စိုက်ပျိုးသုတ ဖေဖေါ်ဝါရီလ

ဖေဖေါ်ဝါရီလသည် မိုးကြိုသီးနှံများကို စတင်စိုက်ပျိုးသင့်သည့်လဖြစ်သည်။ မိုးကြိုသီးနှံများတွင် ယာသီးနှံများဖြစ်သော ပဲတီစိမ်း၊ နှမ်းလျင်၊ ချည်မျှင်ရှည်ဝါစသည့် သီးနှံများ ပါဝင်သည်။ မြန်မာ နိုင်ငံအလယ်ပိုင်းနှင့်အထက်ပိုင်း ဆည်‌ရေရရှိသည့်ဒေသများအတွက် နွေစပါးလည်း ပါဝင်ပါသည်။

သီးထပ်သီးနှံပုံစံချမှတ်စိုက်ပျိုးရေး

မိုးကြိုယာသီးနှံများနှင့် နွေစပါး၏စိုက်ပျိုးချိန်မှန်ကန်မှုနှင့် မျိုးရွေးချယ်မှုသည် လာမည့်နှစ်တွင် စိုက်ပျိုးဆောင်ရွက်မည့် သီးထပ်သီးနှံပုံစံအတွက် အလွန်အရေးပါသည်။ 

သီးထပ်သီးနှံပုံစံချမှတ်စိုက်ပျိုးရာတွင် သီးနှံတစ်မျိုးမက ပါဝင်သည်ဖြစ်ရာ မိုးကြို၊ မိုး၊ မိုးနှောင်း သီးနှံတစ်မျိုးတည်းအတွက် အကောင်းဆုံးအခြေအနေတွေချည့် ဦးစားပေးဆောင်ရွက်ခြင်း မပြုသင့်ပါ။ သီးနှံတစ်မျိုးကို ဦးစားပေးခြင်းဖြင့် အခြားသီးနှံများကို လျစ်လျူရှုရာ မရောက်သင့်ပါ။ 

သီးနှံတစ်မျိုးက တစ်ဧကအထွက်အမြင့်ဆုံးကို ရရှိပြီး အခြားသီးနှံများက သင့်တင့်သောအထွက်ကိုပင် မပေးနိုင်လျှင် သီးနှံပုံစံတစ်ခုလုံးအနေဖြင့် ခြုံလိုက်ပါက အရှုံးနှင့်ရင်ဆိုင်ရနိုင်သည်။ တစ်နှစ်တာအတွင်း  စိုက်ပျိုးကုန်ကျစရိတ်စုစုပေါင်းထက် သီးနှံအထွက် ရောင်းရဝင်ငွေစုစုပေါင်းက လျော့နည်းနိုင်မည်ကို သတိမူသင့်ပါသည်။ 

သို့ဖြစ်၍ စိုက်ပျိုးသမျှသီးနှံတိုင်းက ပုံမှန်အထွက်ကိုပေးနိုင်ဖို့ သီးနှံအလိုက် စိုက်ချိန်တွေမှန်ဖို့ လိုသည်ဖြစ်ရာ ယခုစိုက်ပျိုးမည့် မိုးကြိုယာသီးနှံနှင့် နွေစပါးက စတင်၍ ချိန်ဆဆောင်ရွက်ရန် ဖြစ်ပါသည်။

မိုးကြိုယာသီးနှံစိုက်ချိန်မှန်

မိုးကြိုယာသီးနှံများကို ဖေဖေါ်ဝါရီလတွင် စိုက်ပါ။ သို့မှသာ သီးထပ်သီးနှံပုံစံအတွက် အဓိကသီးနှံဖြစ်သည့် လာမည့်မိုးစပါးကို စိုက်ချိန်မှန်ဖြင့် စိုက်ပျိုးနိုင်မည်။ စိုက်ချိန်မှန်မှ မျှော်မှန်းသည့်မိုးစပါးအထွက်ကို ရရှိနိုင်ပါမည်။ 

မိုးစပါးအပြီးဆက်လက်စိုက်ပျိုးမည့် ယာသီးနှံကိုလည်း စိုက်ချိန်မှန်တွင်စိုက်နိုင်မည်။ အထွက်လျော့နည်းမှုမရှိဘဲ မျှော်မှန်းအထွက်ကို ရရှိနိုင်မည်ဖြစ်သည်။ သို့ဖြစ်၍ မိုးစပါးကို ပုံမှန်စိုက်ချိန်တွင် စိုက်ပျိုးနိုင်ရန် မိုးကြိုသီးနှံများကို ဖေဖေါ်ဝါရီလတွင် စိုက်ပျိုးရန် ထောက်ခံရခြင်း ဖြစ်ပါသည်။ 

