မြေပဲပင်မှာပိုးတွေ့လို့ဘာပိုးလဲသိချင်ပါတယ်

ဆေးရွက်ကြီးဖလံပါ။ ကာကွယ်နည်းကို အစိမ်းရောင်လမ်းမှာတင်ထားတဲ့ မြေပဲတွင် ကျရောက် ဖျက်ဆီးတတ်သော ဖျက်ပိုးနှင့် ကာကွယ်နှိမ်နင်းနည်းများ (၂) ဒီဆောင်းပါးကနေကောက်နုတ်ဖော်ပြလိုက်ပါတယ်။ အပြည့်အစုံဖတ်ဖို့ စာတန်းကိုနှိပ်ပါ။ ကာကွယ်နှိမ်နှင်းနည်းများ နွေ ထယ်ရေး သို့မဟုတ် ရှေ့သီးနှံ ရိတ်သိမ်းပြီးချိန်တွင် ထယ်ရေး နက်နက် ထိုး၍မြေလှပ် ထားပေးပါ။ ထောင်ချောက် သီးနှံအဖြစ်နေကြာနှင့် ကြက်ဆူ မျိုးနွယ် အပင်များ အခင်းဝန်းကျင်တွင် စိုက်ပေးပါ။ မြေပဲစိုက်ပြီး (၁၅-၂၀)ရက် အတွင်း စိုက်ခင်းပေါင်းရှင်းနေစေရန် ဂရုစိုက်ပါ။ ဥ အစု အဝေးများပေါက်ကာစ အကောင်ငယ် အစုအဝေးများကို ရှာဖွေ ဖျက်စီးပါ။ စိုက်ခင်း တခုမှ တခုသို ပိုးကူးစက်မှု့ကို တားဆီးနိုင်ရန် အခင်း ပတ်လည်တွင် တပေနီးပါး အနက်ရှိသော ပတ်မြောင်းငယ်များ တူးပေးပါ။ ရာသီ အလယ်တွင်မြေပဲပင်များရေငတ်မှု့ မဖြစ်စေ ရန်ရေတစ်ကြိမ်သွင်းပေးနိုင်လျှင် ပိုကောင်း ပါသည်။ ဖွဲနုနှင့် ကာဘရိုင်းဆေးကိုရောနယ်ပြီး အလုံးလုံးကာ အစာအဆိပ် ချနိုင်သည်။ သုံးပေပတ်လည်တွင် ဥအစုအဝေး(၂)ခုနှစ်ခုနှုံးတွေ့ပါကဆေးဖြန်းရန်လိုအပ်ပါသည်။ ပိုးများကို ဓာတုဆေးဖြင့် နှိမ်နင်းရန်အောက်ဖော်ပြပါ ပရိုဖီနိုဖေါ့/ကလိုပိုင်ရီဖေါ့/ဒိုင်ကလိုဗော့/ထွိုင်ဇိုဖေါ့/အင်ဒိုဇာကပ်/ကာဘရိုင်း စသောဆေးများ သုံးနိုင်ပါသည်။