ဘူးသီးတွေအတွင်းမာ ပုပ်ကုန်ပြီး အဲ့လိုအရည်တွေထွက်ပုပ်ကုန်တာ ဘာကြောင့်လဲဗျ ပိုးဆိုရင်လည်းဘာပိုးလဲရယ် ဘယ်လိုနှိမ်နှင်းရမလဲ ဘယ်လိုကာကွယ်ရမလဲ အကြံပေးပါဦး

@min ဘူးသီးအတွင်းသားများ ပွပွကြီးဖြစ်ပြီး ပုပ်ကာ အရည်များထွက်လာရခြင်းမှာ သီးထိုးယင် (Gourd fruit fly) အမများက ဘူးသီးကင်းလေးများထဲသို့ ဥများအုထည့်ပြီး၊ ၎င်းမှပေါက်လာသော လောက်ကောင်များက အတွင်းသားကို ကိုက်စားဖျက်ဆီးခြင်းကြောင့် ဖြစ်ပါတယ်။ ဤပြဿနာကို နှိမ်နင်းရန်အတွက် လတ်တလောတွင် ပုပ်နေသော အသီးများကို ကောက်ယူ၍ မြေမြှုပ် သို့မဟုတ် မီးရှို့ဖျက်ဆီးပစ်ရန် အရေးကြီးဆုံးဖြစ်ပါတယ်။ ထို့ပြင်စိုက်ပျိုးရေးလမ်းညွှန်ချက်များနှင့် တောင်သူအများစုကတော့ ဘူးသီးကင်းလေးများကို အိတ်စွပ်ပေးခြင်း၊ အဆီတာမီပရစ် (Acetamiprid) သို့မဟုတ် ဆိုက်ပါမီသရင် (Cypermethrin)၊ လန်ဒါဆိုက်ဟေလိုသရင် (Lambda-cyhalothrin)၊ စပီနိုဆတ် (Spinosad) ကဲ့သို့သော ပိုးသတ်ဆေးများကို အရွက်အောက်မျက်နှာပြင်များမိအောင် စနစ်တကျ ပက်ဖြန်းပေးခြင်းဖြင့် ထိရောက်စွာ ကာကွယ်နှိမ်နင်း သုံးစွဲလေ့ရှိတယ်။သီးထိုးယင်များသည် နေ့ခင်းဘက်တွင် ပေါင်းမြက်များ၊ အရွက်အောက်ဘက်များတွင် ခိုအောင်းလေ့ရှိသဖြင့် စိုက်ခင်းကို အမြဲသန့်ရှင်းနေအောင် ထားရပါမယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