ဝက်ရောဂါကျတာကို ထိုင်းအစိုးရ ဖုံးကွယ်ထားခဲ့လို့ မွေးမြူရေးသမားတွေ နစ်နာခဲ့ကြရ

25/02/2022 16:00 PM တွင် ဝေယံဟိန်း (B.Ag) ဝေယံဟိန်း (B.Ag) မှ ရေးသား

အသက် ၇၅ နှစ် အရွယ် ထိုင်းနိုင်ငံက ဝက်မွေးမြူရေးသမား ဂျင်တာနာ ဟာ လွန်ခဲ့တဲ့နှစ်နှစ်လောက်က သူ့ ဝက်ခြံမှာ အာဖရိကဝက်အပြင်းဖျားရောဂါ ကျနေတယ်လို့ သံသယရှိခဲ့ပါတယ်။ ဝက်တွေမှာ ရောဂါလက္ခဏာ ပြလာပြီး အကောင် ဒါဇင်နဲ့ချီ သေဆုံးခဲ့တာပါ။ 

ဒါပေမဲ့ ထိုင်းအစိုးရကတော့ ဥရောပနဲ့ အာရှနိုင်ငံတွေမှာ ဝက်ကောင်ရေ အများအပြားကို ပျက်စီးစေခဲ့တဲ့ အဲဒီ ဗိုင်းရပ်စ်ရောဂါ ထိုင်းနိုင်ငံထဲ ဝင်မလာသေးဘူးလို့ ပြီးခဲ့တဲ့လကအထိကို ပြောနေတုန်းပါပဲ။ 

အစိုးရက နိုင်ငံတွင်း ရောဂါကျရောက်နေပြီဖြစ်ကြောင်း အတည်ပြုလိုက်ချိန်မှာတော့ နိုင်ငံရေးအရ ဝေဖန်မှုတွေ စကြုံလာရပါတယ်။ အတိုက်အခံ အမတ်တစ်ယောက်က ရောဂါကျတာကို နှစ်နဲ့ချီ ဖုံးကွယ်ထားခဲ့တယ်လို့ အစိုးရကို စွပ်စွဲခဲ့ပြီး စိုက်ပျိုးရေး ဒုဝန်ကြီးကတော့ ဒီစွပ်စွဲမှုကို ငြင်းဆန်ခဲ့ပါတယ်။

 "ရောဂါကျတာ သူတို့တွေ (အာဏာပိုင်တွေ) မသိဘူးဆိုတာ ဘယ်လိုမှမှ မဖြစ်နိုင်တာ။ တစ်နိုင်ငံလုံးမှာ ဝက်တွေ ဒီလောက်တောင် သေနေတာကို ရောဂါမကျဘူးလို့ ပြောနေတုန်းပဲ။ ဘာကြောင့် ဒီလို ဖုံးကွယ်ထားရတာလဲ" လို့ ဂျင်တာနာက မေးခွန်းထုတ်တယ်။ 

ယခုတော့ ထိုင်းအစိုးရအနေနဲ့ ပြည်နယ် ၁၃ ပြည်နယ်ရဲ့ ဒေသ ၂၂ ခုမှာ ဝက်အပြင်းဖျားရောဂါ တွေ့ရှိခဲ့ကြောင်း၊ တစ်ပိုင်တစ်နိုင် မွေးမြူရေးခြံတွေမှာ ရောဂါကျ ဝက်ကောင်ရေ ၄၀၀ ကျော် သုတ်သင်ခဲ့ရကြောင်း တိရစ္ဆာန်ရောဂါ ကာကွယ်ရေးနဲ့ ကုသရေးဦးစီးဌာန ညွှန်ကြားရေးမှူး ဘန်ယာဂျစ်က အတည်ပြုပြောဆိုပါတယ်။ 

တာဝန်ရှိသူတွေဟာ ၂၀၁၉ နဲ့ ၂၀၂၁ ကြား ရောဂါကျရောက်နိုင်ခြေမြင့်တဲ့ ဝက်ကောင်ရေ သုံးသိန်းနီးပါး သုတ်သင်ခဲ့ရပေမယ့် အဲဒီဝက်တွေရဲ့ အသားစ နမူနာတွေထဲမှာ ရောဂါပိုး မတွေ့ခဲ့ရဘူးလို့ ဘန်ယာဂျစ်က ပြောပါတယ်။ 

