စွန့်ဦးတီထွင်လုပ်ငန်း စွမ်းရည်မြင့်တင်ခြင်းသင်တန်း

လာမည့် ဖေဖော်ဝါရီလထဲတွင် UNDP နှင့် Ministry of Planning, Finance, and Industry မှ ကြီးမှူးကျင်းပသော စွန့်ဦးတီထွင်လုပ်ငန်း စွမ်းရည်မြင့်တင်ခြင်းသင်တန်းအား Impact Hub မှ ဦးစီး၍ လှည်းကူးမြို့နယ်တွင် အခမဲ့ ဖွင့်လှစ်သွားမည်ဖြစ်ပါသည်။

သင်တန်းနှင့်ပတ်သတ်သော အကြောင်းအရာအား အောက်တွင် ဖော်ပြထားပေးပါသည်။

သင်တန်းဖွင့်လှစ်မည့် မြို့နယ် - လှည်းကူး

သင်တန်းအမျိုးအစားကတော့ ၂ မျိုး ရှိပါမည်။ တစ်ခုမှာ လက်ရှိ အသေးစားနှင့် အလတ်စားစီးပွားရေး လုပ်ကိုင်နေသူများအတွက် ဖြစ်ပြီး ကျန် ၁ ခုမှာ စီးပွားရေး လုပ်ငန်း စတင် လုပ်ကိုင်လိုသော လူကြီး၊ လူငယ် တို့အတွက် ရည်ရွယ်ဖွင့်လှစ်သော သင်တန်းဖြစ်ပါသည်။

မည်သို့သော အကြောင်းအရာများ သင်ပေးမည်နည်း?
အဆိုပါ သင်တန်းနှစ်ခုတွင် တခြားသူများနှင့်မတူသော စီးပွားရေး လုပ်ငန်းတစ်ခုကို စနစ်တကျ စတင်လုပ်ကိုင်နည်း၊ မိမိ၏ စီးပွားရေးလုပ်ငန်းနှင့် လုပ်ငန်းငွေလည်ပတ်ပုံကို စနစ်တကျစီမံခန့်ခွဲနည်း ၊ မိမိ၏စီးပွားရေးလုပ်ငန်းများကို တခြားသူများနှင့် မတူညီစေရန် စမ်းသစ်တီထွင်နည်း စသည့်အကြောင်းအရာများအား သင်ကြားပေးမည်ဖြစ်ပါသည်။

မည်သူတွေ တက်ရောက်သင့်သလဲ?
လက်ရှိ မိမိလုပ်ကိုင်နေသော လုပ်ငန်းကို တိုးတက်လာစေရန် စနစ်တကျလုပ်ကိုင်လိုသူများ နှင့် စီးပွားရေးလုပ်ငန်းစတင်လုပ်ကိုင်ရန် အကြံရှိသောလည်း မည်သို့ စတင်လုပ်ကိုင်ရမည်ကို မသိသောသူများအတွက် တက်ရောက်သင့်သော သင်တန်းတစ်ခုဖြစ်ပါသည်။

သင်တန်းကာလ မည်မျှကြာမည်နည်း?
သင်တန်းကာလကတော့ ၁ လကို ၃ ရက်စီ သင်ကြားပေးမည်ဖြစ်ပြီး စုစုပေါင်း ၂ လကြာပါမည်။

သင်တန်းများအား မည်သည့်လတွင် စတင်ဖွင့်လှစ်မည်နည်း?
ဖေဖော်ဝါရီလနောက်ဆုံးပတ်တွင် စတင်ဖွင့်လှစ်၍ ဧပြီလ ပထမအပတ် ဝန်းကျင်တွင် သင်တန်းပြီးဆုံးမည်ဖြစ်ပါသည်။

သင်တန်းကြေး သွင်းစရာလိုပါသလား?
UNDP မှ စီစဥ်ပေးသော သင်တန်းဖြစ်တာကြောင့် သင်တန်းကြေး အခမဲ့ပါ ပေးစရာမလိုပါဘူး။

သင်တန်းသား ဦးရေ မည်မျှ လက်ခံမည်နည်း?
တစ်တန်းလျှင် သင်တန်းသားဦးရေ ၂၅ ဦးစီသာလက်ခံသွားမည် ဖြစ်သည်။

အသက်ကန့်သတ်ထားပါသလား?
အသက် မကန့်သတ်ထားပါဘူး။ တကယ်စီးပွားရေးလုပ်ငန်းကို စိတ်ဝင်စားတဲ့သူ မည်သူမဆို လျှောက်ထား တက်ရောက်နိုင်ပါသည်။

သင်တန်းတက်ရောက်ခွင့် ရကြောင်း မည်သို့ သိနိုင်မည်နည်း?
သင်တန်းတက်ရောက်ခွင့်ရသူများအား ပြန်လည်စီစစ်ရွေးချယ်ပြီး ဖေဖော်ဝါရီလ ၁၅ ရက်နေ့တွင် တက်ရောက်ခွင့်ရသူများအား ဤ Impact Hub Page တွင်ဝင်ရောက်ကြည့်ရှုနိုင်မည့်အပြင် ပြန်လည်ဆက်သွယ်ပေးမည်လည်းဖြစ်ပါသည်။

စိတ်ဝင်စား၍ တက်ရောက်လိုသူများ အောက်ပါ မိမိနှင့်သက်ဆိုင်ရာ Google Form လျှောက်လွှာများတွင် ဝင်ရောက်ဖြည့်၍ သင်တန်းတက်ရောက်ခွင့် လျှောက်လွှာတင်နိုင်ပါသည်။

လှည်းကူးလုပ်ငန်းရှင်များ အောက်ပါ Link များတွင်၀င်ရောက်၍စာရင်းပေးသွင်းနိုင်ပါသည်။

အောက်ပါ Link ကတော့ အသေးစား အလတ်စား စီးပွားရေးလုပ်ငန်းရှင်များ အတွက် သင်တန်းလျှောက်လွှာ Link ပါ။

သင်တန်းလျှောက်လွှာဖြည့်ရန် (ဇော်ဂျီ)

သင်တန်းလျှောက်လွှာဖြည့်ရန် (ပြည်ထောင်စု)

အောက်ပါ Link ကတော့ စီးပွားရေးလုပ်ငန်းစတင်လုပ်ကိုင်လိုသောသူများ အတွက် သင်တန်းလျှောက်လွှာ Link ပါ။

သင်တန်းလျှောက်လွှာဖြည့်ရန်(ဇော်ဂျီ)

သင်တန်းလျှောက်လွှာဖြည့်ရန်(ပြည်ထောင်စု)

သင်တန်းနှင့်ပတ်သတ်သော အသေးစိတ်အချက်အလက်ဆများ ထပ်မံသိရှိလိုပါက 09269378730 သို့ ဖုန်းဖြင့် ဆက်သွယ်၍သော်လည်းကောင်း Message Box မှသော်လည်းကောင်း စုံစမ်းမေးမြန်းနိုင်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...