စူပါဘိုကာရှီ(super bokashi)

Super bokashi ဆိုသည်မှာ ဓာတုမြေသြဇာနေရာတွင် အကျိုးရှိရှိ ကောင်းစွာအစားထိုးအသုံးပြုနိုင် သော မြေဆွေးမြေသြဇာတစ်မျိုးဖြစ်သည်။ လယ်ယာမြေများတွင်ရှိသော မြေဆီလွှာတည်ဆောက်ပုံနှင့် မြေဆီလွှာအနေထားများကိုလည်း ပို၍ကောင်းမွန်စေသည်။ ကုန်ကျစရိတ်သက်သက်သာသာဖြင့် ပြု လုပ်နိုင်ပြီး နှစ်ပတ်အကြာတွင် စတင်အသုံးပြုနိင်ပါသည်။ မိုးနှောင်းကာလတွင် တစ်ဧအတွက် ရိုးရိုး ဓာတုမြေသြဇာ ၅၀ရာခိုင်နှုန်းနှင့် ဘိုကာရှီမြေသြဇာ ရောနှောအသုံးပြုခြင်းအားဖြင့် အထွက်ရာခိုင်နှုန်း ကို ၁၅ရာခိုင်နှုန်းထိ တိုးတက်စေနိုင်ပါသည်။

ဘိုကာရှီသည် ဂျပန်ဘာသာစကားအရ ဆွေးမြည့်နေသော အော်ဂဲနစ်ပစ္စည်းများဟု အဓိပ္ပာယ်ရပါသည်။ super bokashi ဆိုသည်မှာ မူလအဏုဇီဝပျော်ရည် (IEM) နှင့် ဘိုကာရှီပေါင်း၍ အဆင့်မြှင့်ထားခြင်း ဖြစ်သည်။

Super bokashi ၏အကျိုးကျေးဇူးများ

- မြေဆီလွှာအတွင်းရှိ အဟာရဓာတ်များ တဖြည်းဖြည်းတိုးတက်စေသည်။

- မိုးသည်းထန်စွာရွာသွန်းခြင်းကြောင့် ဖြစ်စေတတ်သော အဟာရဆုံးရှုံးမှုကို ထိန်းသိမ်းပေးသည်။

- ကောင်းမွန်၍ အရည်အသွေးပြည့်မှီသော သာဝမြေသြဇာ ရရှိစေသည်။

- ဓာတုမြေသြဇာအသုံးပြုမှုကို လျော့ချပေးနိုင်ပါသည်။

- စားသုံးမှုအရည်အသွေးကို တိုးတက်စေသည်။

- သဘာဝပတ်ဝန်းကျင်နှင့် လူသားတို့၏ကျန်းမာရေးအတွက် လုံခြုံမှုရှိစေသည်။

- မြေဆီလွှာတည်ဆောက်ပုံနှင့် မြေဆီလွှာအနေအထားကို ကောင်းမွန်စေသည်။

- အမြစ်ဖွံ့ဖြိုးမှုကို အားပေးသည်။

- ရောဂါကျရောက်မှုဒဏ် ခံနိုင်ရည်ရှိစေသည်။

- အထွက်နှုန်းနှင့် အစာအဟာရများကို တိုးတက်စေသည်။

အခက်အခဲများ

- ဆွေးမြည့်ခြင်းဖြစ်စဉ်ကို ကောင်းစွာနားလည်ရန် လိုအပ်သည်။

- တိရစ္ဆာန်စွန့်ပစ်ပစ္စည်းများနှင့် လတ်ဆတ်သောကုန်ကြမ်းပစ္စည်းများ ရနိုင်ရန်ခက်ခဲသည်။

Super bokashi ဘယ်လိုပြုလုပ်နိုင်မလဲ

အောက်ပါ ကုန်ကြမ်းပစ္စည်းများအား စုဆောင်းပါ။

အုပ်စု-(၁)

- EM အပြင်း တစ်ဆ

- သကာရည် (သို့) တင်လဲရည် တစ်ဆ

- ရေ ၉၈ ဆ

အုပ်စု-(၂)

- ဖွဲနု တစ်ဆ

- နွားချေး(သို့) ကြက်ချေး (သို့) ဝက်ချေး ၂ဆ

- စပါးခွံ (သို့) လွှစာမှုန့် (သို့) အုန်းဆံမှုန့် ၂ဆ

ပြုလုပ်ပုံအဆင့်ဆင့်

- မူလEM ပျော်ရည်နှင့် အုပ်စု ၁ တွင်ပါဝင်သော ပစ္စည်းများအားပြင်ဆင်ပါ။

- ကြမ်းပြင်ပေါ်တွင် အခင်းတစ်တစ်ခုခင်း၍ အုပ်စု ၂ တွင်ပါဝင်သော ပစ္စည်းများအား ရောမွှေပါ။

- အခင်းပေါ်တွင် ပြုလုပ်ထားသောအရောအနှောများပေါ်သို့ မူလEM အဏုဇီဝပျော်ရည် လောင်းထည့် ပါ။

- ပါဝင်ပစ္စည်းများကို နှံစပ်သွားအောင် ရောမွှေပေးရန် လိုအပ်သည်။

- မြေကြီးကိုလုံး၍ မြေအစိုဓာတ်အား စစ်ဆေးပေးရမည်။ မြေလုံးကွဲထွက်မသွားသော မြေကြီးအစို ဓာတ် (၃၅ - ၄၀ ရာခိုင်နှုန်း) ရှိချိန်သည် ကောင်းမွန်သော အနေအထားဖြစ်သည်။

- မြေလုံးကွဲထွက်နေသေးပါက EM ထပ်လောင်း၍ ပြန်ပြင်ပေးရမည်။

- ထို့နောက်super bokashi ပြုလုပ်ပုံအဆင့်ဆင့် ပြီးမြောက်ပီဖြစ်သည်။

- ၎င်းတို့ကို လေလုံအိတ်( သို့မဟုတ်) PPC အိတ်ထဲသို့ထည့်၍ အရိပ်အောက်တွင် ထားပေးရမည်။

- လေးရက်မြောက်အတွင်း အိတ်ထဲသို့လက်ထည့်၍ အပူချိန် စစ်ဆေးပေးရမည်။ အိတ်အတွင်း လက် ထည့်ကြည့်ချိန် ပူလွန်းနေပါက ၁၀ မိနစ်ခန့် အိတ်ကိုပြန်ဖွင့်ထားပေးရမည်။

- super bokashi သည် ဆောင်းရာသီဆိုလျှင် ပြုလုပ်ပီး ၁၅ ရက် ကြာတွင် အသုံးပြုနိုင်ပြီး နွေရာသီ တွင် ၇ ရက်ကြာပီးနောက် အသုံးပြုနိုင်ပါသည်။

- ပြုလုပ်ပီးနောက် အသုံးမပြုသေးဘူးဆိုပါက အရိပ်အောက်တွင် အခြောက်ခံထားသင့်ပါသည်။ ပြီး နောက် အိတ်အတွင်းသို့ ပြန်ထည့်ပြီး ၆လကြာ သိုလှောင်ထားနိုင်ပါသည်။

- စပါးစိုက်ခင်းအတွက် သော်လည်းကောင်း၊ ဟင်းသီးဟင်းရွက်စိုက်ခင်းအတွက် သော်လည်းကောင်း တစ်ဧကလျှင် ၁တင်းခွဲ (အိတ်၂၀) ခန့် အသုံးပြုနိုင်ပါသည်။

Min Thu Thu Ko

Source - Soil Fertility Management (Delta Technical Sheet)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...