လေ့လာဖူးသလောက်ပေါ့နော် ‌မြေဆီမြေလွှာကောင်းအောင် သဘာဝနည်းကျပြုပြင်ယူကြတဲ့အခါမှာ ကိုယ်ဖြစ်လာစေချင်တဲ့ NPK အချိုးအစားအလိုက် ရည်မှန်းတွက်ချက်ပြီးတော့ အပင်နဲ့တိရစ္ဆာန်စွန့်ပစ်ပစ္စည်းတွေ လိုအပ်သလိုထည့်ကြတယ်။ မြေဆွေးလုပ်ဖို့ပေါ့။ အဲလိုထည့်ကြတဲ့အခါ ဒီအတိုင်းချည်းမြေကြီးနဲ့တခါထဲရောမွှေထည့်ပြီး စိုက်လိုက်ကြတာလဲရှိတယ်၊ တမင်ဆွေးအောင်ပုံ‌ထားပြီး ဆွေးမှထည့်ကြတာလဲရှိတယ်။ ဆွေးဖို့အတွက်ကိုလဲ EM လိုဟာမျိုးသုံးပြီးလုပ်ကြတာလဲရှိတယ်။ ဆိုတော့ အပင်နဲ့တိရစ္ဆာန်စွန့်ပစ်ပစ္စည်းတွေက ဆွေးမြေ့သွားတဲ့အခါကျမှ သူတို့ထဲမှာရှိနေတဲ့ NPK အချိုးအစားက ‌မြေမှာပျော်ဝင်နိုင်တာလားခင်ဗျ? နောက်တစ်ခုက EM မှာပါတဲ့ အကျိုးပြုဇီဝပိုးလေးတွေက အပင်နဲ့တိရစ္ဆာန်စွန့်ပစ်ပစ္စည်းတွေကိုလျှင်မြန်‌စွာ‌ေဆွး‌မြေ့အောင်လုပ်ပေးပြီး အပင်ကစုပ်ယူစားသုံးနိုင်မယ့်အာဟာရအဖြစ်ပြောင်းပေးတယ်ဆိုတော့... တကယ်လို့သာ သဲမြေမှာလိုစိုက်ထားတဲ့အပင်ကို EM လောင်းပေးရင် ဘာမှဆွေးမြေ့အောင်လုပ်ပေးစရာမရှိတော့ စိုက်ထားတဲ့အပင်ရဲ့အမြစ်ကပဲ ဆွေးသွားမှာလားခင်ဗျ?

ဟုတ် ရှင်းသွားပြီခင်ဗျ၊ ကျေးဇူးတင်ပါတယ်

‌သဲမြေဆိုပေမယ့် အပေါယံမြေထုလွှာသည် ဆွေးမြေ့ဆဲရုပ်ကြွင်းများပေါင်းစပ်ပါဝင်နေပြီး၊အမြစ်တိုးဝင်နိုင်မှုအားကောင်းသော သဘာဝဖြစ်စဉ်ရှိပါတယ်။ရုပ်ဂုဏ်သတ္တိသဘောအရ ရေသည်လည် ရုပ်ဖြစ်တည်မှုကို အထောင်ပံ့ပြုခြင်းကြောင့် ရေနှင့်အတူတကွ ဓါတုဆွေးမြေပြိုကွဲခြင်းအလျှင်ရှိသော အီးအမ်က ဓါတုပြိုကွဲခြင်းကို အထောက်ပံ့ဖြစ်စေသည့်သဘောရှိခြင်းကြောင့် ရုပ်ဂုဏ်သတ္တိပြောင်းလွဲခြင်းဖြစ်စဉ်တွင် ဓါတ်အကူပစ္စည်းတစ်မျိုးဟုဆိုရပေမည်။မြေကြီး၏သဘာဝ၊မြေဩဇာ၏သဘာဝ၊အီးအမ်၏သဘာဝ၊ရှင်သန်ဖြစ်တည်နေတဲ့သစ်ပင်၏သဘာဝတိုသည် ‌အကြောင်းပြုပုံမတူသော်လည်း အကျိုးလားရာကတော့ ရုပ်သစ်သို့ဓါတုပြောင်းလွဲခြင်းဆင့်ကဲဖြစ်စဉ်နှင့်ရုပ်ပောာင်းတို့၏ဆွေးမြေ့ခြင်းဓါတုဆင့်ကဲဖြစ်စဉ်သည် အတူတကွ သံသရာလည်နေခြင်းအလျင်ဖြစ်စဉ်ကို အကြောင်းအကျိုးပြုခြင်းဖြစ်သည်။

မေးခွန်းကအင်မတန်ကောင်းပါတယ်။ထည့်သွင်းပေးလိုက်တဲ့အဟာရဓာတ် (အပင်/ တိရစ္ဆာန်စွန့်ပစ်ပစ္စည်း)တွေကိုအပင်က စားသုံးမှုဟာ လုပ်ငန်းအဆင့်များစွာရှိတာမို့ စာရှည်သွားမှာမို့ အသေးစိတ်မရှင်းပြတော့ဘဲ အကြမ်း ဖျင်းပြောပြပါမယ်။အပင်နဲ့တိရစ္ဆာန်အညစ်အကြေးဆိုရာမှာအပင်ဆိုတဲ့စကားလုံးအစား ပင်ကြွင်းပင်ကျန်(ရိတ်သိမ်းပြီးကျန်ရှိသောအပင်အစိတ်အပိုင်းများ) အသုံးပြုခြင်း နဲ့ အပင်၏ အစိတ်အပိုင်းအားလုံး ကိုမြေမြှုပ်ခြင်း(သစ်စိမ်းမြေသြဇာ) ဆိုမှပိုမှန်ပါလိမ့်မယ်။သစ်စိမ်း နဲ့ အညစ်အ​ကြေးအစိုတွေကိုအပင်ကတိုက်ရိုက်အသုံးမပြုနိုင်ပါ။အချိန်အတိုင်းအတာတခုထိ အဆင့်ဆင့်ဓာတ်ပြုပြောင်းလဲပြီးချိန်မှအပင်က စားသုံးနိုင်တာပါ။ဥပမာ ပုလဲ(ယူရီးယား)ကိုအပင်စားသုံးနိုင်အောင်ကြာချိန်က ၁၀နာရီမှ၁၂နာရီထိကြာတတ်ပါတယ်။ဒါကြောင့်ဆွေး​မြေ့သွားမှအမြစ်ကစုပ်ယူအသုံးနိုင်ခြင်းဖြစ်ပါတယ်။နောက်တစ်ခု EM။EMကအကျိုးပြုအဏုဇီဝပိုး(အရည်)ဖြစ်ပြီးသူက အသက်မရှိတော့တဲ့ အပင်အစိတ် အပိုင်းများနဲ့တိရစ္ဆာန်အညစ်အကြေးတွေကိုဘဲဆွေးမြေ့အောင်ပြုလုပ်ပေးပြီးအပင်စားသုံးနိုင်အောင်အဟာရအဖြစ်ပြောင်းပေးနိုင်တာပါ။ရှင်သန်နေ သောအပင်ကိုဆွေးမြေ့အောင်မလုပ်ပါ။ဒါကြောင့်သဲမြေမှာစိုက်ထားတဲ့အပင်ရဲ့အမြစ်ကိုမဆွေးမြေ့စေပါဘူး။ဒါကြောင့်သဲချောင်းမြေတွေမှာEM အသုံးပြုပြီးကြက်သွန်စိုက်ပျိုးဖြစ်ထွန်းနေခြင်းဖြစ်ပါတယ်။