ငါးမွေးမြူရေးကန်များ၌ အီးအမ်အသုံးပြုခြင်း၏ အကျိုးကျေးဇူးများ

👉 ငါး၊ ပုစွန်မွေးမြူရေးလုပ်ငန်းများ၌ ငါး၊ ပုစွန်ကောင်ရေများ တိုးမြှင့်ထည့်သွင်း၍ ပရိုတိန်းမြင့်အစာများကျွေးကာ မွေးမြူလာသည်နှင့်အမျှ ငါးကန်များ၏အရည်အသွေးပြောင်းလဲကျဆင်းမှုများဖြစ်‌ပေါ်လာတတ်သည်။

ငါးများ၏စွန့်ထုတ်အညစ်အ‌ကြေးများနှင့် အစာအကြွင်းအကျန်များကလည်း ကန်၏‌ရေထုကို ညစ်ညမ်းစေသည်။ ထို့‌ကြောင့် ငါး၊ ပုစွန်များ၌ ဖိစီးမှုဒဏ်၊ ရောဂါများဖြစ်ပွားမှုနှင့်သေဆုံးမှုများ ကြုံတွေ့ရပါသည်။ ကန်ရေ၏ အော်ဂဲနစ်အညစ်အကြေးများနှင့် အရည်အသွေးကျဆင်းလာမှုသည် ကန်ရေထဲ၌ ရောဂါဖြစ်စေနိုင်သော ဘက်တီးရီးယားများပွားများနှုန်းကို တိုးမြင့်စေပါသည်။

ယင်းအခြေအနေများကို ထိန်းချုပ်ကာကွယ်နိုင်ရန် ငါး၊ ပုစွန်ကန်များ၌ EM ခေါ် probiotic ကို သုံးစွဲပေးရန် လိုအပ်သည်။ ထိုသို့ကုသခြင်းဖြင့် ငါးများ၏ကျန်းမာရေးနှင့် ကြီးထွားနှုန်း ကောင်းမွန် မြင့်မားစေပါသည်။

👉ထိုအခြေအနေများ‌ကြောင့် ငါးမွေးမြူရေး‌တောင်သူများအား စီးပွားရေးအရ ထိခိုက်နစ်နာဆုံးရှုံးစေသည်သာမက ကုန်ထုတ်လုပ်မှုကိုပါ လျော့နည်းကျဆင်းစေပါသည်။

ယခုအခါ ငါး၊ ပုစွန်မွေးမြူရေးများ၌ ကန်၏အရည်အသွေးကို ပြုပြင်ထိန်းသိမ်းကာကွယ်ရန်အတွက် Probiotic (အကျိုးပြုအဏုဇီဝဘက်တီးရီးယား) များကို ကန်အတွင်း၌ ကျယ်ကျယ်ပြန့်ပြန့် စနစ်တကျထည့်သွင်းအသုံးပြုလာကြပါသည်။ အကျိုးပြုဘက်တီးရီးယားနှင့် သတ္တမျှောလှေးများရရှိမှုသည် မွေးမြူကာလအတွင်း ငါးများ၏ ကြီးထွားနှုန်းနှင့် ကုန်ထွက်ရှိမှုကို များစွာအထောက်အကူပြုကြောင်း တွေ့ရှိရပါသည်။

ထို့အတွက် ငါးမွေးကန်များအတွက် အသုံးပြုမည့် အကျိုးပြုအဏုဇီဝပျော်ရည် လုပ်နည်းကို ဖော်ပြပေးလိုက်ပါသည်။

👉ငါးမွေးတောင်သူများအတွက်လွယ်ကူရိုးရှင်း‌သော EM ဖျော်စပ်နည်း (ကန် 10 ဧကစာအတွက်)

1. ငှက်ပျောသီး ၁ ဖီး

2. ထန်းလျက် ၁၀ ပိဿာ

3. ဖွဲနု ၁ ပြည်

4. ထမင်းခြောက် ၃ လုံးချက်(နေ‌ခြောက်လှမ်းထားသောထမင်း)

5. ရေ ရာ၀င်အိုး ၁ လုံး

👉 ၎င်းတို့အားလုံးကိုရောစပ်၍ နာရီ၀က်လျှင် တစ်ကြိမ်ခန့် တစ်ရက်မွှေပေးရမည်။

👉 ရာ၀င်အိုးထဲတွင် ၁၅ ရက်ခန့် နှပ်ထားရမည်။

👉 ၁၅ ရက်ပြည့်သောအခါတွင် အသုံးပြု၍ရပြီဖြစ်သည်။

အီးအမ်ပျော်ရည်ကို ငါး‌မွေးကန်များအတွက် ၁ လလျှင် ၁ ကြိမ်ခန့်ကြဲပက်ပေးခြင်းသည် အကောင်းဆုံးဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။