ဘာရောဂါဖစ်တာလဲသိချင်ပါတယ်ဆရာဘယ်လိုကုသမှာလဲဖြေပေးပါအုံးဗျ သုံးစွဲထားသောဆေးဓါတ်ပုံရိုက်ပြထားပါတယ်ဗျ

ဗိုင်းရပ်ရောဂါ ဝင်နေတာလို့ယူဆပါတယ်။ကုသဖို့တော့ခက်ပါလိမ့်မယ်။ မျိုးပြောင်းပြီး ပျိုးပင် ရံထားစေချင်ပါတယ်။

ပုံပါသင်္ဘောရွက်သည် ရွက်ကြောများ စိမ်းနေပြီး အကြောကြားများ ဝါဖျော့နေသည့်အတွက် မဂ္ဂနီစီယမ် အာဟာရဓာတ် ချို့တဲ့ခြင်း (Magnesium Deficiency) သို့မဟုတ် ဗိုင်းရပ်စ်ကြောင့် ဖြစ်သော သင်္ဘောကွင်းပြောက်ရောဂါ (PRSV) ဖြစ်နိုင်ခြေ အများဆုံးရှိနေပါတယ်။ အကယ်၍ အာဟာရချို့တဲ့ခြင်းဖြစ်ပါက Magnesium (Mg)ပါသောရွက်ဖျန်းအားဆေးဖျန်းပေးခြင်းဖြင့် ကုသနိုင်သော်လည်း၊ ဗိုင်းရပ်စ်ရောဂါဖြစ်ပါက သယ်ဆောင်လာသည့် ပျပိုးများကို ပိုးသတ်ဆေးဖြင့် နှိမ်နင်းရပါမယ်။ ဤလက္ခဏာသည် အောက်ရွက်ဟောင်းများ သို့မဟုတ် အထက်ရွက်နုများတွင် ဖြစ်ပွားခြင်း ရှိ၊ မရှိပေါ် မူတည်၍ ရောဂါကို တိကျစွာ ခွဲခြားနိုင်ပါတယ်။ပုံပါမြင်ရသလောက်တော့လက္ခဏာသည် အရွက်ဟောင်းများတွင် စတင်ဖြစ်ပွားခြင်းကြောင့် မဂ္ဂနီစီယမ်ဓာတ် လုံးဝချို့တဲ့နေကြောင်း အတည်ပြုနိုင်မယ်ထင်ပါတယ်။ ဤပြဿနာကို ဖြေရှင်းရန် အမြန်ဆုံးနည်းလမ်းမှာ မဂ္ဂနီစီယမ်ပါသောရွက်ဖျန်းအားဆေးကို အရွက်များပေါ်သို့ တိုက်ရိုက်ဖျန်းပေးခြင်း ဖြစ်ပါတယ်။ ထို့ပြင် စိုက်ပျိုးမြေ အက်ဆစ်ဓာတ်လွန်ကဲ မြေချဉ်နေပါကလည်း ဤဓာတ်ကို မစုပ်ယူနိုင်ဘဲ ဖြစ်တတ်သဖြင့် မြေဆီလွှာထဲသို့ ထုံး (Dolomite Lime) ထည့်သွင်းပေးခြင်းဖြင့် ရေရှည်အတွက် ပြုပြင်နိုင်ပါတယ်ခင်ဗျာ။