မိုးကြိုယာသီးနှံ မျိုးရွေးချယ်မှုမှန်

မိုးကြိုယာသီးနှံများအတွက် ဒေသရေမြေနှင့်ကိုက်ညီ၊ ပိုးမွှားရောဂါဒဏ်ခံနိုင်ပြီး စျေးကွက်ကောင်းသည့် မျိုးကောင်းမျိုးသန့်ကို ရွေးချယ်စိုက်ပျိုးရန်ကို အထူးပြောစရာ လိုမည်မထင်မိပါ။ သို့သော် အသက်ရက်နှင့်ပတ်သက်၍ ရွေးချယ်မှု မှန်စေလိုပါသည်။

မိုးစပါးကို ပုံမှန်စိုက်ချိန် ဇွန်၊ ဇူလိုင်တွင် စိုက်ပျိုးနိုင်ရန်အတွက် မိုးကြိုသီးနှံ၏ အသက်ရက်သည် မရှည်သင့်ပါ။ သို့ဖြစ်၍ သက်တမ်းတိုသောမျိုးကိုသာ အသုံးပြု စိုက်ပျိုးသင့်ပါသည်။

မိုးကြိုကာလသည် ဖေဖေါ်ဝါရီလလယ်ခန့်မှ မိုးဦးကျသည်ထိကာလသာဖြစ်သည်။ ရေသွင်းခြင်း၊ ထွန်ယက်မြေပြုပြင်ခြင်းအချိန်ကာလများရှိသေးသည်။ သီးနှံပင်စိုက်ပျိုး သီးပွင့် ရင့်မှည့်ရန် အချိန်ကာလသည် ရက်ပေါင်း ၁၀၀ ခန့်သာဖြစ်သည်။ ထို့ကြောင့် သက်တမ်းတိုမျိုးကိုသာ စိုက်ပျိုးပါလို့ ထောက်ခံရခြင်းဖြစ်ပါသည်။

မိုးကြိုယာသီးနှံများ

နှမ်းလျင်သီးနှံကို ဖေဖေါ်ဝါရီလတွင် စိုက်ပျိုးလျှင် မေလကုန်တွင် ရိတ်သိမ်းနိုင်မည်။ ထို့ကြောင့်ဇွန်လတွင် မိုးစပါးကို ပုံမှန်စိုက်ပျိုးနိုင်မည်။ မိုးစပါးရိတ်သိမ်းပြီးသည်နှင့် ပဲမျိုးစုံ၊ နေကြာ၊ ပြောင်း ဖူးကြိုက်နှစ်သက်ရာကို စိုက်ပျိုးနိုင်သည်။ မိုးကြိုနှမ်းလျင်သီးနှံပါဝင်သော နှစ်သီး၊ သုံးသီး သီးနှံပုံစံများကို အောင်မြင်စွာချမှတ် ဆောင်ရွက်နိုင်စေမည်ဖြစ်ပါသည်။

ပဲတီစိမ်းသီးနှံကို ဖေဖေါ်ဝါရီလတွင်စိုက်ပျိုးပါက နှမ်းလျင်ကဲ့သို့ပင် မေလကုန်ထက် နောက်မကျဘဲ ရိတ်သိမ်းနိုင်မည်။ ပုံမှန်မိုးစပါးကို ဇွန်လတွင် စိုက်ပျိုးနိုင်မည်။ မိုးစပါးအပြီးတွင် အခြားယာသီးနှံတစ်မျိုးမျိုးကို စိုက်ပျိုးနိုင်မည်။ မိုးကြိုပဲတီစိမ်းသီးနှံ ပါဝင်သောနှစ်သီး၊ သုံးသီး သီးနှံပုံစံများကို အောင်မြင်စွာချမှတ်ဆောင်ရွက်နိုင်စေမည် ဖြစ်ပါသည်။

