စျေးသက်သာတဲ့ အိမ်က ဇီဝဓာတ်ငွေ့ စက်ရုံကြီး

နာမည်မြင်ပြီး လုပ်ချင်နေကြပြီမဟုတ်လား။ ကုန်ကျစရိတ်လည်း အများကြီးမရှိဘူး။ မီးဖိုချောင်ထဲက ထွက်တဲ့ အရာတွေ (ကြက်သွန်နီခွံနဲ့ ကြက်ဥခွံကလွဲရင်) ကို ထည့်ပြီး တန်ဖိုးရှိတာလေးကိုပြောင်းကြည့်ရအောင်။ ဒီနည်းလမ်းကို အိန္ဓိယက Sahas Chitlange က တွေ့ခဲ့တာဖြစ်ပါတယ်။ ကဲ လုပ်လိုက်တော့ ဝမ်း တူး သရီး….
ဘာတွေထွက်မှာလဲ ဆိုတော့ လောင်စာအဖြစ်သုံးနိုင်တဲ့ မီသီန်း (Methane) နဲ့ အကောင်းဆုံးမြေသြဇာတွေကို ရနိုင်မှာပါ။
ဘာတွေလိုမလဲ။
(က) ပိုက်
(ခ) တိုင်ကီကြီး (သင်္ဘောသုံး ကော်အပြာပုံးတွေဆို လေလည်းလုံပါတယ်)
(ဂ) ဓာတ်ငွေ့စုပုံး ( သင်္ဘောဆေး ပုံးဆို အိုကေပြီလေ)
(ဃ) မြေသြဇာအထွက်ပိုက်
(င) ဓာတ်ငွေ့ထွက်ပိုက် ( ဂတ်စ်အိုးတွေမှာသုံးတဲ့ ပိုက်အကြည်တွေ သုံးပေးပါ)။
(စ) ဘားတစ်ခု နဲ့ ပိုက်အပိတ် တစ်ခု
အောက်မှာ အဆင့်လေးတွေလိုက်ကြည့်ပြီးလုပ်ကြရအောင်။

အဆင့်(၁) အခံအိုးမှာ ကိုယ်ဝယ်ထားတဲ့ မြေသြဇာအထွက်ပိုက်နဲ့ အဝင်ပိုက်အတွက် အပေါ်ဖက်နဲ့ အောက်ဖက်မှာ အပေါက်ဖောက်ပေးရမှာဖြစ်ပါတယ်

အဆင့် (၂) ပိုက်တွေကို အပေါ်ဖက်မှာ တစ်ပိုက်တပ်၊ အောက်ဖက်က ပိုက်ကို အပေါ်ကိုထောင်ပြီး တစ်ခု တပ်ပေးပါ။ ကော်နဲ့သေချာကပ်ပေးပါ။ အပေါ်ဖက်က ပိုက်က အထွက်ဖြစ်ပြီးတော့ အပေါ်ဖက်ကိုထောင်ထားတဲ့ အောက်အပေါက်က အဝင်အတွက်ဖြစ်ပါတယ်။ အဝင်ပိုက်လေးကို ပိုက်ပိတ်လေးနဲ့ ပိတ်လိုက်ပါဦး။

အဆင့်(၃) ဓာတ်ငွေ့စုပုံး (သင်္ဘောဆေးပုံး) ကို ဖင်နဲ့ ခေါင်းကို လှန်ပြီးတော့ ဖင်ကနေ အလယ်တည့်တည့်မှာ အပေါက်ဖောက်ပြီးတော့ ဓာတ်ငွေ့ထွက်ဖို့ ပိုက်ဘားလေးကိုတပ်ပေးပြီး လေလုံအောင် ကော်နဲ့ပြန်ပိတ်ပေးပါ။

အဆင့်(၄) အချိန်ကောင်းပါပဲ။ နွားချေး (၅) ကီလို (သို့) ၅၀ လီတာ ကို အခံအိုးထဲထည့်၊ ပြီးတော့ ရေလည်း နည်းနည်းထပ်ရောထည့်ပေးပါ။

အဆင့် (၅) ဓာတ်ငွေ့စုအိုးထိပ်က ဘားလေးကိုဖွင့်၊ ပြီးတော့အဲ့နွားချေးထည့်ထားတဲ့ အိုးထဲကို ညီနေအောင် နှစ်ထည့်ပေးပါ။ ဓာတ်ငွေ့ထွက်လာရင် သူ့ဘာသာ အပေါ်ကိုတက်လာပါလိမ့်မယ်။ စစချင်း လုပ်ရင်တော့ ၁၀ ရက်ကနေ ၁၅ ရက်လောက်တော့ ကြာပါတယ်။ နောက်ပိုင်းကတော့ ပုံမှန်လေးဖြစ်လာပါလိမ့်မယ်။

အဆင့်(၆) အလုပ်လုပ်တဲ့အဆင့်ပါပဲ။ ကိုယ် တပ်ပြီးပြီ ဆိုတော့ မြေသြဇာ အဝင်ပေါက်လေးထဲကို စွန့်ပစ်ပစ္စည်းတွေ ထပ်ထည့်ပေး။ ထည့်ပေးပြီးတော့ သူက ဓာတ်ငွေ့ထွက် ပြီး ကိုယ်က ပုံးကို ပြန်ဖိချ အဲ့တော့ အထွက်ပိုက်နေ မြေသြဇာတွေ ပြန်ထွက်… အဲ့က ထွက်တဲ့ ဇီဝဓာတ်ငွေ့က ဘယ်လောက်ပြင်းလဲဆိုတော့ သံဖြူပါးပါးကို ၂ မိနစ်အတွင်း အရေပျော်စေနိုင်တဲ့အထိပါပဲ။

ဒါဆိုရင်တော့ စက်ရုံဆောက်လို့ ပြီးပါပြီ။ အဲ့တော့ ကောင်းတာတွေ ခံစားကြည့်လိုက်ပါဦး။

Source - https://www.instructables.com/id/Biogas-at-home-Cheap-and-Easy/?fbclid=IwAR0IrKof7VH6lRP9iuTCMHOVCYAxoz2O7Kc_I0OlnWwPJVjIKvxLfAmQPiY