မိုခါမတ်ပဲမျိုးကို၁ဧကကိုဘယ်နှုန်းလောက်ကြဲသင့်ပါသလဲ လယ်မြေအမျိုးအစားပါ

@ဦးမြတ်သူ မတ်ပဲမျိုး (မိုခါမျိုး) အတွက် အသုံးပြုရမည့် တစ်ဧက မျိုးစေ့နှုန်းထားမှာ စိုက်ပျိုးသည့် စနစ်ပေါ်မူတည်၍ ကွာခြားပါတယ်။ လယ်မြေတွင် မြေပြင်ကြဲစနစ် (ကြဲခင်း) ဖြင့် စိုက်ပျိုးမည်ဆိုပါက တစ်ဧကလျှင် ၁၀ ပြည် မှ ၁၂ ပြည် (မြေအစိုဓာတ် နည်းပါက ၁ တင်းအထိ) သုံးစွဲရမှာဖြစ်ပြီး၊ အတန်းလိုက်စိုက်စနစ် (စိုက်ခင်း) ဖြင့် စိုက်ပျိုးမည်ဆိုပါက တစ်ဧကလျှင် ၆ ပြည် မှ ၈ ပြည် အသုံးပြုရန် လိုအပ်ပါတယ်။ စပါးရိတ်သိမ်းပြီးနောက် မြေတွင်းအစိုဓာတ် ရှိနေစဉ် နိုဝင်ဘာလမှ ဒီဇင်ဘာလလယ်အတွင်း အပြီးစိုက်ပျိုးရန် အကောင်းဆုံးဖြစ်ပြီး၊ လယ်မြေစေးများတွင် အပင်ပေါက်နှုန်းကောင်းစေရန် အပင်ပေါက် (၈၀)% အထက်ရှိသော မျိုးစေ့ကို ရွေးချယ်စိုက်ပျိုးသင့်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