ကမ္ဘာ့ထောပတ်သီးထုတ်ကုန် ဈေးကွက်ရဖို့ တစ်နှစ်တန်ချိန် သိန်းချီလိုအပ်နေသည်ဟုဆို

Green Way • 14/09/2022

မြန်မာနိုင်ငံအနေနဲ့ ထောပတ်သီးထုတ်ကုန် ကမ္ဘာ့ဈေးကွက်ရဖို့ဆိုရင် တစ်နှစ်ကို တန်ချိန် သိန်းချီပြီး ရနိုင်ဖို့ထိ လိုအပ်လို့ ထောပတ်စိုက်တောင်သူတွေ ပိုစိတ်ဝင်စားပြီး ပိုစိုက်လာစေချင်တယ်လို့ ထောပတ်သီးဆီနဲ့ အလှကုန်များ ထုတ်လုပ်ဖြန့်ဖြူးနေတဲ့ Shan Orchard Myanmar ရဲ့ မန်နေးဂျင်းဒါရိုက်တာ ဦးနေသန်ဝင်းက ပြောပါတယ်။

ရှမ်းပြည်နယ်တောင်ပိုင်း၊ ဟဲဟိုးမြို့၊ သီခေါင်ကျေးရွာအုပ်စု၊ အောင်မြေခြားကျေးရွာရှိ Shan Orchard Myanmar ကုမ္ပဏီ ထောပတ်သီးအဆီထုတ်စက်ရုံဝင်းအတွင်း စက်တင်ဘာ ၁၄ ရက်မှာ စတင်ကျင်းပနေတဲ့ ထောပတ်သီးစိုက်တောင်သူများတွေ့ဆုံခြင်းနဲ့ ထောပတ်ဆီထုတ်ကုန်ပြပွဲမှာ တောင်သူများနဲ့ တက်ရောက်လာသူတွေကို ဦးနေသန်ဝင်းက အဲ့ဒီလို ထည့်သွင်းပြောကြားခဲ့တာပါ။

“ ကိုယ့်ရဲ့ရည်ရွယ်ချက်က လူတွေ ထောပတ်ကို ပိုစိတ်ဝင်စားပြီး ပိုစိုက်လာဖို့။ ဘာလို့လဲဆိုတော့ အထွက်အများကြီးလိုတယ်။ ကင်ညာ (အာဖရိကနိုင်ငံ) ဆိုရင် တစ်နှစ်ကို တန် ၂ သိန်းလောက် ထွက်တယ်။ ကျွန်တော်တို့က အနည်းဆုံး တစ်နှစ် တန် ၁ သိန်းလောက်ထွက်မှ ကမ္ဘာက ကျွန်တော်တို့ကို ကြည့်မှာ” လို့ ဦးနေသန်ဝင်းက ပြောလိုက်တာပါ။

အခုပွဲကိုတော့ Shan Orchard Myanmar နဲ့ USAID Feed the Future Burma စိုက်ပျိုးရေးနှင့်အစားအစာထုတ်ကုန်စနစ်ဖွံ့ဖြိုးမှု စီမံကိန်း (AFDA) တို့ ပူးပေါင်းပြုလုပ်တာဖြစ်တယ်လို့ သိရပါတယ်။

“ ကမ္ဘာရဲ့ထောပတ်ထွက်နိုင်ငံတွေကြည့်လိုက်ရင် မြန်မာပြည်မပါသေးဘူး။ နောက်ပြီးတော့ မြန်မာပြည်မှ မဟုတ်သေးဘူး။ အာဆီယံမှာတောင် သိပ်အစိမ်းရောင် မတွေ့ဘူး။ အဲ့ဒါကို ကျွန်တော် ပြောင်းလဲချင်တယ်” လို့လည်း ဦးနေသန်ဝင်းက ဆိုပါတယ်။

မြန်မာနဲ့ ရာသီဥတုပိုင်းဆင်တူတဲ့ ကင်ညာနိုင်ငံဟာ ပြီးခဲ့တဲ့ ၁၀ နှစ်ခန့်ကအထိ ကမ္ဘာ့ထောပတ်သီး ထိပ်တန်းတင်ပို့သူစာရင်းမှာ မပါသေးဘဲ လက်ရှိအချိန်မှာတော့ ထောပတ်ထုတ်ကုန်ထိပ်တန်းအိတ်စပို့ နိုင်ငံတွေထဲမှာ ပါဝင်လာပြီဖြစ်ကြောင်းနဲ့ မြန်မာနိုင်ငံလည်း အဲ့ဒီလို ဖြစ်ချင်တယ်ဆိုရင် ထောပတ်စိုက် တောင်သူတွေ ကိုယ့်ကိုယ်ကိုယ် မေးခွန်းပြန်ထုတ်ဖို့လိုတယ်လို့လည်း ဦးနေသန်ဝင်းက ပြောပါတယ်။

