စိုက်ဒေသများတွင် စစ်ရှောင်နေရမှုများကြောင့် ကုလားပဲအထွက်နှုန်းကျပြီး အတက်ဈေးနှင့် ဆက်ရှိနေ

23/04/2022 07:00 AM တွင် AMIA AMIA မှ ရေးသား

ကုလားပဲဈေး ကျဆင်းနိုင်ခြေရှိတယ်လို့ ခန့်မှန်းထားပေမယ့် ကုလားပဲအများစု ထွက်ရာ ဒေသတွေမှာ စစ်ဘေးရှောင်နေရတဲ့ အနေအထားတွေကြောင့်စိုက်ပျိုးနိုင်မှုမရှိပဲ အထွက်နှုန်းလျော့နည်းမှုတွေ ရှိလာပြီး ယခုတစ်ပတ်အတွင်းဈေးက အတက်ဈေးနဲ့ပဲ ရှိနေပါတယ်။

ရန်ကုန်ဘုရင့်နောင်ဈေးကွက်မှာတော့ ပိတ်ရက်မတိုင်ခင်အထိ ဈေးကျဆင်းတဲ့ ကုလားပဲကတော့ ပိတ်ရက်အပြီးမှာ ဈေးအနည်းငယ်တက်လာပါတယ်။ လက်ရှိ ကုလားပဲလုံးဖြူက တစ်ပိဿာကို ၂၂၅၀ ကနေ ၂၃၃၀ ပေါက်ဈေးရှိပြီး ၂၄၅ ကျပ်ဈေးတက်လာပါတယ်။ကုလားပဲလုံးဖြူကြီးကတော့ တစ်ပိဿာကို ၂၂၈၀ ကနေ ၂၄၂၀ ပေါက်ဈေးရှိပြီး တစ်ပိဿာကို ၁၂၀ ကျပ်ဈေးတက်လာပါတယ်။

မန္တလေးဈေးကွက်မှာတော့ ကုလားပဲထိုင်ဝမ်က တစ်အိတ်ကို ၁၂၃၀၀၀ ကနေ ၁၂၅၀၀၀ ပေါက်ဈေးရှိပြီး တစ်အိတ်ကို ၃၀၀၀ ကျပ်ဈေးတက်လာပါတယ်။ ကုလားပဲ ၉၂၉ ကလည်း တစ်အိတ်ကို ၁၂၄၅၀၀ ကနေ ၁၂၅၀၀၀ ပေါက်ဈေးရှိပြီး တစ်အိတ်ကို ၁၀၀၀ ကျပ်၊ ကုလားပဲ V2က တစ်အိတ်ကို ၁၃၃၀၀၀ ကနေ ၁၃၄၀၀၀ ပေါက်ဈေးရှိပြီး တစ်အိတ်ကို ၂၀၀၀ ကျပ်၊ V7ကတော့ တစ်အိတ်ကို ၁၃၂၀၀၀ ကနေ ၁၃၃၀၀၀ ပေါက်ဈေးရှိပြီး ၃၀၀၀ ကျပ်အသီးသီးဈေးတက်လာပါတယ်။

မုံရွာဈေးကွက်မှာလည်း ကုလားပဲ(ထိုင်ဝမ်) က တစ်တင်းကို ၄၁၀၀၀ ကနေ ၄၁၃၀၀ ပေါက်ဈေးရှိပြီး ၈၀၀ ကျပ်၊ ကုလားပဲ ၉၂၉ က တစ်တင်းကို ၄၁၇၀၀ ပေါက်ဈေးရှိပြီး ၇၀၀ ကျပ်၊ ကုလားပဲ V2 က တစ်တင်းကို ၄၅၀၀၀ ပေါက်ဈေးရှိပြီး တစ်တင်းကို ၂၀၀၀ ကျပ်အသီးသီးဈေးတက်လာတယ်လို့ သိရပါတယ်။

ပြီးခဲ့တဲ့နှစ်ကလည်း လက်ကျန်ပြတ်သွားတဲ့အထိ အရောင်းအဝယ်ရှိခဲ့ပြီး  ယခုနှစ်မှာတော့  ထွက်လာသမျှ အသစ်တွေက ရောင်းကုန်တဲ့ အခြေအနေမို့ ကုလားပဲဈေးက အတက်ဈေးနဲ့ပဲ အတက်အကျ အပြောင်းအလဲ အနည်းငယ်ရှိနိုင်ဦးမယ်လို့ ဆိုပါတယ်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်


Natural Cure Co.,Ltd ကြော်ငြာ

ကျေးဇူးရှင်တောင်သူဦးကြီးများအားလုံးမင်္ဂလာပါရှင့် ခုမိတ်ဆက်ပေးချင်တာကတော့ အန်စီကွန်ပေါင်းဓာတ်မြေဩဇာလေးတွေဖြစ်ပါတယ် တောင်သူကြီးများအနေဖြင့် သီးပင်စားပင်စိုက်ပြီဆိုတာနဲ့ မြေဩဇာကျွေးလေ့ရှိကြတယ်မဟုတ်လား မြေဩဇာဆိုတာနဲ့ (NPK)အချိုးအစုံရှိတဲ့ အန်စီဓာတ်မြေဩဇာလေးတွေကို သတိရလိုက်ပါရှင့် အောက်မှာ အချိုးတစ်ခုချင်းစီအလိုက် ပုံလေးတွေနဲ့ အတူတူ ဖော်ပြပေးလိုက်ပါတယ်ရှင့် အသေးစိတ်သိလိုပါက 09958457742 ကို ဆက်သွယ်မေးမြန်းနိုင်ပါတယ်
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်