တိုင်းဒေသကြီး/ပြည်နယ်များအလိုက် သဘာဝဘေးအန္တရာယ်နှင့် လေးမျက်နှာ ရေကြီးမှု အထူးသုံးသပ်ချက်

Meteoblue (ICON Model) ၏ ၂၀၂၆ ခုနှစ် စက်တင်ဘာလ ၁၀ ရက်နေ့တွင် (UPDATE အသစ်)ရရှိသော နေ့စဉ်မိုးရေချိန်ပြမြေပုံများ၊ ထိုင်းမိုးလေဝသဌာန၏ ထပ်မံထုတ်ပြန်ချက် Weather Advisory No. 7 (197/2026) နှင့် အိန္ဒိယမိုးလေဝသဌာန (IMD) ထုတ်ပြန်ချက်များကို အခြေခံ၍ စက်တင်ဘာလ ၁၀ ရက်မှ ၁၆ ရက်နေ့အထိ (၇ ရက်အတွင်း) မြန်မာနိုင်ငံ တိုင်းဒေသကြီးနှင့် ပြည်နယ်များအလိုက် ခန့်မှန်းချက်

စက်တင်ဘာ ၁၀ ရက်၊ နံနက် ၁၀ နာရီ UPDATE ဖြစ်သည်။

၁။ တိုင်းဒေသကြီး/ပြည်နယ်များအလိုက် နေ့စဉ်နှင့် စုစုပေါင်း ခန့်မှန်းမိုးရေချိန်ဇယား (mm)

(၇ ရက် စုစုပေါင်း ခန့်မှန်းမိုးရေချိန် အများဆုံး ရရှိနိုင်သည့် ဒေသမှ အနည်းဆုံး ဒေသအလိုက် High to Low Sorted ပြုလုပ်ထားပါသည်)

၂။ လေဖိအားနည်းစနစ်များနှင့် မုတ်သုံလေ အနေအထား ဆန်းစစ်ချက်

တောင်တရုတ်ပင်လယ် လေဖိအားနည်းစနစ်နှင့် ရွေ့လျားမှု - TMD Weather Advisory No. 7 အရ စက်တင်ဘာ ၁၁ - ၁၃ ရက်အတွင်း တောင်တရုတ်ပင်လယ်ပြင် အလယ်ပိုင်းရှိ လေဖိအားနည်းဆဲလ်သည် အပူပိုင်းမုန်တိုင်းအဖြစ်သို့ အားပိုကောင်းလာမည် ဖြစ်ပါသည်။ အဆိုပါ မုန်တိုင်းစနစ်သည် စက်တင်ဘာ ၁၄ - ၁၅ ရက်များတွင် ဗီယက်နမ်နိုင်ငံ မြောက်ပိုင်း ကမ်းရိုးတန်းသို့ ဖြတ်ကျော်ဝင်ရောက်နိုင်မည် ဖြစ်ပါသည်။

မုတ်သုံမြောင်တန်းနှင့် အနောက်တောင်မုတ်သုံလေ အရှိန်အဟုန် -

မုတ်သုံမြောင်း နိမ့်ဆင်းခြင်း - စက်တင်ဘာ ၁၀ - ၁၃ ရက်အတွင်း တရုတ်နိုင်ငံမှ လေဖိအားမြင့်စနစ် တိုးဝင်လာသဖြင့် မုတ်သုံမြောင်တန်း (Monsoon Trouugh) သည် မြန်မာနိုင်ငံ တောင်ပိုင်းနှင့် အလယ်ပိုင်း (ပဲခူး၊ ရန်ကုန်၊ ဧရာဝတီ၊ မွန်၊ ကရင်) အပေါ်သို့ နိမ့်ဆင်းဖြတ်သန်းမည် ဖြစ်ပါသည်။

မုတ်သုံလေ အားကောင်းလာခြင်း - တောင်တရုတ်ပင်လယ် မုန်တိုင်း၏ ဆွဲအားကြောင့် ကပ္ပလီပင်လယ်ပြင်နှင့် မုတ္တမကွေ့အတွင်း တိုက်ခတ်နေသော အနောက်တောင်မုတ်သုံလေ အရှိန်အဟုန် ပိုမိုပြင်းထန် အားကောင်းလာမည် ဖြစ်ပါသည်။

၃။ တိုင်းဒေသကြီး/ပြည်နယ်များအလိုက် သဘာဝဘေးအန္တရာယ်နှင့် လေးမျက်နှာ ရေကြီးမှု အထူးသုံးသပ်ချက်

