နံစုပ်ပိုးကိုဘာဆေးသုံးရမလဲ

ကာကွယ်နှိမ်နင်းနည်း သီးနှံပလပ်ကာလအတောအတွင်း စပါးနှံစုပ်ပိုး မျိုးပွားမှုကို ကာကွယ်ဖို့ စပါးခင်းထဲနဲ့ ပတ်လည် ဧရိယာက ပေါင်းပင်များကို ဖယ်ရှားပါ။ မြေသြဇာနဲ့ ရေကို ညီမျှစွာကျွေးပါ။ စပါးစိုက်ချိန်ညီခြင်းဟာလည်း ဒီဖျက်ပိုးပြဿနာကို လျော့နည်းစေပါတယ်။ မနက်ခင်းအစောပိုင်း ဒါမှမဟုတ် ညနေနှောင်းပိုင်းမှာ စပါးနှံစုပ်ပိုးကို ပိုက်ကွန်နဲ့ ဖမ်းတာဟာ လုပ်အားကုန်ပေမဲ့ စပါးနှံစုပ်ပိုးအရေအတွက်နည်းနေတဲ့အချိန်မှာ ထိရောက်နိုင်ပါတယ်။ ဇီဝထိန်းချုပ်ပိုးမွှားတွေဖြစ်ကြတဲ့ နဂျီအချို့၊ နှံကောင်တွေနဲ့ ပင့်ကူတွေဟာ စပါးနှံစုပ်ပိုးရဲ့ အရွယ်ရောက်ကောင်တွေနဲ့ဥတွေကို စားကြပါတယ်။ ပိုးသတ်ဆေးကို မဆင်မခြင်သုံးစွဲရင် ဒီဖျက်ပိုး အများကြီး ဖြစ်လာတတ်ပါတယ်။ အပြည့်အစုံကို ဆရာကြီး ဒေါက်တာကိုကိုရေးသားထားတဲ့ စပါးနှံစုပ်ပိုးကို ဘယ်လိုကာကွယ်နှိမ်နင်းမလဲ ဒီဆောင်းပါးမှာဆက်လက်လေ့လာကြည့်ပါရှင့်။ ဓာတုဆေးအသုံးပြုသင့်တဲ့အချိန် စတဲ့အကြောင်းအရာတွေလည်းပါပါတယ်။