဲများ လျော့နည်းမျိုးတုံးလာရခြင်း အကြောင်းရင်းများနှင့် ဆက်စပ်နေသော စိုက်ပျိုးရေးကဏ္ဍတစ်စိတ်တစ်ပိုင်း
23/11/2020
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....