စိုက်ပျိုးမြေကို မြေဩဇာထည့်ခိုင်းရင် 15ပတ်လည်ပဲ ထည့်ခိုင်းလို့ပါ 15ပတ်လည်အစား သဘာဝမြေဩဇာ သုံးရင် အဆင်ပြေနိုင်လားရှင့် သဘာဝအမြေဩဇာဆို ကိုယ်တိုင်လုပ်ပြီးသားအဆင်သင့်မရှိရင် ဘယ်အမျိုးအစား ဘယ်မှာဝယ်လို့ရနိုင်လဲရှင့် ကူညီပေးကြပါဦး

super bokashi သည် ဆောင်းရာသီဆိုလျှင် ပြုလုပ်ပီး ၁၅ ရက် ကြာတွင် အသုံးပြုနိုင်ပြီး နွေရာသီ တွင် ၇ ရက်ကြာပီးနောက် အသုံးပြုနိုင်ပါသည်။ အသေးစိတ်ကို ဒီဆောင်းပါးမှာ လေ့လာနိုင်ပါတယ်။စူပါဘိုကာရှီ(super bokashi)

၁၅ ပတ်လည်ဆိုတာ အပင်အတွက် အဓိက အာဟာရ ၃ မျိုးလုံးပါနေတဲ့ မြေသြဇာပါ။ သဘာဝမြေသြဇာဆို စူပါဘိုကာရှီလို မြေသြဇာတွေသုံးလို့ရပါတယ်။လုပ်ပြီးသာအသင့်မရှိရင် သစ်စိမ်းမြေသြဇာမျိုးတွေထည့်လို့ရပါတယ်၊သစ်စိမ်းမြေသြဇာဆိုတာကတော့ သီးနှံတစ်ခုစိုက်ပြီးတဲ့အချိန် နောက်တစ်သီးမစိုက်ခင်မှာ မျိုးစေ့တွေကြဲထားလိုက်ပြိး အပွင့်စလိုက်ပြီဆိုရင် ထယ်မှောက်လိုက်တာမျိုးပါ။ အပင်တွေကို မြေသြဇာပြန်လုပ်လိုက်တာမျိုးပေါ့။ အပင်တစ်ပင်လုံး ပြန်ထည့်လိုက်တဲ့အတွက် အာဟာရမျိုးစုံပြန်ရနိုင်ပါတယ်။အစ်မတို့ဒေသမှာ ပေါပေါများများရတဲ့မျိုးစေ့မျိုးသုံးနိုင်ပါတယ်။ပဲမျိုးရင်းဝင်ထဲကဆိုပိုအဆင်ပြေပါတယ်ရှင့်။ စိုက်ပျိုးမြေကို ပြုပြင်တဲ့နေရာမှာ စိတ်ရှည် ဇွဲရှိဖို့တော့ လိုမယ်ရှင့် ။ အောင်မြင်ဖြစ်ထွန်းတဲ့ စိုက်ပျိုးမြေတွေဖြစ်လာပါစေရှင်။