ချည်မျှင်ရှည်ဝါသီးနှံကို ဖေဖေါ်ဝါရီလတွင် စိုက်ပျိုးပါက ကောက်သိမ်းပြီးစီးနိုင်သည်မှာ ဇူလိုင်လ၊ သြဂုတ်လဖြစ်မည်။ ဆက်လက်ပြီး သက်တမ်းတို ယာသီးနှံတစ်မျိုးမျိုးကို အောင်မြင်စွာစိုက်ပျိုးနိုင်စေမည် ဖြစ်ပါသည်။

ဖေဖေါ်ဝါရီလတွင် စိုက်ပျိုးနိုင်သည့် အခြားယာသီးနှံ များစွာရှိပါသေးသည်။ ဥပမာ- မြေပဲ၊ ပြောင်းဖူး၊ ငြုပ် စသည့်သီးနှံများဖြစ်ပါသည်။ ယာသီးနှံတစ်မျိုးမျိုးကို စိုက်ပျိုးကာ လာမည့်နှစ်အတွက် နှစ်သီး သုံးသီး သီးထပ်သီးနှံပုံစံကို အောင်မြင်စွာ ဆောင်ရွက်စေလိုပါသည်။

မိုးကြိုယာသီးနှံများကို စိုက်ပျိုးရန် မြေအစိုဓာတ်လိုသည်။ ထွန်ရေးပြုပြင်ဖို့ ရေသွင်းရန်လိုသည်။ သီးပွင့်ရန်အစိုဓာတ်လိုချိန် ရေသွင်းပေးရန်လိုသည်။ အနည်းဆုံး ထိုနှစ်ချိန်တွင် မြေတွင်းအစိုဓာတ်တည်ရှိနေရေးချိန်ဆပြီး ရေသွင်းပေးရန်လိုသည်။ သို့ဖြစ်၍  ဆည်ရေ သို့မဟုတ် သွင်းရေရရှိရေးကို ကြိုတင်စဉ်းစား ဆောင်ရွက်သင့်ပါသည်။

နွေစပါးသီးနှံ 

ဖေဖေါ်ဝါရီလတွင် စတင်စိုက်ပျိုးသင့်သည်။ အထူးသဖြင့် အလယ်ပိုင်းနှင့် အထက်ပိုင်းဒေသများအတွက် ထောက်ခံခြင်းဖြစ်ပါသည်။ 

နွေစပါးသည် သွင်းရေဖြင့်စိုက်ပျိုးရသည်ဖြစ်ရာ သွင်းရေချွေတာ သုံးစွဲရေးကိုလည်း အလေးထားသင့်သည်။ ပျိုးထောင်ကောက်စိုက်စနစ်ထက် တိုက်ရိုက်မျိုးစေ့ချစနစ်က ရေကိုချွေတာရာရောက်သည်။ တိုက်ရိုက်မျိုးစေ့ချစနစ်သည် ပျိုးထောင်ကောက်စိုက်စနစ်ထက် ရေလိုအပ်မှုနည်းသည်။ လုပ်သားလိုအပ်မှုနည်းသည်။ အသက်ရက်ကို(၇) ရက်မှ (၁၀) ရက်ခန့် တိုစေနိုင်ပါသည်။ 

ဖေဖေါ်ဝါရီလသိမှတ်စရာများကို အနှစ်ချုပ်ဖေါ်ပြရလျှင်-

• သွင်းရေရရှိသည့် ဒေသများတွင် နွေစပါးကို စိုက်ပျိုးရန်ဖြစ်ပါက ဖေဖေါ်ဝါရီလကုန် အပြီး စိုက်ပျိုးပါ။ သက်တမ်းတိုစပါးမျိုးကို အသုံးပြုပါ။
• စပါးစိုက်ပျိုးရန် လုံလောက်သည့်သွင်းရေ မရရှိနိုင်ပါက မိုးကြိုယာသီးနှံတစ်မျိုးမျိုးကို ဖေဖော်ဝါရီလအတွင်းစိုက်ပျိုးပါ။ သက်တမ်းတို မိုးကြိုယာသီးနှံမျိုးကို အသုံးပြုပါ။ 
• လာမည့်နှစ် မိုးစပါးကို စိုက်ချိန်မှန် ဇွန်၊ ဇူလိုင်လတွင် စိုက်ပျိုးနိုင်ရေး ရည်ရွယ်ဆောင်ရွက်ရန် ဖြစ်ပါသည်။ 

ဆင်းသီဟ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။               

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်