ပဲခူးတိုင်းဒေသကြီးအတွင်း ဖြစ်ပေါ်နိုင်သည့် မိုးလေဝသနှင့် သဘာဝဘေး သုံးသပ်ချက်

Meteoblue (ICON Model) ၏ ၂၀၂၆ ခုနှစ် စက်တင်ဘာလ ၁၄ ရက်နေ့တွင် ထုတ်ပြန်သော နေ့စဉ်မိုးရေချိန်ပြမြေပုံများ၊ ထိုင်းမိုးလေဝသဌာန၏ မြေပြင်မိုးလေဝသကားချပ် (Surface Weather Chart at 14 SEP 06 UTC) နှင့် ဂြိုဟ်တုပုံရိပ်များအရ စက်တင်ဘာလ ၁၄ ရက်မှ ၂၀ ရက်နေ့အထိ (၇ ရက်အတွင်း) ပဲခူးတိုင်းဒေသကြီး ဒေသခွဲများအလိုက် ခန့်မှန်းချက် ညနေ ၄ နာရီ UPDATE ဖြစ်ပါသည်။

၁။ ပဲခူးတိုင်းဒေသကြီး ဒေသခွဲများအလိုက် နေ့စဉ်နှင့် ၇ ရက် စုစုပေါင်း ခန့်မှန်းမိုးရေချိန်ဇယား (mm)

(၇ ရက် စုစုပေါင်း ခန့်မှန်းမိုးရေချိန် အများဆုံး ရရှိနိုင်သည့် ဒေသမှ အနည်းဆုံး ဒေသအလိုက် High to Low Sorted ပြုလုပ်ထားပါသည်)

၂။ လေဖိအားနည်းစနစ်များနှင့် ပဲခူးတိုင်းအပေါ် မိုးအား အနည်း/အများ ဖြစ်နိုင်ခြေ ဆန်းစစ်ချက်

မုတ်သုံမြောင်တန်း နိမ့်ဆင်းမှုနှင့် အနောက်တောင်မုတ်သုံလေ အရှိန်

ထိုင်းမိုးလေဝသ Surface Weather Chart (14 SEP 06 UTC) အရ မုတ်သုံမြောင်တန်း (Monsoon Trough) သည် မြန်မာနိုင်ငံ တောင်ပိုင်းနှင့် အလယ်ပိုင်း ဒေသများကို ဖြတ်သန်းကာ တောင်တရုတ်ပင်လယ် ကုန်းတွင်းပိုင်းမှ လေဖိအားနည်းဆဲလ်အတွင်းသို့ ဆက်သွယ် တည်ရှိနေပါသည်။ ကပ္ပလီပင်လယ်ပြင်နှင့် မုတ္တမကွေ့မှ တိုးဝင်လာသော အနောက်တောင်မုတ်သုံလေ အရှိန်ကြောင့် စက်တင်ဘာ ၁၄ ရက်နှင့် ၁၅ ရက်များတွင် ပဲခူးတိုင်းတစ်ဝှမ်း မိုးအား ပြန်လည် မြင့်တက်လာမည် ဖြစ်ပါသည်။

စက်တင်ဘာ ၁၄ - ၁၅ ရက် (မိုးအား မြင့်တက်မည့် ကာလ) ပဲခူးတိုင်း တောင်ပိုင်းနှင့် အရှေ့ပိုင်း စစ်တောင်းမြစ်ဝှမ်း ဒေသများတွင် မိုးအတန်အသင့်မှ နေရာကွက်ကျား မိုးကြီးနိုင်ပါသည်။

စက်တင်ဘာ ၁၆ - ၂၀ ရက် (မိုးအား တဖြည်းဖြည်း လျော့ကျမည့် ကာလ) မြောက်ဘက်မှ လေအေးထု (High Pressure Area) နိမ့်ဆင်းလာမှုကြောင့် မုတ်သုံလေ အရှိန်လျော့ကျကာ တိုင်းအတွင်း နေ့စဉ်မိုးရေချိန်နှင့် မိုးရွာသည့် အကြိမ်ရေများ တဖြည်းဖြည်း ပါးလွှာ လျော့နည်းသွားပါမည်။

၃။ ပဲခူးတိုင်းဒေသကြီးအတွင်း ဖြစ်ပေါ်နိုင်သည့် မိုးလေဝသနှင့် သဘာဝဘေး သုံးသပ်ချက်

ပဲခူးတိုင်း (တောင်ပိုင်း - ပဲခူးရိုးမတောင်ပိုင်းမှ မုတ္တမကွေ့အထိ) မုတ္တမကွေ့မှ တိုးဝင်လာသော စိုထိုင်းဆ မြင့်မားသည့် တိမ်တိုက်များကြောင့် စက်တင်ဘာ ၁၄ မှ ၁၅ ရက်အတွင်း ပဲခူး၊ သနပ်ပင်နှင့် ဝေါ မြို့နယ်များ၌ မိုးသည်းထန်းစွာ ရွာသွန်းခြင်း၊ လေပြင်းတိုက်ခတ်ခြင်းနှင့် မြေနိမ့်ပိုင်း ရေဝပ်မှုများ ဖြစ်ပေါ်နိုင်ပါသည်။ ပဲခူးရိုးမ တောင်ဘက်စောင်း မြို့နယ်များတွင် ရေဆင်းလှိုင်းများကြောင့် ချောင်းရေ ရုတ်တရက် တိုးပွားနိုင်ခြေ ရှိပါသည်။ ၇ ရက် စုစုပေါင်းမိုးရေချိန် 98mm မှ 203mm အထိ ရှိနိုင်ပါသည်။

ပဲခူးတိုင်း (အရှေ့ပိုင်း - စစ်တောင်းမြစ်ဝှမ်းဒေသ) စက်တင်ဘာ ၁၄-၁၅ ရက်များတွင် ရေတာရှည်၊ တောင်ငူ၊ ဖြူး စသည့် မြို့နယ်များတွင် မိုးအတန်အသင့် ရွာသွန်းနိုင်သဖြင့် စစ်တောင်းမြစ်ဝှမ်း မြေနိမ့်ပိုင်း စိုက်ပျိုးမြေများအတွင်း စိုးရိမ်ရေမှတ်အနီး ရေဝပ်နေမှုများ ရှိနိုင်ပါသည်။ သို့သော် ၁၆ ရက်နေ့နောက်ပိုင်း မိုးပါးသွားမည် ဖြစ်၍ ရေကျဆင်းမှု မြန်ဆန်လာပါမည်။ ၇ ရက် စုစုပေါင်းမိုးရေချိန် 80mm မှ 177mm အထိ ရှိနိုင်ပါသည်။

ပဲခူးတိုင်း (အနောက်ပိုင်း - ဧရာဝတီမြစ်ဝှမ်းဒေသ) ၇ ရက် စုစုပေါင်းမိုးရေချိန် 62mm မှ 124 ခန့်သာ ရှိမည်ဖြစ်၍ တိုင်းအတွင်း မိုးအနည်းဆုံး ဒေသဖြစ်ပါမည်။ ရေကြီးရေလွှမ်းမိုးမှု အန္တရာယ် ဖြစ်ပေါ်နိုင်ခြေ နည်းပါးပြီး သာမန် မိုးအသင့်အတင့် ရာသီဥတုသာ တည်ရှိပါမည်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။