ခရမ်းချဥ်ပင်တွေ ညိုးကျလာလို့ပါရှင် ပင်စည်ဖြတ်ကြည့်တော့လည်း အကောင်းပါပဲ အမြစ်လည်းအဆင်ပြေတယ် ဘာဖြစ်လို့လဲရှင်...

Question

ခရမ်းချဥ်ပင်တွေ ညိုးကျလာလို့ပါရှင် ပင်စည်ဖြတ်ကြည့်တော့လည်း အကောင်းပါပဲ အမြစ်လည်းအဆင်ပြေတယ် ဘာဖြစ်လို့လဲရှင် တစ်ပင်စ နှစ်ပင်စကနေ အခုတော်တော်လေး ညိုးလိုက်လာလို့ပါ ​ဖြေပေးကြပါဦးရှင် ဆရာတို့

သော်ဇင် · Answer

ခရမ်းချဉ်ပင် ရုတ်တရက် ညှိုးကျရခြင်းမှာ Bacterial Wilt (ဘက်တီးရီးယားညှိုးရောဂါ) ဖြစ်နိုင်ခြေအများဆုံးပါ၊ ပင်စည်ကိုဖန်ခွက်ထဲထည့်ကြည့်ပြီးလို့ ဘက်တီးရီးယားစိမ့်ထွက်ရည် ထွက်မထွက်ကို ပြန်လည်ပြောထားပေးပါဦး။ ဘက်တီးရီးယားကြောင့် မဟုတ်ပါက ရောဂါပိုးကြောင့်မဟုတ်သော Physiological disorders (ရုပ်ကမ္မဆိုင်ရာ ချို့ယွင်းချက်များ) ကြောင့် ဖြစ်နိုင်ခြေ လည်းရှိပါ သေးတယ်။ အထူးသဖြင့် မြေဆီလွှာ ကျစ်လစ်လွန်းခြင်း သို့မဟုတ် မိုးအဆက်မပြတ်ရွာပြီး ရေဆင်းမကောင်းဘဲ ရေဝပ်ခြင်းကြောင့် အမြစ်များ အောက်ဆီဂျင်ပြတ်လပ်ကာ ဆွေးမြည့်ခြင်း ၊ ပင်ခြေကို ဓာတ်မြေဩဇာ အလွန်အကျွံ ကျွေးမိခြင်း နှင့် အပင်ကို ပြင်းထန်စွာ ရေငတ်ထားပြီးမှ ရေရုတ်တရက် တစ်ဝကြီး သွင်းလိုက်ခြင်း တို့ကြောင့် အမြစ်စနစ်များ ပျက်စီးကာ အပင် ညှိုးသေသွားတတ်ခြင်း ဖြစ်နိုင်သေးလို့ပါ။ ပင်စည်ရေစိမ် Testလုပ်ပြီး ရလဒ်ကိုပြန်ပြောပေးပါဦး

Thein Soe Min · Answer

ဟုတ် ဘက်တီးရီယားကြောင့် ညှိုးကျသွားတဲ့အပင်ကတော့ ကုလို့မရတော့ပါဘူး။ ညှိုးနေတဲ့အပင်အားလုံးကို နှုတ်ပြီး မီးရှို့ပစ်ပါ။ ရောဂါရအပင်ရဲ့ ဘေးပတ်လည်မှာရှိတဲ့ အပင်ကောင်းတွေကို ကူးစက်မှုဒဏ်ကနေ သက်သာစေဖို့အတွက် Bacillus subtilis သို့မဟုတ် Trichoderma ကဲ့သို့သော အကျိုးပြုဇီဝပိုး အမှုန့်များကို ဖျန်းပေးခြင်း သို့မဟုတ် Copper oxychloride ကဲ့သို့သော ဘက်တီးရီးယားပိုးသတ်ဆေးဖြင့် ပင်ခြေမြေကြီးထဲသို့ ဆေးရည်လောင်းပေးပါ။

Hnin Yi Aung · Answer

ဟုတ်ကဲ့ပါဆရာ အဲ့လိုဖြစ်ရင် ကုမရတော့ဘူးဆိုတာရော ဟုတ်လားရှင်

Thein Soe Min · Answer

ပင်စည်ကို ဖြတ်ပြီး ဖန်ခွက်အကြည်လေးထဲမှာ ရေထည့်ပြီး ထည့်ကြည့်လိုက်ပါ။ အဖြူရောင်အမျှင်လေးတွေ ဆင်းကျနေရင် ဘက်တီးရီးယား ပင်ညှိုးဖြစ်နေတာပါ။ ခရမ်းချဉ် ပင်ညိုးရောဂါ

ဖြေကြားချက် ၄ ခု