"အလွယ်ဆုံး သဘာဝမြေသြဇာအရည်ပြုလုပ်နည်း"

19/11/2019 17:00 PM တွင် Ye Naing Win Ye Naing Win မှ ရေးသား ပြီး Greenovator Greenovator မှ ပေးပို့ထားပါသည်။

စိုက်ပျိုးရေးက မည်သူမဆို ငွေကုန်ခံနိုင်ရင် အောင်မြင်အောင်လုပ်နိုင်ပါတယ်။ သွင်းအားစုများများ ကောင်းကောင်းသုံးရင်ပေါ့။ ဒါပေမယ့် ကိုက်အောင်၊ အကျိုးရှိ အမြတ်ရအောင်လုပ်ဖို့ကတော့ တော်တော်ခက်လှပါတယ်။ ဒါကြောင့် ကုန်ကျစရိတ်နည်းနည်းနဲ့ အကျိုးရှိမယ့် မြေသြဇာလုပ်နည်းတွေ ရှိထား သိထားသင့်လှပါတယ်။ 

"အလွယ်ဆုံး သဘာဝမြေသြဇာအရည်ပြုလုပ်နည်း"

- နွားချေး တစ်ပိဿာနဲ့ ကြက်ချေးတစ်ပိဿာ (လင်းနို့ချေးပိုကောင်း)ကို အဝတ်ပါးပါး (သို့) ငါးဖမ်းတဲ့ ဇန်ပိုက်စိပ်ထဲကိုထည့်ပြီး ထုပ်ပါ။

- အဲဒီအထုပ်ကို စဉ့်အိုး၊ မြေအိုး၊ ပလက်စတစ်ပုံးထဲသို့ ရေ(၈)ဂါလံဖြင့် ထည့်စိမ်ပါ။

- (၃) ရက်ကြာစိမ်ပြီးတဲ့အခါ နွားချေး၊ ကြက်ချေးအထုပ်ကို ဆယ်ယူလိုက်ပါ။ ကျန်နေတဲ့အရည်ဟာ သဘာဝမြေသြဇာတွေဖြစ်ပါတယ်။ စိုက်ခင်းထဲတွင် အပင်များလောင်းပေးပါ။

အရွက်စားအပင်များ (ဥပမာ - ဆလပ်ရွက်၊ မုံလာရွက်)တွင် သုံးမယ်ဆိုရင် နွားချေးတစ်မျိုးတည်းအသုံးပြု၍ မြေသြဇာအရည်ပြုလုပ်ပါ။

စိုက်ပျိုးရေးဖြင့် အသက်မွေးဝမ်းကြောင်းပြုနေကြတဲ့ မိတ်ဆွေများအတွက် ပြန်လည်မျှဝေပေးလိုက်ပါတယ်။

အဆင်ပြေအောင်မြင်နိုင်ပါစေ... 

ရဲနိုင်ဝင်း