ဟင်းသီးဟင်းရွက်စိုက်ပျိုးထုတ်လုပ်သူများ GAP အသိအမှတ်ပြုလက်မှတ်ရှိမှသာ ပြည်ပသို့တင်ပို့နိုင်မည်

၂ဝ၁၅ ခုနှစ်မှစတင်ပြီး စိုက်ပျိုးရေး ဆိုင်ရာအလေ့အကျင့်ကောင်း(Good Agricultural Practives-GAP) အသိအမှတ်ပြုလက်မှတ်ရရှိမှသာ ကုမ္ပဏီများနှင့် တောင်သူများအနေဖြင့် ၎င်းတို့စိုက်ပျိုးထုတ်လုပ်သည့် သီးနှံ ထုတ်ကုန်များကို ပြည်ပသို့ တင်ပို့ ရောင်းချနိုင်တော့မည်ဖြစ်သည်။

ယင်းသို့ ဆောင်ရွက်ရခြင်းမှာ စိုက်ပျိုးထုတ်လုပ်သူကုမ္ပဏီများနှင့် တောင်သူများအနေဖြင့် ၎င်းတို့ ထုတ်လုပ်သည့် သီးနှံထုတ်ကုန်များ အပေါ် ယခုထက်ပိုမိုစျေးကောင်း ရရှိရန် ရည်ရွယ်ဆောင်ရွက်ခြင်းဖြစ်ကြောင်း စိုက်ပျိုးရေးဦးစီးဌာနမှ သိရ သည်။ GAP အသိအမှတ်ပြုလက်မှတ် ထုတ်ပေးနိုင်ရေး လုပ်ငန်းညှိနှိုင်း အစည်းအဝေးကို ဒီဇင်ဘာ ၁၁ ရက် က လယ်ယာစိုက်ပျိုးရေးနှင့် ဆည် မြောင်းဝန်ကြီးဌာန စိုက်ပျိုးရေးဦးစီး ဌာနရုံးချုပ် အစည်းအဝေးခန်းမ(၁)၌ ကျင်းပသည်။

အဆိုပါအစည်းအဝေးတွင် စိုက်ပျိုး ရေးဦးစီးဌာန ညွှန်ကြားရေးမှူးချုပ် ဦးကျော်ဝင်းက အာဆီယံနိုင်ငံများ အချင်းချင်း လွတ်လပ်သောကုန်သွယ် ရေးစနစ်ကို ၂ဝ၁၅ ခုနှစ်တွင် ဖော်ဆောင်ကြမည်ဖြစ်ရာ နိုင်ငံ တကာနှင့်လွတ်လပ်စွာကုန်သွယ်မှုပြု နိုင်ရေးအတွက် စားသုံးသီးနှံများကို GAP အသိအမှတ်ပြုထောက်ခံချက် ရရှိရန် လိုအပ်တော့မည် ဖြစ်ကြောင်း၊ GAPကို အဓိပ္ပာယ်ဖွင့်ဆိုရလျှင် စိုက်ပျိုးရေးဆိုင်ရာ အလေ့အကျင့် ကောင်းများဖြစ်ပြီး စိုက်ပျိုးထုတ်လုပ် စဉ်၊ ရိတ်သိမ်းစဉ်၊ ကိုင်တွယ်ထုပ်ပိုးစဉ် ထုတ်လုပ်သော ထုတ်ကုန်ပစ္စည်းများ တွင် ဘေးအန္တရာယ်ဖြစ်စေနိုင်သော အရာများကင်းရှင်းရေး၊ ပတ်ဝန်းကျင် ညစ်ညမ်းမှုမဖြစ်စေရေး၊ သီးနှံများ အရည်အသွေးကောင်းမွန်စေရေးနှင့် ယင်းလုပ်ငန်းများကို ဆောင်ရွက်နေ သော လုပ်သားများ ဘေးအန္တရာယ် ကင်းရှင်းရေးတို့အတွက် ဆောင်ရွက် သင့်သော အလေ့အကျင့်ကောင်းများ ပင်ဖြစ်ပါကြောင်း ပြောကြားခဲ့သည်။

GAP လုပ်ငန်းများကို ဗဟို GAP အကောင်အထည်ဖော်ရေးနှင့် ကြီးကြပ် ရေးအဖွဲ့၊ GAP အသိအမှတ်ပြုလက် မှတ်ထုတ်ပေးရေးအဖွဲ့၊ ကွင်းဆင်း စစ်ဆေးရေးအဖွဲ့၊ ပညာပေးရေး အဖွဲ့၊ ဓာတ်ခွဲစစ်ဆေးရေးအဖွဲ့ တို့ဖြင့် ဖွဲ့စည်းဆောင်ရွက်သွားမည် ဖြစ်သည်။

သီးနှံစိုက်ပျိုးထုတ်လုပ်သည့် ကုမ္ပဏီများနှင့် တောင်သူများအနေ ဖြင့် GAP လက်မှတ်လျှောက်ထား မည်ဆိုပါက စိုက်ပျိုးမည့်မြေနေရာ၏ မြေနမူနာ၊ ရေနမူနာများကို စိုက်ပျိုး ရေးဦးစီးဌာနမှ ကွင်းဆင်းစစ်ဆေး သွားမည်ဖြစ်သည်။ ထို့ပြင် မြေ ရာဇဝင်နှင့် သုံးစွဲသည့်ရေသည် GAP ဆောင်ရွက်ရန် သင့်တော် မှသာ လျှောက်လွှာကို အတည်ပြု၍ ဆက်လက် ဆောင်ရွက်ခွင့်ပြုမည်ဖြစ် သည်။ GAP ဆောင်ရွက်ခွင့်ရသူများ အနေဖြင့်လည်း GAP နှင့် ပတ်သက် သည့်လုပ်ငန်းစဉ်များ၊ ပိုးသတ်ဆေး ကိုင်တွယ်သုံးစွဲနည်းသင်တန်းတို့ကိုလည်း တက်ရောက်ရမည်ဖြစ်ကြောင်း သိရသည်။ ထို့အပြင် စိုက်ပျိုးထုတ်လုပ် သူတောင်သူများ၊ ကုမ္ပဏီများအနေဖြင့် GAP လုပ်ငန်းစဉ်အတိုင်း သီးနှံများကို စိုက်ပျိုးထုတ်လုပ်ရမည်ဖြစ်ပြီး သတ်မှတ်ချက်အတိုင်း ဆောင်ရွက် ထားမှုရှိ၊ မရှိကိုလည်း တာဝန်ရှိသူများ က ကွင်းဆင်းစစ်ဆေး ဆောင်ရွက်မှု များ ပြုလုပ်သွားမည်ဖြစ်သည်။

စစ်ဆေးဆောင်ရွက်သူများအနေဖြင့် သီးနှံထုတ်လုပ်သူများ၏ Packing House ၌ ပြည်ပသို့တင်ပို့မည့် သီးနှံ ထုပ်ပိုးမှုအဆင့်ဆင့်ကို စံချိန်စံညွှန်း အတိုင်း ဆောင်ရွက်ခြင်း ရှိ၊ မရှိ ကိုလည်း စစ်ဆေးမှုပြုလုပ်သွားမည် ဖြစ်ကြောင်း သိရသည်။

ကိုပေါက်(ဥက္ကာမြေ)

REF: The Mirror Daily

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်