ချဥ်ပေါင်ပင်မှာ အဲ့လိုပိုးကောင်တွေတွေ့လို့ ဘာပိုးကောင်လဲရှင့် သိသူများဖြေပေးကြပါရှင့် ဘယ်လိုဖြေရှင်းရမလဲရှင့်

ကာကွယ်နှိမ်နင်းနည်းများ • အကောင်းဆုံး ကာကွယ်နှိမ်နင်းနည်းမှာ ကြိုတင်ကာကွယ်နှိမ်နင်းနည်းဖြစ်ပါသည်။ • အားနည်းသော အပင်များသည် ကျန်းမာသန်စွမ်းသော အပင်များထက် မီလီဂျပိုး ကျရောက်မှုဒဏ်ကို ပိုမိုခံရဖွယ်ရှိသောကြောင့် အပင်များကို ကျန်းမာသန်စွမ်းအောင် ပြုလုပ်ပေးထားရပါမည်။ • သို့သော်လည်း ရေများအလွန်အကျွံပေးခြင်း၊ နိုက်ထရိုဂျင်မြေသြဇာများ အလွန်အကျွံ ပေးခြင်းကိုလည်း ရှောင်ရှားရပါမည်။ • အပင်များပေါ်တွင် မီလီဂျပိုးများကျရောက်နေသည်ကို စတွေ့လျှင် ကျရောက်နေသော အကိုင်းများကို ဖယ်ရှာပြီး မီးရှို့ဖျက်စီးပစ်ရပါမည်။ • စိုက်ခင်းအနီးပတ်ဝန်းကျင်တွင် မြက်ခြောက်၊ အမှိုက်ခြောက်၊ သစ်ကိုင်းခြောက် များကို လေတင်ဘက်က မီးရှို့၍ မီးခိုးမှိုင်းတိုက်ပေးနိုင်ပါသည်။ • ဘော်ဒိုဆေးရည်ကို အသီး၊ အပွင့်မရှိချိန် ကိုင်းများတစ်လျှောက် သုတ်လိမ်း၍ ကာကွယ် နိုင်ပါသည်။ စိုက်ခင်းနေရာအနှံ့ ထုံးမှုန့်များ ဖြူးထားပေးပါ။ • တမာပိုးသတ်ဆေးများကို အကောင်များစတွေ့တွေ့ချင်းဖျန်းပေးနိုင်ပါသည်။ ဓာတုပိုး သတ်ဆေးများကို လိုအပ်မှသာ အသုံးပြုပေးသင့်ပါသည်။ အဆင်ပြေပါစေ။