နွားများရဲ့စာမြုံပြန်ချိန်အကြောင်းကိုအသေးစိတ်ပြောပြပေးပါခမျ

ကျေးဇူးတင်ပါတယ်ခမျ

ဟုတ်ကဲ့

အစာရော ရေရောအမြဲရနေရင် နွားက သူ့အတိုင်းအတာနဲ့သူ စားလိုက် စားမြုံပြန်လိုက် စားလိုက် စားမြုံ့ပြန်လိုက်နဲ့ အစာအိမ်ကလည်း ကောင်းစွာအလုပ်လုပ်နေမှာပါ။

နွားတွေဟာ တစ်နေ့ကို အစာလုံးကိုပြန်ဝါးပြီးစားမြုံပြန်ချိန်ဟာ ၈ နာရီခန့်ရှိပါတယ်။ နွားတွေက အမျှင်ဓာတ်ပါတဲ့ မြက် ကောက်ရိုး ပြောင်း တို့ကို စားမြုံ့ထပ်ခါထပ်ခါပြန်ပြီးချေဖျက်ပြီး အစာမှာပါတဲ့အာဟာရကိုရယူတာပါ။ ဒါကြောင့် ကျွေးတဲ့အစာ အာဟာရနည်းတဲ့ အမျှင်များလွန်း ရင့်လွန်း အစာကြမ်းတွေဖြစ်နေမယ်ဆို ချေဖျက်ရချိန်ကြာပြီး အစာအိမ်ထဲအကြာကြီးနေရာယူထားမယ်။ ရလာတဲ့အာဟာရလည်းနည်းမယ်။ ဒါကြောင့် ချေဖျက်ရလွယ်ပြီး အာဟာရပြည့်ဝတဲ့ အစာကြမ်း (သင့်တင့်တဲ့အရွယ်မှာ ရိတ်ထားတဲ့အာဟာရလည်းကြွယ်ဝတဲ့ မြက်, ပြောင်း စသည်) တို့ကို ကျွေးမယ်ဆို အစာပမာဏလည်းပိုစားနိုင်လာပါမယ်။ နွားတွေဟာ တနေ့ကိြ ရေ ၇၀- ၁၀၀လီတာခန့် သောက်နိုင်တာမို့ ရေအမြဲရနိုင်အောင်ထားပေးရပါမယ်။ ရေပိုသောက်ရတဲ့နွားက ပိုစားနိုင်ပါတယ်။

နွားတွေဟာ သူတို့ရဲ့သဘာဝအရကို ပြန်လည်တိုက်ခိုက်တတ်တဲ့အကောင်မျိုးမဟုတ်ဘဲ အန္တရာယ်ကနေပြေးရှောင်တတ်တဲ့သဘောရှိပါတယ်။ ဒါကြောင့် လွတ်ကျောင်းတဲ့အခါ သူတို့စားနိုင်သလောက် စားနေကြပါတယ်။ စားကျက်ကနေ ပြေးစရာအကြောင်းမလာခင် စားနိုင်သလောက်စားနေတဲ့သဘောပေါ့။ စားပြီးလို့ ဗိုက်ထဲအစာတွေသယ်လာပြီး အေးဆေးဖြစ်ပြီဆို အနားယူပြီး စားမြုံပြန်နေပါတယ်။ ဒါက သူတို့သဘာဝကိုပြောပြတာပါ။

စားမြုံပြန်ဝါးပြီးသားအစာကို ပြန်မျိုးချပြီး အစာအိမ်ထဲမှာ အဆင့်ဆင့်ပြန်လည်ချေဖျက်ပါတယ်။ စားမြုံပြန်သတ္တဝါတွေ (နွား, ကျွဲ, သိုး, ဆိတ်) စားတဲ့ အစာတွေဟာ သဘာဝအရကို တခြားတိရစ္ဆာန်စားတဲ့ အစာတွေထက် ချေဖျက်ရခက်ပြီး သူတို့ရဲ့အစာမှာပါတဲ့ အာဟာရတွေကိုရနိုင်ဖို့ပိုအားထုတ်ရပါတယ်။ ဒါကြောင့် စားမြုံပြန်ကြရပါတယ်။

နွားတွေဟာ အစာကိုကိုက်ပြီး အစာစိုစွတ်မှုရအောင်လောက်သာဝါးပြီး မြိုချပါတယ်။ မြိုချပြီးနောက် အစာအိမ်ထဲတွင် အစာချေဖျက်သည့် အက်စစ်ဓာတ်အရည်များနဲ့ အစာကိုအနည်းငယ် နူးသွားအောင်လုပ်ပါတယ်။ နူးညံ့သွားတဲ့အစာလုံးကို ပြန်ထုတ်ပြီး စားမြုံပြန်ဝါးပါတယ်။ ပြန်ဝါးတဲ့အတွက် အစာက မူလကထက် သေးတဲ့အစိတ်အပိုင်းတွေဖြစ်စေပြီး ပိုမိုချေဖျက်ရလွယ်စေပါတယ်။ ဒါ့ပြင် တံတွေးမှာလည်း အစာချေဖျက်မှုကို အားပေးတဲ့အရာတွေပါပါတယ်။