ငမြောင်တောင်ဆေးဖျန်းမလို့ပါ မနက်စောစောဖျန်းသင့်လားညနေစောင်းဖျန်းသင့်လားဗျ ညနေပိုင်းကမိုးမိမှာဆိုးလို့ မနက်အစောပိုင်းဖျန်းလို့ရပါသလား

@ဦးစောမောင်ဌေး ငမြှောင်တောင်ပိုး သည် ညဘက်တွင်မှ ထွက်၍ ကိုက်စားတတ်သောအလေ့အထရှိသဖြင့် ဆေးဖျန်းရန် ညနေစောင်းအချိန် (ညနေ ၄ နာရီနောက်ပိုင်း) သည် အထိရောက်ဆုံးနှင့် အကောင်းဆုံးအချိန် ဖြစ်ပါတယ်။ သို့သော် ညနေပိုင်းတွင် မိုးရွာရန် သေချာနေပါက မနက်စောစော နှင်းရည်စင်ချိန်တွင်လည်း ဖျန်းနိုင်ပြီး မိုးရေနှင့် ဆေးမျောပါမသွားစေရန် ဆေးစွဲကပ်ပျံ့နှံ့ဆေး ကို မဖြစ်မနေ ထည့်စပ်ဖျန်းပေးရပါမယ်။စိုက်ပျိုးရေးလမ်းညွှန်ချက်များနှင့် တောင်သူအများစုကတော့ ပိုးများကို ထိရောက်စွာနှိမ်နင်းနိုင်ရန် အပင်ခြေအထိ ဆေးသားနှံ့စပ်အောင်ဖျန်းပေးရမည်ဖြစ်ပြီး အီမာမက်တင်ဘင်ဇိုအိတ် (Emamectin benzoate) သို့မဟုတ် ကလိုရန်ထရန်နီလီပရိုး (Chlorantraniliprole) ကဲ့သို့သော ထိရောက်သည့်ဆေးများကို ဆေးယဉ်ပါးမှုမရှိစေရန် အုပ်စုလဲလှယ်၍ အလှည့်ကျ သုံးစွဲပေးလေ့ရှိတယ်။အကယ်၍မိုးရွာရန်မ သေချာဘူးဆိုရင်တော့ ဆေးစွဲကပ်ပျံ့နှံ့ဆေးထည့်ပြီး ညနေခင်းဖျန်းတာပိုထိရောက်ပါတယ်။ ရာသီဥတုဆိုတော့ တောင်သူဦးကြီးတို့ကိုယ်တိုင် ချင့်ချိန်စဉ်းစားပြီးမှ ဆောင်ရွက်ပါဗျ၊ အစိမ်းရောင်လမ်းမှာ မိုးလေဝသခန့်မှန်းချက်လည်းကြည့်ပြီး စဉ်းစားကြည့်ပါဗျ၊ နေရာဒေသမတူတော့ ရာသီဉတုကို ခန့်မှန်းဖို့ကျ မလွယ်လို့ပါဗျ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