ဧရာဝတီတိုင်း (ငဝန်မြစ် တာကျိုးမှုနှင့် လေးမျက်နှာ ရေကြီးမှု အခြေအနေ)

မိုးရွာသွန်းနိုင်မည့် အခြေအနေ - စက်တင်ဘာ ၁၀ - ၁၃ ရက်အတွင်း ဒေသတွင်း မိုးရွာသွန်းမှု ပါးသွားမည်ဖြစ်သော်လည်း စက်တင်ဘာ ၁၄ ရက်မှ ၁၆ ရက်အတွင်း မုတ်သုံလေ အားကောင်းလာမှုကြောင့် မိုးအားပြန်ကောင်းလာနိုင်မည် ဖြစ်ပါသည်။

ရေကြီးနေသည့် ဒေသများအတွက် မိုးလေဝသအခြေအနေ - စစ်ကိုင်းတိုင်းအထက်ပိုင်းနှင့် ကချင်ပြည်နယ်တို့တွင် စက်တင်ဘာ ၁၁-၁၃ ရက်များ၌ မိုးပါးသွားမည်ဖြစ်၍ အထက်မြစ်ရေစီးဆင်းမှု လျော့နည်းသွားနိုင်မည် ဖြစ်ပါသည်။ သို့သော် ၁၄ ရက်နောက်ပိုင်း တိုင်းအတွင်း မိုးပြန်ကောင်းလာနိုင်သဖြင့် ငဝန်မြစ်ရေနှင့် တာကျိုးပေါက်မှု ဖြစ်ပေါ်ထားသည့် လေးမျက်နှာဒေသ မြေနိမ့်ပိုင်းဒေသများ၌ စိုးရိမ်ရေမှတ်အထက် ရေဝပ်နေမှု အခြေအနေမှာ လျင်မြန်စွာလျော့နည်းသွားခြင်း မရှိဘဲ ရေကျဆင်းမှု ပိုမို နှောင့်နှေးနေဦးမည် ဖြစ်ပါသည်။

တနင်္သာရီတိုင်း၊ မွန်ပြည်နယ်နှင့် ကရင်ပြည်နယ် - စက်တင်ဘာ ၁၄ မှ ၁၆ ရက်အတွင်း မုတ်သုံလေ ပြင်းထန်စွာ အားကောင်းမည် ဖြစ်သဖြင့် နေရာကွက်ကျား မိုးကြီးခြင်းမှ လွန်စွာမိုးကြီးခြင်း ဆက်တိုက်ဖြစ်ပေါ်နိုင်ပါသည်။ တောင်ခြေ ချောင်းများအတွင်း ရုတ်တရက် တောင်ကျရေကျဆင်းခြင်းနှင့် တောင်ကုန်း တောင်စောင်း မြေပြိုမှုတို့ကို အထူးသတိပြုရန် လိုအပ်ပါသည်။

ပဲခူးတိုင်း (တောင်ပိုင်း/အရှေ့ပိုင်း/အနောက်ပိုင်း) နှင့် ရန်ကုန်တိုင်း - မုတ်သုံမြောင်တန်း နိမ့်ဆင်းလာမှုကြောင့် စက်တင်ဘာ ၁၀-၁၄ ရက်များတွင် မိုးရွာသွန်းမှု ဆက်တိုက် ရှိနေမည် ဖြစ်ပါသည်။ ပဲခူးရိုးမ အရှေ့ဘက် တောင်ခြေဒေသများနှင့် မြေနိမ့်ပိုင်းများ၌ တောင်ကျချောင်းရေဆင်းခြင်းနှင့် ရေဝပ်ခြင်းများကို သတိပြုရန် လိုအပ်ပါသည်။

စစ်ကိုင်းတိုင်း၊ ကချင်ပြည်နယ်၊ မန္တလေးတိုင်းနှင့် မကွေးတိုင်း - စက်တင်ဘာ ၁၁ ရက်မှ ၁၃ ရက်အထိ မုတ်သုံမြောင်တန်း တောင်ဘက် နိမ့်ဆင်းသွားမည်ဖြစ်၍ မိုးရွာသွန်းမှု သိသိသာသာ ပါးသွားမည် ဖြစ်ပါသည်။ မိုးနည်းဇုန် ဒေသများတွင် ရာသီဥတု သာယာနိုင်ပါသည်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။