ဒက်ပိုး အကြေးပိုးဘယ်လိုနှိမ်နှင်းရမလဲ

♥ အကြေးပိုး (Cottony cushion scale: Icerya ~ရေ (၁ဝ) လီတာတွင် ဆီ(၅ဝ-၁ဝဝ) မီလီလီတာ ထည့်ကာ ဝါချည်မျှင်ရောင်ရှိအကြေးပိုး ကျရောက်နေသော အပင်များကို နှံ့နှံ့စပ်စပ်ဖြင့် ပက်ဖြန်းပါ။ ~ ငရုတ်သီးမှည့် (၆ဝ) ဂရမ်ကို နုတ်နုတ်စင်းကာ တောအရက် (၄) လီတာတွင် ဖျော်စပ်ကာ (၁၄)ရက်ကြာထားပါ။ ထို့နောက်ပိတ်စိမ်းပါးဖြင့် စစ် ချညှစ်ယူပြီး ရရှိလာသော စစ်ကျရည် (၆၅) မီလီလီတာကို ရေ (၅) ဂါလံတွင် ဖျော်စပ်၍ ပက်ဖျန်းပါ။ ~ တမာသီးအမှည့် (၂) ကီလိုဂရမ်ကို ရေအနည်းငယ်ထည့်၍ အသီးအားလုံးကို ထုထောင်းချေမွပါ။ (သစ်သီးဖျော်စပ်ကိုအသုံးပြုနိုင်သည်)။ ရရှိလာသော တမာသီးဖျော်ရည်ကို တစ်ညသိပ်ထား ပါ။ ထို့နောက် ရေ (၁၅) လီတာနှင့် ရောသမမွှေ၍ ပိတ်စိမ်းပါးဖြင့် စစ်ချညှစ်ယူပါ။ ရရှိလာသော စစ်ကျရည်ကို အပတ်စဉ် ပက်ဖျန်းပေးပါ။ ~ တမာစေ့ဆီ ထမင်းစားဇွန်း (၅) ဇွန်းကို ရေတစ်လီတာတွင် ဖျော်၍ ဆပ်ပြာရည် လက်ဖက်ရည်ဇွန်း (၁) ဇွန်းထည့်ကာ သမအောင်မွှေပြီးနောက် ပက်ဖျန်းပါ။ ~ ကင်မွန်းစေ့ (၁) ကီလိုဂရမ်ကို န့်ညက်အောင်ထုထောင်းပါ။ ရရှိလာသော အမှုန့်များကို ရေတစ်ဂါလံတွင် ထည့်၍ ရောမွှေသမပေးပါ။ ထို့နောက် ပိတ်စိမ်းပါးဖြင့် စစ်ချညှစ်ယူပါ။ ရရှိလာသော စစ်ကျရည်များကို ရေ (၂၅) ဂါလံဖြင့် ဖျော်စပ်ပါ။ တမာစေ့ဆီ (၂) ပုလင်းကိုလည်း ရောမွှေ၍ တစ်ပင်လုံးကိုသာမက ပင်ခြေရင်းမြေကြီးကိုလည်း ပက် ဖျန်းပါ။ ~ လက်ဖက်ဆီဖြင့်ပြုလုပ်ထားသော ဆပ်ပြာတစ်ဆလျှင် ရေအဆ (၁ဝဝ) ရောစပ်သမကာ ပက်ဖျန်းပေးပါ။ ~လက်ဖက်ဆွေးမြေဩဇာ၊ တင်လဲနှင့် သံပုရာဆီကို ရောနှောသုံးပါ။ ♥ ပိုးသတ်ဆေး သုံးစွဲလိုပါက ဒိုင်မီသိုအိတ် (Dimethoate) လန်ဘ်ဒါဆိုင်ဟာလိုသရင် (Lambda-cyhalothrin) တို့အား အသုံးပြုနိူင်ပါတယ်။