ဆရာတို့ခင်များ စိုက်ခင်းတွေမှာ လင်းနို့ချေးကိုမြေဘြဇာ အဖြစ် အသုံးပြုမယ်ဆိုရင် ဘယ်လိုနည်းလမ်းနဲ့ သုံးစွဲသင့်ပါသလဲ ခင်များ (လင်းနို့ချေး လွယ်လွယ်ကူကူ ရနိုင်လို့ပါ )

"အလွယ်ဆုံး သဘာဝမြေသြဇာအရည်ပြုလုပ်နည်း" ဒီနည်းလမ်းအတိုင်းလည်း အသုံးပြုနိုင်ပါတယ်။ ဒါမဟုတ် လင်းနို့ချေးက ဆွေးပြီးသားဆိုရင်တော့ စိုက်ခင်းထဲတန်းသုံးလို့ရပါတယ်။ အညာဖက်တောင် တောင်သူတစ်ယောက်က ဆိတ်ချေးသိုလှောင်နည်းလေး သဘောကျလို့ ပြန်ပြောပြချင်ပါတယ်။ လင်းနို့လည်း သုံးနိုင်ပါတယ်။​ အဲဒီတောင်သူက မြေကျင်းတူးပြီး ဆိတ်ချေးတွေကို ကျင်းထဲထည့်ပါတယ်။ ပြီးရင် အခြားသစ်ရွက်တွေလည်း ထည့်ပေးပါတယ်။​သစ်ရွက်အစား စပါးခွံတို့ နွားချေးတို့ ကောက်ရိုးတို့ ထည့်လို့ရါပတယ်။ မြန်မြန်ဆွေးအောင် ပုလဲတစ်ပြည်လောက်လည်း ထည့်ပါတယ်။ ပေါ်ကနေ အစိုဓာတ်ရအောင် ရေလောင်းပေးပြီး မြေကျင်းကို ပြန်ဖုံးထားလိုက်ပါတယ်။ ၃ လောက်ကြာမှ စိုက်ခင်းအတွက် ကျင်းထဲက သဘာဝမြေသြဇာဖြစ်သွားတာတွေကို ပြန်တူးယူပြီး စိုက်ခင်းထဲထည့်ပါတယ်။​ ဒါကတော့ စနစ်တကျသိုလှောင်နည်းတစ်ခုဖြစ်ပါတယ်။​ ရေကြာကြာဝင်တတ်တဲ့ အရပ်ဆိုရင်တော့ လုပ်ဖို့မသင့်တော်ပါ။