“ ကမ္ဘာမှာ ထောပတ်စားသုံးမှုအများဆုံးက မက္ကဆီကိုပဲ။ နံပါတ်နှစ်က အမေရိကန်။ အမေရိကန်က စားသုံးမှုများလို့လည်း ထောပတ်ဈေးကွက်က မြင့်တက်လာတာ။ အိတ်စပို့လုပ်တဲ့နိုင်ငံတွေထဲမှာတော့ အများဆုံးက မက္ကဆီကို၊ ပြီးတော့ ပီရူး။ နောက်ထပ်ကြည့်လိုက်ရင် ကင်ညာပါနေတယ်။ လွန်ခဲ့တဲ့ ၁၀ နှစ်ကထိ မပါသေးဘူး။ လူတွေတောင် အဲ့ဒီကနေ ထောပတ်ထွက်တာ မသိကြသေးဘူး။ ကျွန်တော် မေးချင်တာက ကျွန်တော်တို့နိုင်ငံကော ဒီလိုမျိုးဖြစ်ချင်လား။ အသီး တစ်ခု။ တစ်ကမ္ဘာလုံး တန်ဖိုးထားတာ။ အဲ့ဒီဈေးကွက်မှာ ကျွန်တော်တို့ ဝင်ချင်လား။ အဲ့ဒါကို ကျွန်တော်တို့ဖာသာ မေးရမယ်”

ထောပတ်ဆီကောင်းကောင်းထွက်ဖို့ဆိုရင် အသီးက ရင့်ရမှည့်ရမှာဖြစ်သလို မျိုးပေါ်မှာလည်း မူတည်တယ်လို့ သိရပါတယ်။ ပုံမှန်အားဖြင့် ထောပတ်သီးဆီ ၁ တန် ထွက်ဖို့အတွက် ဆီကြိတ်မယ်ဆိုရင် ထောပတ်သီး ၁၀ တန်ခန့်လိုအပ်တယ်လို့လည်း သိရပါတယ်။

Shan Orchard Myanmar ကုမ္ပဏီအနေနဲ့ ပြပွဲပထမနေ့မှာ တက်ရောက်လာသူတွေကို ထောပတ်သီး ဆီထုတ်ပုံအဆင့်ဆင့်ကို ရှင်းလင်းပြသတာတွေလည်း ပြုလုပ်ခဲ့ပါတယ်။ ဆီကြိတ်ရာကနေ ထွက်ရှိလာတဲ့ ဘေးထွက်ပစ္စည်းတွေကိုတော့ အလှကုန်ပစ္စည်းတွေ ထုတ်လုပ်ရာမှာ ထည့်သွင်း ပြုလုပ်နိုင်တယ်လို့ သိရပါတယ်။

ပြပွဲသို့ ကချင်၊ ရှမ်းမြောက်နဲ့ ရှမ်းတောင်က ထောပတ်စိုက်တောင်သူတွေ တက်ရောက်လာသလို စိုက်ပျိုးရေးနည်းပညာနဲ့ သွင်းအားစု ဆိုင်ရာအဖွဲ့အစည်းတွေလည်း ပြခန်းတွေ လာရောက်ပြသ ရှင်းလင်းတာတွေ ပြုလုပ်နေတာပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

စိုက်ပျိုးရေးသတင်း

တစ်ပတ်စာ သီးနှံဈေးကွက် သုံးသပ်ချက် (၂၁ - ၂၅.၉.၂၀၂၆)

AMIA

စိုက်ပျိုးရေးသတင်း

ကြက်သွန်ဈေး လက်လီ တစ်ပိဿာကို ၁၀,၀၀၀ ကျပ်အထိရှိလာ

AMIA

စိုက်ပျိုးရေးသတင်း

တစ်ပတ်စာ သီးနှံဈေးကွက် သုံးသပ်ချက် (၁၄ - ၁၈.၉.၂၀၂၆)

AMIA

ဆက်စပ်မေးခွန်းများ

မြေပဲ ရက်၂၀ရှိပီ နွားသေး ဆေးဖြန်းပုံး တပုံးကို နှစ်လီတာ ထည့်ဖြန်းလို့ရပါသလား ဘယ်လောက်ထည့်ရမလည်း ဘာတေနဲ့ရောဖြန်းရင် ပိုကောင်းပါသလည်း ဆရာ

နံပတ်2 • ဖြေကြားချက် 0 ခု

ခရမ်းချဉ်ပျိုးတာ5ရက်ရှိပြီအမင်မပေါက်လာသေးလို့ဆရာ/မျှားနီတံဆိပ်

Zaw Than Oo • ဖြေကြားချက် 1 ခု

မြေ ph level တိုင်းတာရန် တိုင်းစက်အပြင် အခြား မည်သည့်နည်းလမ်းဖြင့် တိုင်းတာလို့ရနိုင်ပါလဲ ခင်ဗျ

U Soe • ဖြေကြားချက် 1 ခု

မျှားနီ တောင်ပေါ်သား(979)မျိုးဟာ အပင်တစ်ပင်ရဲ့ သက်တန်းတစ်လျှောက်လုံးမှာ အမြင့်ဆုံး ပိဿာချိန် ဘယ်လောက်ထိ ထွက်နိုင်ပါသလဲဗျ စိုက်ဖူးတဲ့ဆရာကြီးများ ပြန်ဖြေပေးကြပါခင်ဗျား။ ကျနော်က အခုမှစစိုက်မှာမို့လို့ပါဗျ။

Kyaw Soe Naing • ဖြေကြားချက် 1 ခု

ယခုလက်ရှိ ရာသီဥတုနဲ့ဆို ဘာပဲအမျိုးအစားကို ရွေးချယ်ပီးစိုက်သင့်ပါသလဲ

Sa Paing Ko Ko Win • ဖြေကြားချက် 4 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