ဝက်တွေ သေကြတာ အများစုက ဝက်နားရွက်ပြာရောဂါ (PRRS) ကြောင့်လို့ သူက ပြောပါတယ်။ ထိုင်းနိုင်ငံမှာ အာဖရိကဝက်အပြင်းဖျားရောဂါကပ်အသွင် ကျရောက်နေပြီလို့ ပြီးခဲ့တဲ့လက ပထမဆုံးအကြိမ် အတည်ပြု လိုက်ချိန်မှာ ဝက်ကောင်ရေ ၅၀ ထိသာ အများဆုံးမွေးတဲ့ တစ်ပိုင်တစ်နိုင် ဝက်မွေးသမား တစ်သိန်းနီးပါးဟာ လုပ်ငန်း ထဲကနေ ထွက်သွားကြရပြီးပါပြီ။ 

ယခုတော့ တစ်ပိုင်တစ်နိုင်ဦးရေ ၇၉၀၀၀ သာ ကျန်တော့တယ်လို့ အစိုးရရဲ့ မွေးမြူရေးလုပ်ငန်း ကိန်းဂဏန်းတွေ အရ သိရပါတယ်။ တစ်ပိုင်တစ်နိုင်သမားတွေ မွေးတဲ့ ဝက်ကောင်ရေဟာ ထက်ဝက်လောက် ပျက်စီးသွားပြီး တစ်သန်းလောက်သာ ကျန်ရှိတော့ပါတယ်။

 တစ်နိုင်ငံလုံးအတိုင်းအတာအနေနဲ့ ယခင်နှစ်က ဝက်ကောင်ရေ ၁၃ ဒသမ ၁ သန်း ရှိခဲ့ရာကနေ ၁၇ ရာခိုင်နှုန်း ကျပြီး ၁၀ ဒသမ ၈၅ သန်းသာ ရှိတော့ရာမှာ တစ်ပိုင်တစ်နိုင်သမားတွေရဲ့ ဆုံးရှုံးမှုက အချိုးအများစု ပါဝင်နေတာ တွေ့ရပါတယ်။ မွေးမြူရေးတိရစ္ဆာန် ကောင်ရေကျဆင်းလာတာကြောင့် ပြည်တွင်းဝက်သားဈေးဟာ စံချိန်တင် မြင့်တက်သွားခဲ့ရပါတယ်။

 ဇန်နဝါရီလ ၁၁ ရက်နေ့မှာ ဘန်ကောက်မြို့ရဲ့ ဝက်သားလက်လီဈေး တစ်ကီလိုကို ၂၁၅ ဘတ်အထိ မြင့်တက် သွားခဲ့ပြီး ဒါဟာ ကုန်သွယ်ရေးဝန်ကြီးဌာနက စာရင်းစကောက်တဲ့ ၂၀၀၁ ခုနှစ်နောက်ပိုင်း နေ့စဉ်ဈေးတက်နှုန်း အမြင့်ဆုံး ဖြစ်ပါတယ်။

 "မွေးမြူးရေးလုပ်ငန်းထဲမှာ တစ်ပိုင်တစ်နိုင်သမားတွေ ခုထက်ပိုပြီး ရှိနေသေးရင်တော့ လုပ်ငန်းကြီးတွေကို ပြန်ထိန်းညှိနိုင်မယ်။ ဈေးလည်း ခုလောက် တက်မှာမဟုတ်ဘူး" လို့ အသက် ၅၅ နှစ်ရှိ ဝက်မွေးမြူရေးသမား စီတီချိုင်က ပြောပါတယ်။

 ထိုင်းအစိုးရဟာ ပြည်တွင်းဝက်သား ရောင်းလိုအား မြှင့်တင်ဖို့ဆိုပြီး ဝက်အရှင် ပြည်ပတင်ပို့မှုကို ဧပြီလအထိ အရင်လက စပိတ်လိုက်ပါတယ်။ အစိုးရဟာ တစ်ပိုင်တစ်နိုင်သမားတွေဆီ ဝက်သားပေါက်တွေ ဈေးသက်သာစွာနဲ့ ချပေးသွားဖို့ ပြင်ဆင်နေကြောင်းလည်း ဘန်ယာဂျစ်က ပြောပါတယ်။ ရောင်းအားပြတ်တာ ဖြေရှင်းနိုင်ဖို့ကတော့ ၁၀ လလောက် အချိန်ယူရဦးမယ်လို့ သူက ဆိုပါတယ်။

 ဝေယံဟိန်း (B.Ag)

Ref: Thai pig farmers angered by swine fever outbreaks - Reuters

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်