ထောပတ်ပင်၏ ရုက္ခဗေဒဆိုင်ရာ ထူးခြားချက်များ

ထောပတ်သီးပင်များသည် လွန်စွာအကြီးမြန်ကြသည်။ ပူနွေးသောဒေသများတွင် ထောပတ်သီးပင်သည် ၁၀-၁၅ မီတာခန့်အထိ ကြီးထွားပါသည်။ သို့သော်လည်း ၎င်းတို့ကိုပြုစုနိုင်ရန်၊ ရောဂါပိုးမွှားကာကွယ်ရန်နှင့် အသီးခူးရန်အတွက် ၄-၅ မီတာထက်မမြင့်စေရန် ဂရုပြုရပါမည်။

တစ်နှစ်အတွင်း အပင်ငယ်များသည် တစ်မီတာအထိမြင့်ပြီး ဘေးသို့လည်း မြန်ဆန်စွာကြီးထွား သည်။ အကိုင်းများသည် ကျွတ်ဆတ်ပြီး အသီးသီးလျှင် အောက်သို့တွဲကျနေတတ်သည်။ ထောပတ် သီးပင်အမြစ်များသည် မြေဆီလွှာအပေါ်ယံတွင်သာရှိပြီး အပင်ရွက်အုပ်၏ အကျယ်ခန့်အထိသာကြီးထွားသည်။

ထောပတ်ပင်တွင် ပန်းဖူးများ စတင်ဖြစ်ပေါ်လာစေရန်မှာ နေ့တာတိုခြင်း၊ ရှည်ခြင်းထက် အပူ ချိန်၂၀°C ဝန်းကျင်ရှိခြင်းက ပိုအရေးကြီးပါသည်။ နေ့တာတိုခြင်း၏ အကျိူးသက်ရောက်မှုသည် ပန်းဖူးများဖြစ်ပေါ်လာစေရန် အဓိကမဟုတ်ဘဲ ပန်းပွင့်ခြင်းကိုသာ လျင်မြန်စေသည်။

ထောပတ်ပန်းပွင့်သည် ထူးခြားပြီးရှားပါးသည့် ပန်းပွင့်နည်းဖြင့်ပွင့်ပါသည်။ ပန်းပွင့်၏ အဖိုအင်္ဂါနှင့် အမအင်္ဂါတို့သည် ပန်းပွင့်ချိန်တွင် တပြိုင်တည်း အရွယ်မရောက်ကြပေ။ ယေဘုယျအားဖြင့် ကောင်းမွန်သောအခြေအနေတွင် ပန်းတစ်ပွင့်သည် ၄၈ နာရီအတွင်းတွင် နှစ်ကြိမ်ပွင့်ပါသည်။

အမပွင့်အဖြစ် တစ်ကြိမ်ပွင့်ပြီး အဖိုပွင့်အဖြစ် နောက်တစ်ကြိမ် ပွင့်ပါသည်။ Type A ဟုခေါ်သော အပင်မျိုး၏ ပထမပန်းပွင့်ချိန်သည် မနက်ခင်းတွင် အမပွင့်အဖြစ် ပွင့်ပါသည်။ နောက်တစ်ရက် ညနေခင်းတွင် အဖိုပွင့်အဖြစ် ပြန်ပွင့်ပါသည်။

Type B ဟုခေါ်သောမျိုးသည် ပထမနေ့ နံနက်ခင်းတွင် အဖိုပွင့်အနေဖြင့် ပွင့်ပြီး နောက်နေ့ညနေပိုင်းတွင် အမပွင့်အနေဖြင့် ပြန်ပွင့်ပါသည်။ ကောင်းမွန်သော ပတ်ဝန်းကျင်အခြေအနေတွင် ၎င်းစနစ်သည် ပင်ခြားဝတ်မှုံကူးရန် အကောင်းဆုံးအခြေအနေကို ပေးသည်။

ဝတ်မှုံကူးခြင်းဖြစ်နိုင်ရန် အဖိုအင်္ဂါပေါက်ကွဲချိန်နှင့် အမအင်္ဂါလက်ခံနိုင်သောအချိန်သည် တူညီမှသာ ဝတ်မှုံကူးခြင်း ဖြစ်နိုင်သည်။ အဖိုပန်းပွင့်နှင့် အမပန်းပွင့် ရင့်မှည့်ချိန်မတူသောကြောင့် ပင်တည်းဝတ်မှုံကူးခြင်း ဖြစ်ပေါ်ရန်ခက်ခဲသည်။ ထိုကြောင့် ထောပတ်သီးပင်စိုက်ပျိုးသူများသည် Type A နှင့် Type B အမျိုးအစားများကို ညှပ်၍စိုက်ပျိုးခြင်းဖြင့် ဝတ်မှုံကူးခြင်းနှင့် အသီးတင်မှုတို့ကို ပိုမိုဖြစ်ပေါ်စေပါသည်။

ထောပတ်ပင်သည် အပွင့်တစ်သန်းကျော်ပွင့်သော်လည်း အများစုမှာ မူမမှန် သို့မဟုတ် မျိုးမအောင်တတ်ပါ။ အသီးကင်းများစွာသီးနိုင်သော်လည်း အသီးကင်းများသည် ပုံမှန်အားဖြင့် ကြွေကျတတ်သည်။ သိပ်သည်းစွာစိုက်ပျိုးထားသော ထောပတ်ခင်းမှ ထောပတ်သီးပင်တပင်လျှင် အများဆုံး အသီး (၂၀၀) သီးသည်။ ပုံမှန်ပင်ကြားတန်းကြားဖြင့် စိုက်ထားသောအပင်မှ အသီး (၅၀၀) ခန့်ရရှိနိုင်သည်။

အရည်အသွေးကောင်းသော ထောပတ်သီးများသည် အပင်ပေါ်တွင် မမှည့်ပါ။ ရာသီဥတုအေးသော ပတ်ဝန်းကျင်အခြေအနေတွင် အပင်ပေါ်တွင်ကောင်းစွာရင့်နေသော အသီးကို သိုလှောင်ထားနိုင်သည်။ အခန်းအပူချိန်တွင် ဆွတ်ခူးပြီးသော ထောပတ်သီးများသည် မျိုးအလိုက် ၁၀ ရက်မှ ၁၅ ရက်ခန့်ကြာလျှင် မှည့်ပါသည်။

(Myanseed Agri Business Consultancy မှ ထုတ်ဝေသည့် ‘ထောပတ်သီးပင်စိုက်ပျိုးခြင်းဆိုင်ရာ နည်းလမ်းကောင်းများ’ စာအုပ်မှ ကူးယူဖော်ပြခြင်းဖြစ်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...